#رغم_الظروف
#قارب_الهجرة
#البارت_الاحد_عشر
داليا:اهلين 😏حمدالله ع السلامة
عمر ومالك يشوفولها باستغراب
عمر:انتي الي دفعتي الكفالة
داليا:ايي انا 😏شو بدك تتشكرني
عمر شاف لمالك وشافلها :شكرا
داليا:العفو حبيبي 😘
مالك :بس انتي من ومن وين تعرفينا
داليا:انا مابعرفكم بس بعرف دعاء
مالك 😳
عمر :😳دعاء
داليا:اي دعاء زميلتي في السكن والشغل الي هربت معو وشاورت براسها علي مالك
عمر شاف لمالك ومالك منصدم وساكت مش عارف شنو ايقول😳
عمر:مالك هذي تحكي علي دعاء الي اندور فيها انا
مالك:ياعمر الموض
داليا قاطعاته:انت عمر 😳
عمر ومالك شافولها
داليا:اانت عمر الي دعاء عمبدور عليه
عمر ومالك 😳
...................
طق طق طق طق
صابر طالع من حوشهم :هيا هي وفتح الباب 😳 هضا انت 😠 وجا بيسكر الباب
سراج حط اكراعه مخلاش الباب يسكر وفتحه:اسمعني يا صابر متحكمش عليا وتهرب بدون متسمع مني
صابر:شنو نسمع انا شفت وسمعت خلاص شنو تبي اتبرر اها
سراج :اقسم بالله وقت سالتني عليها مكنتش عالم ابروحي اني حبيتها ياصاحبي اقسم بالله انقول في الصدق
صابر فتح الباب وصبا ايشوفله
سراج:انا كنت نحساب روحي انشوف فيها جارة وصديقة اختي وبس لكن مش عارف شنو حسيت بعد شفتك امعاها قلبي بيتقطع من جوا حسيت باحساس اول مرة انحسه مش عارف هوا شنو لكن حاولت انتغاضى وانفوت وحاولت انلهي روحي بالف حاجة لكن قعدت حتى بعد انغمض اعيوني انشوف فيها
صابر:اووف ويعني انا بعد قتلك انا معجب بيها حلت في عيونك 😒
سراج:لا والله مش هكي اقسم بالله نحكيلك جديات تي والله
صابر قاطعه:خلاص معش تحلف مصدقك وبعدين انا منكذبش عليها حرام عليا من اول يوم لا كذبت عليا لا عطتني امل انها معجبة بيا
سراج:يوم الي جيت قلتها ليا عرفتها انها مشاعرها اتجاهي كيف مشاعري اتجاهها وهضا الي خلاني ننشجع ونحكيلها
صابر ساكت ويشوفله
سراج حط يديه علي اكتوفه:صابر انت خويا مش صاحبي بس انا وياك من ونحنا اصغار اصحاب متخليش حاجة كيف هذي اتفرق بينا قولي شنو تبيني اندير علي شان اتسامحني
صابر شافله :نبيك اتسيبها وتنساها وطلعها من راسك
سراج 😳
..........................
عمر نزل متعقد من السيارة ومالك نزل وراه ويمشي في جرته ايحاول يوقفه
مالك مسكه ووقفه ولفه له :اسمعني بس
عمر التفت عليه عطاه بوني 👊
مالك طاح لوطة
ميلاد صبا بعيد ويشوف ويسمع فيهم واستغرب انهم ايتعاركو
عمر يعيط علي مالك:دعاء يامالك مالقيتش الا
دعاء يامالك 😡
مالك صبا :اسمعني بس والله ماكنت نعرف انها هيا اقسم بالله
عمر مسكه من دبشه :وينها ويعيط عليه احكي وينها 😡
مالك:قاعدة في فندق.........غرفة رقم 218
عمر اعزقه والتفت بيمشي مالك وقف قدامه:عمر افهمني اقسم بلله ماكنت نعرف والله
عمر قاطعه:حبيتها 🥺
مالك ساكت 😔
عمر خبطه بيديه علي صدره:حبكت يامالك حبكت مالقيتش الا دعاء
مالك:اضربني اقتلني لكن والله مش بيدي قلبي حبها ياصاحبي واقسملك بلله قبل حتى منعرفها هيا
عمر شافله بغل ودفه من قدامه ومشا😡
أنت تقرأ
رغم الظروف
Contoمجموعة قصص قصيرة تحت عنوان #رغم_الضروف كل قصة ابروحها ملهاش صلة بلاخرى لو لقيت تفاعل سمح حنبدا انزلهن 😘😘😘😘
