#رغم_الظروف
#قارب_الهجرة
#البارت_التاسع
مالك ودعاء كملو اجراءات الزواج وطلعو من القاضي
مالك طول الطريق وهوا عقله يخمم وحاس روحه بينفجر ويخمم زعما هيا دعاء نفسها الي يدور فيها عمر او لا وقرر يسكت لعند ايتاكد
وصلو للفندق ونزلو وركبو للغرفة وخشو
دعاء متوترة وخايفة خشت وقعمزت ساكتة ومطبسة راسها متبيش اتشوف للمالك
مالك قعمز وحط راسه بين ايديه حاس روحه بينفجر
دعاء شافتله :اسفة 🥺
مالك شافلها:عليش اتاسفي
دعاء:انحس في روحي ورطتك وانت مش مجبور علي مساعدتي كنت اتخليني نمشي من اول يوم
مالك:اسمعي انا عند كلمتي طول مانا عايش والله ماواحد يلمس شعرة منك
دعاء سكتت
مالك:اتصدقي اليوم بس عرفت اسمك دعاء صاح
دعاء :ااها وانت مالك
مالك:دعاء الزواج هضا ظمان بس متخافيش مجرد ماتلقي امك حنطلقك
دعاء 😳تحكي في فكرها:بس كيف عرف اني اندور في ماما
مالك بعد دعاء سكتت ومردتش عليه عرفها هيا نفسها وتاكد منها غمض اعيونه بحسرة وصبا خش للحمام فتح الشيشمة وغسل وجهه وشاف لروحه في المرايا:شنو درت غبي ضرب راسه بيديه مالقيتش الا البنت الي يحبها صاحبك تعجب بيها واخرى تزوجها ااخخ حمار حمار ويخبط في راسه وحاس روحه من جوا مقهور علي عمر
رفع اعيونه وشاف لروحه في المرايا :مستحيل انخليه يعرف انها دعاء مستحيل لعند تلقى امها وانطلقها وبعدها نطلع من حياتهم ااخ 😞
....................
عمر ماسكه واحد طول وعرض ومقابله واحد طول وعرض يضرب فيه
عمر وجه متورم ودموات وطايح علي ركبيه
فادي:لساتك مابدك تعترف بمكانهم
عمر ايشوفلهم بصعوبة من الدم الي مغطي وجهه :قققتلك الي نعرفه اح اح
ميلاد صبا :كذاب جيت خديت ادبشه وطلعت قابلته
عمر:ياكلب يا🤬 عطيتهن له تقابلنا في مكان عام يامسخ
فادي:يعني ماتعرف وينون ممم جيبوه وتعو ورايا
ميلاد ايشوف فيهم كارينه وخايف علي عمر ايديروله حاجة وحاس روحه نادم :ووين واخدينه
فادي:خليه ماتخاف بكرا راح يجي وطلعو
ميلاد قعمز وحط يديه في شعره :اووف
....................
مالك طلع من الحمام طلب اوكال وقعمز جنب دعاء
مالك:دعاء انتي متعرفيش امك وين تسكن او تعرفي حتى مكان نسالو عليها فيه
دعاء:عندي رقم تلفون عطاه ليا بابا الله يرحمه زمان وصبت خدت شنطتها وطلعت صور
هذي ماما 😊وبابا والصغيرة الي في الكروسة انا
مالك مسك الصورة:تشبهي امك واجد
دعاء:ااها ديما بابا ايقولي فيها 😊 وهذي ورقة فيها اسمها بلكامل ورقم تلفون
مالك خدا الرقم ورن عليه
دعاء 😳:اترن عليه قصدك
مالك:ااها لكن الرقم مقفل عطاني
دعاء:😔
طق طق طق طق
مالك صبا :اكيدة الغداء وفتح الباب خدا الاكل وجا وحطه عالطاولة وقربها من دعاء هيا مدي ايدك
دعاء مدت يدها وقعدو ياكلو ويهدرزو وكل واحد يحكي علي نفسه يتعرفو علي بعضهم البعض
أنت تقرأ
رغم الظروف
Kort verhaalمجموعة قصص قصيرة تحت عنوان #رغم_الضروف كل قصة ابروحها ملهاش صلة بلاخرى لو لقيت تفاعل سمح حنبدا انزلهن 😘😘😘😘
