رغم الظروف

#رغم_الظروف

#البارت_الخامس_والاخير

#نصيبي

كلهم يشوفو لحبيبة مستغربين ومراد مصدوم منها
حبيبة منهارة وتبكي
زكية:توا يابنتي فهمينا مش قلتي راجلك ميت
حبيبة تبكي:مش ميت انا هاربة منه 😭ومن عذابه
مراد 😳
احلام:خلاص اهدي ياحبيبه متخافيش توا هما مع باتهم مش براني عليهم
حبيبة:انتم متعرفوش من صفوان ،صفوان انسان حقير بلا مشاعر وبلا ضمير معنداش حنانة عليهم كانهم مش اعياله هوا توا ماكر فيا الي هربت منه ومن ظلمه 😭اعيالي نبي اعيالي حرام والله حرام 😭
زكية:هيا خلونا انروحو وتوا انفكرو شنو انديرو
مراد طبس عليها:حبيبة شوفيلي هنا
حبيبة شافتله بعيون مليانات ادموع وكسرة
مراد:اعيالك حيردو لحظنك متخافيش توا هيا انروحو وبكرا الصبح توا نصرفو
حبيبة مسكاته من ايديه واترجى فيه:مراد الله ايخليك ردلي اعيالي 😭اعيالي انا عايشة علي خاطرهم والله نقتل روحي لو يبعدو عني 😭

زكية تباعدت وقعمزت علكرسي وتمت تبكي وتمسح في ادموعها
احلام جتها:كنك ياماما
زكية تمسح في ادموعها:مكني شي حبيبة فكرتني بنفسي زمان لما باتكم خداكم مني انا توا حاسة بيها اكثر منكم فعلا الام بلا اعيالها متقدرش اتعيش 😔
احلام:انتي توا لازم تعطيها من قوتك ياماما حبيبة طيبة ومعندهاش حظ
زكية:وزيديها معندهاش اهل انا زمان خوتي صبولي وخلوه ايطلقني وايتنازل عليكم غصبن عنه
احلام:مراد مستحيل ايسيبها واتشوفله مراد يحبها وربي حيعوضها بيه انشاالله
...........................
صفوان :خشو خشو جوا
والعيال ايتباكو ويتعايطو ويعيطو نبو ماما

نعيمة وصابرين طلعن يجرن من الدار
نعيمة مسكتهم وظمتهم :نجكم ليا حبايبي
صابرين 😳:صفوان القيت حبيبة
صفوان:ال  🤬هذي اتصيعلي مع راجل وتدوهرلي في المولات الفاسدة
صابرين 😱:صفوان وين حبيبة
صفوان:الي جابلي العيال قالي في مراة متخمرة خفنا تطلع مش هيا لكن اعيالها هنا توا اتجيهم معندها وين هاربة
نعيمة مسكتهم وخششتهم للدار علي شان يسكتو لانهم يعيطو وخايفين من صفوان ايعيط

صابرين:صفوان اسمعني حبيبة خلاص طلقها وريحها شنو تبي فيها وانت اتعامل فيها بلطريقة هذي تبيها اتحملك تحملاتك الا واجد راه
صفوان:انا مش حنطلقها واتجي كيف الكلبة كان تبي اعيالها حتقعد هنا عندي انا وحتمنا الموت وماطوله المسخة مش انا الي تهرب مني وتعدي اتصيع علي حل شعرها وطلع

صابرين:اووف الله ايسامحك ياحبيبه حتى انتي مفروض كلمتيني راني ساعدتك بعدها سمعت نقالها ايرن عدت لقاته خليفة
.......................
زكية:خشو انتم توا انجيكم وخشت مع حبيبة لشقتها  تعالي قعمزي هنا واحكيلي كل حاجه من الاول وياريت متخبيش شي عليا بيش نقدر انساعدك
حبيبة تحكي وتبكي حكتلها من يوم توفايت باتها وامه لعند اليوم الي هربت فيه مع اعيالها