رغم الظروف

#رغم_الظروف

#قارب_الهجرة

#البارت_الثامن

مالك نزل فيه ابواني ويعيط عليه :انا قتلك ماتقربهاش ماتقربش منها 😡ياميلاد
ضربه ابواني لعند ميلاد وجهه توارى من الدم  عزقه وصبا التفت خش علي دعاء الي قاعدة يابسة مصبية في زاوية الغرفة وتبكي
مالك قرب منها خدا جاكتها وتما يلبس فيها ودعاء اتشوفله وتبكي
مالك لبسها جاكتها ومسك وجهها بيديه مسحلها ادموعها بابهامه:خلاص متبكيش ويشوفلها بنظرات اتجنن
خدا شنطتها ومسكها من يدها وطلع هوا وياها بينزل من الدروج لمح اثنين رجالة اضخام خاشيين للعمارة
رد بيها ورقا بيها فوق لعند السطح
مالك التفت عليها ومسكها من اكتوفها:اسمعي بنزقبو من هنا لعند انطلعك من المنطقة اوكي
دعاء اتشوفله وتبكي:هزت ابراسها ومشو
زقبو من السطاحات لعند تباعدو علعمارة الي كانوا فيها ونزلو ركبو تاكسي وعدو

الرجالة الضخام خشو للشقة لقو ميلاد طايح والدم علي وجهه مضروب شافلهم:عدا توا هرب بيها لحقو عليهم

الرجالة انزلو يجرو وميلاد صبا بصعوبة وخش للحمام يغسل في وجهه من الدم
شاف لروحه في المرايا ويتالم من وجهه :تي والله انوريك يامالك الكلب😡انا تضربني علي شان وحدة 🤬
.......................
ابتهال روحت الحوش وهيا فرحانة الدنيا مش سايعتها من الفرح
ابتهال اتشوف لروحها في المرايا:واخيرا حس بيا ااه وطاحت عالسرير خدت مخدة وحطتها علي وجهها وعيطت بفرحة عامرة

سراج فتح الباب وخش وهوا حاس بلفرحة الي طلع مشاعرة واعترف بحب ابتهال
اسماء:سراج روحت
سراج:لالا مزلت 😒شنو اتشوفي فيا
اسماء:اسمع عندي موضوع بنحكي معاك فيه غير وتعال
سراج:باهي 😒وخش غير وجا قعمز جنبها نعم خير
اسماء:اسمع بما انه الفرخة الي اسمها دعاء هجت من حياتنا وتريحنا منها
سراج قلب اعيونه :استغفرالله
اسماء :المهم خليني انكمل 😒
سراج:كملي 🙄
اسماء:شنو رايك نقولو ماتت وانطلعولها شهادة وفاة وناخدو ورثها طبعا بما انها مش قاعدة ولا عليها حس ولا خبر
سراج 😳
............ ...........
مالك ودعاء وصلو علي فندق خدا دار وركبو
مالك فتح باب الغرفة:خشي ويشوف يمين ويسار خايف حد لحقه وخش وراها وسكر الباب
دعاء خشت وصبت مالك خش وقعمز ع الصالون وحط راسه بين ايديه :اووف
دعاء قربت منه وقعمزت جنبه اتشوف ليده كلها دم
صبت خشت للحمام خدت منشف وبلاته وجت قعمزت مسكت يد مالك وتمت تمسحله في الدم
مالك ايشوفلها وهيا تمسح في يده كانه يحفظ في ملامحها
دعاء مسحت الدم لقت جرح صبت للحمام جابت قارزة من صيدلية الحمام ولفتله يده
دعاء كملت لف يده بلقارزة وماسكه يده اتشوفلها وسرحانة وساكتة
مالك ايشوفلها وساكت
دعاء افطنت بروحها ماسكة يده طلقتها ومسحت الدمعة الي علطرف عينها وشافتله :انا اسفة سببتلك مشكلة مع صاحبك
مالك ايشوفلها:لالا عادي اصلا يستحقها الضربة علي شان يوعا لنفسه من العفن الي يدير فيه
دعاء ساكتة طبست راسها
مالك:فادي شكله مازال حاطك في راسه ويدور عليك
دعاء تمت ترعش:حاي عليا شنو اندير😱ياربي 😭
مالك:اهدي اهدي توا نلقو حل متخافيش طول ماانا معاك متخافيش من شي
دعاء اتشوفله
مالك:انتي توا اقعدي هنا متحركيش ومش حيقربك حد
📲📲📲📲📲
مالك شاف المتصل لقاه عمر:الو وصبا طلع في البلكونة