#رغم_الظروف
#قارب_الهجرة
#البارت_الاول
نادية:يانهاري الاسود علي هالفضايح 😱حاي عليا شنو بيقولو علينا الناس
فريد:تي اين ناس انا شنو دخلني بلناس يامي توا عليش العياط
نادية:مزلت تسال عليش انعيط جايبلي وحدة كافرة واتقولي تزوجتها وجايبها معاك ومتبنيش انعيط
فريد:يامي عيب المراة تسمع فيك راهي تفهم في العربي راه عيب مش هكي
نادية:اااخ يامرارتي انت بتجلطني عقاب عمري اااه ياربي
فريد:اوووف
نادية:ماتنفخش عليش تنفخ مش عاجبك كلامي تي والله باتك لو حي راهو ماتقدر ادير الي درته
فريد:يامي كريستينا انحبها ومستحيل انفرط فيها
نادية:تي انت سافرت تخدم ولا اتصيع علي حل شعرك ااه
فريد:خدمت ولميت افلوس وخلاص توا الحمدلله روحت وقررت الاستقرار في ابلادي خير منهالغربة الي هلكتني
نادية:لا واضحة هلكاتك شوفو الدليل جايبلي معاك وحدة مايعة😒
فريد برم وجها:اووف انتي مفيش امعاك امفاهمة بكل انا توا ناخدها ونمشي للفندق لعند اندور علي شقة ولا حوش
نادية:وانا هذي جزاتي اتخليني
فريد:باهي والحل يامي توا شنو تبيني نقتل روحي 😤
نادية:طلقها
فريد:😲تحكي جد
نادية:اها شنو تحسابني انبصر 😒
فريد:ببس انا منبيش ومنقدرش
نادية:وعليش متقدرش 😒
فريد:كرستينا حامل
نادية 😱:طيح سعدك من امتى حامل
فريد شاف لامه :تي شنو تحسابيني يامي انخاف ربي راه والله مقربتها لعند تزوجتها
نادية:وين نعلم انا هذينا كافرات وماعلمات حاجة عادي كل شي عندهم مباح لا حلال لا حرام 😒
فريد:اووف انا قتلك يامي نصرانية مش كافرة كنك انتي
نادية:نفس المعنى
فريد :اووف وطلع وسيبها
نادية :تي تعال اووف تي والله ماني مسيبتك لعند اطلقها ناقص علينا والله😒
.........................
فريد طلع لقا كرستينا وجهها متغير ومقعمزة قرب منها :كرستينا هيا صبي
كرستينا صبت وطلعو وركبو في السيارة
كرستينا:شنو قالت ماما
فريد شافلها وحط يده علي راسها وابتسم:مقالت شي لكن توا بنمشو للفندق
كرستينا:انا موش مرهب بيا صاح
فريد:ااوف خليها توا ترضى
كرستينا:😔
فريد:خلاص متزعليش هيا لانها متعرفكش لكن بعد اتعرف عليك حتحبك كيف ماحبيتك 😊
كرستينا حطت يدها علي بطنها:انا كايفة موش حب بيبي كمان
فريد:مستحيل لانه البيبي حفيدها اكيدة حتحبه
كرستينا ايطاليا في ايطاليا اغلب اختلاطها بلجالية العربية اتحبهم واتحب لغتهم وهضا الي خلاها اتعلم اللغة العربية
فريد ليبي وحيد اهله سافر ل ايطاليا للشغل وفي ايطاليا قابل كرستينا
قابلت فريد في ايطاليا وحبو بعضهم مع انها مش مسلمة بس فريد حب طيبتها وروحها الحلوة
فريد تزوج منها بدون علم امه وبعد رجع معاها لليبيا امه متقبلتش فكرة ولدها الوحيد يتزوج وحدة مش ليبيا ومش مسلمة
استقرو فريد وكرستينا في فندق لمدة قصيرة بعدها شرا حوش جنب امه
فاتن تسع اشهور حمل كرستينا وام فريد مازالت مش متقبلتها او اتحبها
نادية حاولت مع فريد واجد انها اتخليه ايطلقها لكن فريد مش امفرط فيها
...................
فريد:باهي تعالي شوفيها بس توا البنت شنو ذنبها
نادية:ذنبها امها كافرة
فريد:لا حول ولا قوة الا بالله تي كنك يامي هذي بنتي من لحمي ودمي
نادية:والله انت اتقول هكي لكن وين نندري عليها انا اصلا هذينا مفيش فيهن ثقة بكل😒
فريد:استغفرالله العظيم وطلع وسيبها
نادية 😒
...................
فريد فتح الباب وامروح بكرستينا من المستشفى
فريد:تعالي ارقدي تريحي رقدها عالسرير وطبس علبيبي بس بس بس
كرستينا:ااخ انا تعبان واجد
فريد:تريحي ارقدي ووصيت علي وحدة اتجي تخدم عليك
كرستينا:هبيبي انت
فريد طبس باسها بوسة حنونة:وانتي قلبي وطبس علبيبي وانتي روحي
كرستينا:لالالا انا القلب وروه
فريد:😂باهي وهيا معندهاش قرعة فيا
كرستينا:هيا هياتنا واعوينا
فريد:ها شنو بتسميها
كرستينا:دعاء
فريد:اممم حلو بس كيف خطر عليك
كرستينا:في ايطاليا زمان تعرفت علي بنت هلوة كتير من تونس اسمها دعاء وانا من يومها هبيت الاسم 😊
فريد:حلو خلاص دعاء وطبس عليها دعاء حبيبة قلبي بابا توا ايجي باهي وطلع
دعاء اتعيط
كرستينا 🙄
.....................
مر 5اشهور علي ولادة دعاء والحياة اصعبت علي فريد كرستينا مش متحملة اعياطها او معاناتها وشبه متبيش حتى تمسها
أنت تقرأ
رغم الظروف
Kurzgeschichtenمجموعة قصص قصيرة تحت عنوان #رغم_الضروف كل قصة ابروحها ملهاش صلة بلاخرى لو لقيت تفاعل سمح حنبدا انزلهن 😘😘😘😘
