سأراك بقلبي (مكتمله)

الفصل الثاني و العشرون

الفصل الثاني و العشرون
-مقولتليش ناويه علي ايه؟

- اكمل دراستي ده اكيد وهشتغل..الفلوس اللي كانت سيبها بابا معايا كانت كثير اه وكمان زادت من تامين على الحياه اللي كان عاملها على نفسه..مهمه بس مسيرها هتخلص ولازم احافظ على الاقل على مستويا

- اكيد طبعا طيب تحبي اساعدك في موضوع الشغل

نور بحماس وفرحه- تقدر

- اكيد

- بس بعيد عن شركه مامتك

ابتسم- اكيد برضه انتي اساسا مؤهلك الدراسي ميناسبش الشركه واكيد ماما مش هتحطك في الشركه برضه

- شكرا جدا يا يوسف

- الشكر لله بس هتقدري توفقي بين دراستك وشغلك

- اكيد طبعا انا لو مش قدها مس هاخد الخطوه دي

- طيب انا هشوف ايه الشغل المتاح لكِ بالثانويه زي ما انتي عارفه

- يا سيدي اي حاجه حلوه وبعدين انا عارفه انك هتجيب لي شغل كويس جدا.. شكرا لك

- متشكرنيش يا نور انتي ساعدتيني كثير ااوي اللي انا بعمله واجب عليا مش مساعده

نظرت له بحنان- متقولش كده.. تعرف ان انا مبحسش اني بطله غير لما انت بتتكلم عني

ابتسم و قاطعتهم صوت جيهان- hello بتعملوا ايه؟

ابتسمت نور- وعليكم السلام مفيش بنتكلم

- تعرفي يا نور انا بقى لي هنا اربع ايام ومتصورتش معاكي عشان اكتب عليها My cousin's fiancé (خطيبه ابن عمتي) تعالى نتصور

جلست بجانبها و وجهت العدسه ناحيتها كاد ان يغادر يوسف ولكن تمسكت ببقائه

جيهان برجاء- خليك يوسف نتصور مع بعض

يوسف بلا مبالاه- مش عاوز

نور برجاء- عشان خاطري اقعد متزعلش جيهان

بقي يوسف لاجل نور ابتسمت جيهان بخبث وتاكدت من شكوكها وقالت بحب زائف لنور- thanks I love you

ابتسموا و اخذت  الصوره ابتسم يوسف لانه مع نور في الصوره

مرت بضع ساعات وعاد ياسين استقبلته النور

- ايه يا حبيبي حاسه في حاجه

- لا نازله استقبلك

- ده الاستقبال الجامد ده

نور بخجل- بس بقى متكسفنيش ايه الاخبار يومك؟

ياسين بمزاح- كويس بيسلم عليكي

نور بمزاح متهكم-يااااه ياسين انت بقيت ظريف كده امتي

- يعني كان حلو وبقى احلى لما شوفتك

ابتسمت و قالت بحب- حمد لله على السلامه