سأراك بقلبي (مكتمله)

الفصل الرابع و العشرون

انا طبعا عارفه اني بوظت الدنيا كلها و المواعيد مع اني كنت منتظمه و ان الفصل ده اصلا بتاع الخميس اللي فات الزياده بس حقيقي انا بمر بظروف صعبه و احداث كتير و مبعرفش اقعد اكتب خالص و اهمهم ان والدي مريض جدا و انا برعاه..انا سهرت مخصوص و شحنت الموبايل عشان اقعد اكمل الكتابه و كل ما هخلص فصل هنزله اول بأول خلاص مفضلش غير ٦ فصول علي النهايه و خلاص فمش هرخم بقي و اقول مواعيد و تفاعل و لاني اصلا محتاجه اخلصها ولان الفصول لاخيره بكتر في الكتابه فيها فتتبقي طويله و مرهقه ده لوحده ٢٧٠٠ كلمه و اللي جاي اكتر .. بس ده ميمنعش ان رأيكم يهمني..شكرا♥️♥️

الفصل الرابع و العشرون
-مبروك حضِرتك هتبقي معانا في ال reception نظرا لان الانجليزي بتاعك حلو اووي و ابتسامتك الاحلي

- شكرا جدا لحضرتك واوعدك هتلاقي مني احسن انتاج

- اكيد اشكرك يا مستر يوسف على تعاونك اللطيف مع فندقنا

- لا انا اللي لي الشرف حضرتك..وشكرا جدا على اهتمامك بنا

ابتسموا وذهبوا وهم سعداء و اثناء ذهابهم للجامعه

- انت ازي متقوليش برضه انك اتدخلت باسم شركتك

- والله ما عملت حاجه انا اول ما قلت لهم اسمي لقيت المقابله والحياه كده

نور براحه داخليه - عارف يا يوسف انا عاوزه اشكر كل واحد فيكم كلكم.. لكم دور كبير في حياتي حتى مامتك ..ولازم تعرف ان لولاك مكنتش هلاقي شغل في مكان محترم زي ده بمؤهلي شكرا

- متقوليش كده انتي موهوبه جدا وتستاهلي كل حاجه حلوه

ابتسمت و نظرت له بحنان- زي وجودك في حياتي كده

ابتسم- لا زي وجودك انتي

نظرا لبعضهما وخفقت قلوبهم كان شعورهم واحد وهو (خيانه ياسين )نظرت نور لحلقته الذهبيه في يدها اليمنى وهي بداخلها مهرجان لا يجعلها تهنئ بحياتها بينما هو هدا يوسف قلبه وحاول فتح موضوع اخر

- مقلتليش يعني انك شاطره في ال English اوي كده انتي عديتي interview وكله English

- انا اخذت تقديرات من المدرسه وجوائز على تفوقي في اللغه الانجليزيه والايطاليه في ثانوي

يوسف بأندهاش -واااو برافو عليكي.. شوفتي بقى انك انتي السبب في الحصول على الوظيفه مش انا

ابتسمت ولكن تلاشت ابتسامتها تدريجيا- يوسف عايزه اسالك في حاجه

- في ايه خير

- هو انت شايف ان انا وياسين ننفع لبعض؟

- اكيد طبعا...ليه؟

- انا وياسين مختلفين من كل حاجه.. ياسين بيدور على السعاده فين و ياخذني عندها..بس في الفتره الاخيره حسيت اننا مننفعش لبعض...في الفتره الاخيره حسيت ان قلبي اعمي زيي في الاول