سأراك بقلبي (مكتمله)

الفصل الحادي عشر

الفصل الحادي عشر

عاد يوسف للمنزل حيث اصبح في الاونه الاخيره يتابع قواعد نور يحاول الالتزام في الصلاه بقدر المستطاع ويحاول الامتناع عن السجائر و احيانا يصبح حادا مع نور و احيانا لين فذلك المريض النفسي لا يثبت علي حال بين الحين و الاخر و لكنه كان كذالك في الفتره الماضيه فالان اصبح جيد بما يكفي فتلك الجنيه غيرته في غضون اسبوعين من وجودها

كانت نور تجلس كالعاده في الحديقه في ذلك المكان الوحيد الذي تشعر به بالراحه والامان اقترب منها

-انا يوسف

بأبتسامه- اهلا حمد لله على السلامه

يوسف بأستغراب- ليه

- هو ايه اللي ليه مش انت جاي من بره اللي يجي من بره بنقول له كده

- بجد

ضحكت- المفروض

- اصل عمري ما حد قالها لي

- ممكن عشان هما اصلا مش عارفينها

- ينفع اقعد

- اكيد

- انا بقى لي اسبوع دلوقتي ماشي على اللي انتي قلتي عليه ورجعت لحياتي الطبيعيه يعني شكرا..كنت عايز اعتذر لك على اللي حصل مني في الاسبوعين اللي فاته كله كمُجمل

- مع اني ما حطتش الموضوع في بالي بس انت فكرتني..و مبسوطه انك عرفت غلطتك واعتذرت من قلبك المره دي..شكرا انك سمعت لي و أنك رجعت لحياتك

-انتي ليه بتساعدي الناس و مبسوطه بسعادتهم

-وليه لا..ليه ابقي انانيه..ليه ميبقاش فيه رحمه..دي انا يا يوسف

ليمزح قائلا- بس انتي عرفتي منين الحشيش..شكلك زميله ههههه

ضحكت عالياً- الحكايه بكل بساطه انك طول ما انت عايش في حاره هتتعلم كل حاجه في الحاره الكل بيفكر..فيها تاجر المخدرات بيفكر عشان يحمي نفسه من الخطر والغلبان بيفكر عشان يحمي اكل عيشه الحاره مكان زي اي مكان في الحلو والوحش بس بتختلف شويه و هناك اتعلمت حاجات كتير

يستمع ولم يعلق لتقول له لتوطيد العلاقه اكثر- مش عايز تعرف انا مين

يوسف برجاء- يا ريت

سردت نور تفاصيل عنها الاسم والسن وطبيعه حالتها وكيف تعرفت على اخيه وبعض التفاصيل الصغيره على عائلتها- بس يا سيدي ودي حكايتي مع الزمان

- انتي حكيتي لي كل ده علشان اثق فيكي واتكلم صح

بالرغم من ان كان ذلك المراد ولكنها ارادت ان تعطيه مشاعر ليتكلم بها بالرغم من تحسن علاقتها في الاونه الاخيره معه لكنه لم يتكلم الا مره واحده كما حدث من اسبوع - لا يا يوسف انا اه عاوزه اكسب ثقتك مش عشان نبقى اصحاب بس لكن مش عايزه اكون لوحدي وانت كمان مش عايز تبقي لوحدك ايه الضرر لو كلنا نبقى مع بعضينا