#رغم_الظروف
#قارب_الهجرة
#البارت_السابع
برة الغرفة هرجة وصوت رجالة
مالك مصبي يشوف لوحدة كارسة وراء الباب وترعش والواضح انها هاربة من حد
مالك:😳انتي منو
دعاء التفتت عليه وترعش خايفة دارتله علامة اشش 🤫
مالك قرب منها :شنو الهرجة الي برة مد يده بيفتح الباب
دعاء مسكت يده وتهز براسها لالا متفتحش والدموع في اعيونها
مالك يسمع فيهم برة
فادي:هلأ بجيبها من تحت الارض انت بس اصبر عليا
الراجل ماسك خشمه ونازل منه دم :انا تضحك علي يافادي لك والله لوريك
فادي:والله مادحكت عليك هيا بس اول يوم ليها معنا بس يمكن متوترة
الراجل:اتوتر تضربني علخشمي شووف شوف الدم تردلي افلوسي يافادي داحين
فادي متوتر وخايف وميبيش يخسر زبونه :صافي بتجيبيها ليا من تحت الارض وماتخلي حدا يروح وفتشي العمارة كلها والتفت علراجل انت تعا معي غسل اشوي الدم وهلأ بجيبها واعمل بيها شو مابدك
دعاء تسمع وتبكي بدون صوت وترعش ونضراتها للمالك نظرات ترجي انه ميفضحش مكانها
مالك يسمع فيهم التفت علي دعاء ويهمس :يحكو عليكي
دعاء هزت براسها اها
مالك:انتي شنو درتي ضربتي الراجل
دعاء هزت براسها اها
مالك يضحك:ووه عليك المجرمة 😂
دعاء 😒
مالك مد يديه :تعالي متخافيش تعالي
دعاء دفتله ايديه وترعش
مالك شافلها باستغراب :انتي شنو قصتك الراجل دارلك حاجة اذاكي
دعاء هزت براسها لالا
مالك :اووف تي احكي بكوشة انتي ولا شنو
دعاء انفجرت بلبكاء:هما جبروني انا منبيش نشتغل هنا 😭
مالك 😳:انتي ليبية
دعاء شافتله وعيونها مليانات ادموع :ااها 😭
مالك مسك راسه بيديه مش مصدق بنت ابلاده تخدم في مكان كيف هضا هكي حسها في وسط كبده وخلاص😁
مالك:باهي تعالي واحكيلي من شنو هاربة تعالي
دعاء جت وقعمزت وتبكي
مالك بعصبية:احكي مقتلكش ابكي انا
دعاء:ااانا قاعدة هنا بطريقة غير شرعية ........
...............
سراج مرقدش بكل وهوا يفكر في ابتهال الي فجاءة اختفت من حياته وفقد اهتمامها وتهدريزها
سراج فتح التلفون وحط علي رقمها ومتردد يرن عليها
سراج ايخمم:شنو ادير انت ياسراج البنت اكيد توا قاعدة تهدريز مع صابر وبدات تعجب بيه
التفت رقد علي جنبه باهي وانت شنو مش عاجبتك يعني وشنو تفسر شعورك بعد اتشوفها اتهدرز وتضحك معاه
رقد علي ضهره اااه شنو تبي منها بلزبط ياخليها في حالها يااعترفلها بمشاعرك
وقعد يتقلب ويفكر ويحكي مع نفسه لعند رقد
....................
مالك يسمع في دعاء وساكت وقلبه بيتفجر صبا :هيا صبي
دعاء صبت :ششنو بدير
مالك سلح جاكته وقدم عليها ربطلها الجاكة في خصرها
دعاء اتشوفله ومنصدمه من تصرفه
مالك ربطلها الجاكة سترت كرعيها شافلها مسك يدها وبيطلع بيها
دعاء وقفت :اننت شنو تبي ادير
مالك :بناخد اوراقه ونطلعك من تحت رحمته الكلب
دعاء:لالا خايفة يمسكني
مالك:متخافيش انا معاك
دعاء سكتت ومشت معاه
أنت تقرأ
رغم الظروف
Contoمجموعة قصص قصيرة تحت عنوان #رغم_الضروف كل قصة ابروحها ملهاش صلة بلاخرى لو لقيت تفاعل سمح حنبدا انزلهن 😘😘😘😘
