#رغم_الظروف
#البارت_الثاني
#نصيبي
حبيبة تبكي واتالم :والله واعيتك 😭انت مبيتش توعا 😭
صفوان عطاها طريحة وعزقها:اسمعي انا ميمشيش امعايا الجو هضا اتواعيني لعند نوعا مش اتجي اتقوليلي اوعا مناباش اتفوتيني
حبيبة تبكي واتالم علي حظها :حاضر والله ماعد انعاودها😭
صفوان:صبي فزي وتيلي فطوري هيا وخش للحمام غسل وطلع فطر وصبا خش عليها في الدار لقاها تبكي
حبيبة مسحت اعيونها خافت وسكتت
صفوان:اسمعي صبي البسي وهيا ننزلة انتغدو لوطة وتركبي بدري فاهمة مش اتخليني لعند انكلمك وطلع نزل
حبيبة بكت وخبطت علي حظها وسعدها الطايح لعند ادهشت
صبت خشت غسلت وغيرت ونزلت
حبيبة خشت سلمت عليهن وقعمزت تغدت امعاهم وغسلت امعاهم ومشت يومها عادي صفوان امه وخواته اكويسات لكن امه متبيش تعترف انه ولدها حقير
صابرين:انتي لعند سنة كم قارية ياحبيبه
حبيبة:قريت لعند الاعدادي خذيت الشهادة وبطلت
صابرين:وعليش
حبيبة:مروان خويا بعد ماتو ماما وبابا بطلني قالي اقعدي اشقي بلحوش احسن
صابرين:متزعليش مني خوكي اناني معقولة هكي تقعدي بلا شهادة المراة مالها الا شهادتها الوحدة تلقاها بعد اتواجه الحياة ابروحها
حبيبة:انتي قارية يا صابرين
صابرين:ااها قارية ونشتغل اخرى
حبيبة:مش مخطوبة انتي
صابرين:ااه مزال صاحب النصيب ماجاني😊
حبيبة:انتي اتهبلي اكيدة كلهم ايراجو منك في اشارة بس
صابرين:نجك ليا تي انتي الي اتهبلي واخسارة في خويا
حبيبة طبست راسها بحزن
صابرين :ااه قصدي انتي احلى من خويا اتهبلي 😊
حبيبة:تسلمي حبييتي 😊
صفوان خش :هيا حبيبة ليل خلاص
حبيبة صبت ترعش مع بعضها وركبت و صفوان وراها ويقرص فيها
صفوان:شنو قتلك انا اها مش قتلك متخلينيش انكلمك اركبي ابروحك وفتح الباب ومسكها من يدها وعزقها جوا وخش
حبيبة:والله خداني التهدريز مع اختك صابرين ومحسيتش بلوقت
صفوان:من اولها انتي بتعانديني واتلكلكيلي امشي خشي جوا منبيش انشوف وجهك
حبيبة خشت دارها ترعش بكت لعند راسها داخ
حبيبة وعت علساعة 2 في الليل تسمع في التلفزيون عالي طلعت لقت صفوان شارب واحداه اشيش ومكسرات والدنيا شايلة جنبه
طفت التلفزيون وقعدت اتلم في الحوسة
صفوان حس بحركتها وعا فتح اعيونه بصعوبة ويحكي بلسان ثقيل
صفوان:ففييش اديري
حبيبة انخلعت منه:للا لا شي انلم في الحوسة بس
صفوان مسكها من يدها وكرها لعند طاحت
حبيبة ترعش :خخلييني الله ايربحك😭
صفوان ضربها كف :اشششش وخدا منها الي يبيه وصبا خش رقد
حبيبة صبت خشت تجري للحمام طاحت تحت الدوش تبكي وتندب علي حظها:😭اااه ياربي لعند امتى بنعيش فهالقرف 😭😭
..................
تسريع في الاحداث
أنت تقرأ
رغم الظروف
Short Storyمجموعة قصص قصيرة تحت عنوان #رغم_الضروف كل قصة ابروحها ملهاش صلة بلاخرى لو لقيت تفاعل سمح حنبدا انزلهن 😘😘😘😘
