رغم الظروف

#رغم_الظروف

#قارب_الهجرة

#البارت_الثاني

كرستينا بعد جاها التلفون من مجهول خدت بنتها وصبت ومشت لحوش نادية بتاكد
وقفت سيارة اجرة كرستينا اتشوف للحوش ناس داخلة والواضح فعلا فيه مناسبة
كرستينا خدت بنتها ونزلت تمشي وقلبها قابضها خايفة من مواجهة الحقيقة

كرستينا امصبية واتشوف للصبايا والدموع مالية اعيونها
اسماء:تفضلي ياعمتي تعالي فيه ولية جايتك
نادية طلعت من المطبخ :😒هذي انتي
كرستينا:ممماما صحيح فريد تزوج
اسماء :😲
نادية:ازوز ياحنى واهي مراته محترمة مسلمة وبنت بلاده
كرستينا اتشوف للاسماء واعيونها مليانات ادموع:اانتي زوجة فريد
اسماء طبست راسها ومبتش اترد

فريد خاش :يامي هيا طلعو العشاء ومجرد ما شاف كرستينا واقفة انصدم😲
كرستينا:🥺 😢
فريد مسكها من يدها وطلعها
كرستينا:سيب ايدي فريد سيب ايدي
فريد:انتي شنو جابك هنا اها احكي😡
كرستينا:انا جاني تلفون بيقول انك تزوجت 😭
فريد:اووف كرستينا انا
كرستينا:متقولش حاجة انت خلاص انفضحت لكن انا الهبلة الي نايمة علي وداني 😭
فريد:كرستينا اسمعي بس والله غصبن عني
كرستينا:غصبن عنك ههه انت غصبن عنك مافيش حد يتزوج غصبن عنو انا غلطانه من الاول كملت معاك وصدقت انك تهبني 😭وقعدت معاك في بلاد موش بلادي وامك موش عايزاني وكله لاني بهبك 😭
فريد:كرستينا انا والله انحبك ومستحيل
كرستينا قصت عليه:مستهيل مستهيل شنو انت توا عندك بيبي من وحدة تاني وفعلا زي ماقالت امك من بلدك ونفس دينك وخدت بنتها وطلعت ركبت في التاكسي
فريد:كرستينا اسمعيني ويلحق فيها
كرستينا :سوق بسرعة 😭
التاكسي طلع وفريد صبا ايشوف فيها اتباعد مسح وجهه متعقد ورد خش للحوش

فريد خاش متعقد:امي يامي
نادية طلعت :كنك شنو فيه
فريد:تعالي انتي واسماء في الدار نبيكن
نادية:😲الصبايا بيتعشن بعدين
فريد قص عليها بعياط:قلت توا قدامي
نادية لعند ارعشت وخشت كلمت اسماء وخشن للدار وراه
......................
كرستينا روحت بكت لعند قالت بس ودعاء اتشوفلها تبكي وتبكي معاها
كرستينا ضمت دعاء وقعدت تبكي بعدها سكتت وسكتت دعاء ورقدتها
حطتها عالسرير وطلعت فتحت نقالها حجزت علي اول طيارة ل ايطاليا
ولمت دبشها في الشنطة ورقدت جنب بنتها وضمتها وقعدت تبكي
كرستينا:سامهيني دعاء انا مقدرش اخدك من فريد 😭فريد يهبك كتير لكن انا هاشوفك دايما 😭انتي مكانك هنا انتي لازم تكبري مسلم مش مسيهي 😭
....................
فريد يعيط واسماء ونادية يرعشن
فريد:توا نعرف منو الي كلمها احكن
اسماء:والله مكلمتها ولا نعرفها اصلا حتى بعد جت معرفتهاش 😭
نادية:خلاص يافريد رعشت المراة نافس كنك انت وكان علمتها يعني سيورها بتعلم توا ولا بعدين
فريد:بس مش بالطريقة هذي انا كنت ناوي نحكي معاها بس انا حنعرف كيف انجيبها لها ليش تستغفلوني واتكلموها لييش 😡
اسماء 😭
نادية:انا كلمتها
فريد 😲
نادية :اها متشوفليش هكي انا مصدقتك انسجمت معا اسماء وجبت منها اعويل فرحت قلت انكلمها وانقولها لها بلكي نفتكو منها ومن وجهها الكافرة
فريد مسح علي وجهه:لا حول ولا قوة الا بلله ليش يامي اديري هكي ليش عادي عندك اتخربي حوشي
نادية:اين حوش ياباتي حوشك هن وسط هلك وناسك ومع مراتك ام اعيالك اسماء
فريد:يامي حتى هذيك مراتي وام اعيالي ودعاء شنو جايبتها من هلها
نادية:انا لا نريدها هي لا بنتها انا عندي اسمية وسروجا بلدنيا هيا حبيبيتي مترعشيش روحك  اطلعي لوليدك ماراه الا يبكي وانت اطلع شوف معازيمك امشي وانت ذاهبة شيرتك هالكافرة وطلعت
فريد حس ابروحه يبي يطربق ايرن علي كرستينا وهيا متبيش اترد عليه طلع كمل باقي عشاه والاسبوع الي دايره