سأراك بقلبي (مكتمله)

الفصل الثالث

الفصل الثالث
مر اسبوع في فتور معتاد بين عائله نصار و علاج نور الذي لفتت انتباه ياسين بأبتسامها الدائمه لا تفارق وجهها بالرغم من ظروفها و في احدي ايام الفحص ذهبت عليا و تركت نور في الفحص لتشتري مشروب لها
ابتسم -كويس جدا التحسن بطئ اينعم بس موجود و انا متفأل
ابتسمت بأتساع -الحمد لله يعني اقدر اعمل العمليه
-لا لسه شويه مقدرش احدد امتي بس قربنا
انطفئ قنديل ابتسامتها قليلا و لكنه لازال ينير وجهها ليسأل هنا من فضوله
-ينفع اسألك سؤال بره العلاج
-اكيد
-انتي ضحكتك حلوه و علطول مبتسمه ايه السبب مع ان اللي بيبقوا داخلين عند الدكتور ده بيبقي عليهم هم الدنيا..مش فاهم ازاي قادره تبقي كده
ابتسمت -انا بشوف مش شرط حياتي تبقي ظلمه و اعكسها عليك و اذا كانت حياتي ظلمه مينفعش وشي كمان يظلم و محدش ليه ذنب في ده و ده قدر عشان اكشر في وشه و اكون كئيبه بالعكس انا كمان متفأله و واثقه في ربنا زائد بقي ان العمي مش اوحش حاجه في الدنيا بالعكس ده ابتلاء بتاخد عليه حسنات (من فقد حبيبتاه دخل الجنه) و في حاجات تاني قادره تخلي البني ادم عايش زي الميت بالظبط يعني انا في نعمه بأختصار لو حسبتها دنيا و دين و نفسيه هتلقيها مش حاجه غريبه و لكن كل الناس مش تفكير واحد.. و بعدين انا الحمد لله انا عندي فرصه
-حقيقي فلسفه رائعه جداا و مفيده
-لو عايز فلسفه انا ممكن اوريك دي مش فلسفه
ابتسم-مش فاهم ازاي
ابتسمت و نهضت و دارت و وقفت حول الكرسي و اتكئت بيدها عليه
-الاعمي في ميزه مش عند كل الناس (وضع يده علي احدي وجنتيه) الاحساس و السمع انا اقدر اعرف انت حابب الكلام و مهتم بيه من نبره صوتك اقدر اشم و احس وجود حد في الاوضه و دي مش شطاره مني الفرق بس ان اللي بيملك حاجه بيعتمد عليها هي بس المبصر بيعتمد علي عينه لدرجه ان مبيخدش باله من باقي الحواس لدرجه بيكدبوها سعات حتي لو العين برضوا...يعني انا لو قولتلك اني سمعت حد بيخبط علي الباب و انت مش سامع هتقوم تفتح
-لا عشان مش سامع
-طيب و لو حد دخل دلوقتي حالا هتصدق
-ممكن بس لو سألناه و طلعتي صح
-انت مصدقاش عشان مسمعتش و ركزت علي الحاسه دي لكن صدفه ممكن تخليك تصدق نفس التجربه حصلت مع العين ان لو حد قعد يكذب حاجه انت شوفتها بعينك ممكن يخليك تشك في حاستك انت  و تكدب عينك لكن الاعمي بيحس بكل حاجه و بضربات القلب بالريحه و بملمس كل حاجه لانه مش قادر يعتمد علي حاجه تانيه و ميقدرش يكذبها
ابتسم -كان نفسي ابقي فاهم في الفلسفه بس للاسف انا كنت علمي
-و انا كمان كنت علمي و جبت ٩٨% و  قدمت علي طب بس حصلي اللي انت شايفه و اضطريت اجل لحد العمليه ما تتم و اقدر اكون طالبه
- بجد واضح انك ذكيه مش بس فيلسوفه.. و عاوزه تبقي دكتورة ايه
-دكتوره نفسيه اي قسم الطب النفسي طول عمري و انا بعشق علم النفس و اقرا عنه لدرجه كنت كل ما سنه تخلص اخد من اي حد كتب علم النفس و الفلسفه من زميلاتي من باب المعرفه بالشئ
-طيب انا اسف يعني انتي كان نظرك في الفتره دي ضعيف بس انك تجيبي المجموع ده مش غريبه
-انا كنت بحفظ و بفهم بسرعه مع مجهودي اللي كنت ببذله بنجح بمجموع في ال٣ سنين كانت نظارتي بتساعدني شويه
-كنتي سعيده
-اسعد من دلوقتي..ممكن اكون مريضه نفسه ههه
-لا لا بالعكس خليكي كده ده لو ده المرض النفسي..طيب وليه اختارتي الطب النفسي
-بحب الحاجات الغامضه الحالات النفسيه بتبقي زي القضيه اللي بتدور علي حل ليها انا بحب الاحساس ده بحس بالانتصار لما بساعد حد علي انه يتخلص منها و كمان انك بتقرأ شخصيه اللي قدامك.. تحس انها قوي خارقه
ابتسم -حقيقي دماغك كويسه جدا
و لكن بداخله (ايه يا ستي كل ده نفخ في نفسك شويه و هتفرقعي قال يعني مثاليه يااه علي الكدب)
-شكرا
و هنا دلفت عليا -خلصتي يا نور
ضحكت نور -اها خلصت و انتي لسه فكراني انا قولت انتي روحتي و سيبتيني كل ده بتجيبي عصير
-معلش يا نور الجنينه تحت لا تقاوم الصراحه قعدت شويه
التفتت نور اتجاه ياسين او هذا ما اعتقده -شكرا يا دكتور
-العفو يا انسه نور بتمنالك التوفيق
-شكرا..يلا يا عليا
اخذت عليا يدها و ذهبوا
ذهبت للمنزل لتجده
-ايه ده بقيت بتيجي كتير من اول الاسبوع ده
-ايه مش عاوزاني..اروح
-لا طبعا يا روحي ده يوم المني مهو بيتك..انت بقالك كتير هنا
-لا ربع ساعه بس
اقتربت منه و قبلته بحنان و غمرته بشوق -وحشتني اوي
-و انتي كمان
-ايه اخبار شغلك
-تمام...يمني
-نعم يا عيوني
-يمني انتي بتحبيني صح
يمني بدهشه -مالك يا يحيي
-ارجوكي جاوبيني
-طبعا انتي عارف اني بمووت فيك مش محتاجه سؤال
-طيب ليه مش عاوزانا نخلف
-تاني يا يحيي
-انا من حقي اعرف انتي كلامك كله مبررات فارغه مينفعش و مش وقته و انا بعديها
نظرت له و بسخريه -انت اللي بتعديها (نفضتت رأسها بأستنكار و غادرت الصاله و دلفت للغرفه و ذهب ورائها)
-انتي ليه مش بتردي عليا
-عشان انت عارف الاجابه كويس .. يحيي انا مش عايزه اتخانق
-ايه المشكله يعني اني متجوز و مخلف ما انتي عارفه كده كويس و موافقه
لتصرخ به-ايوه يا يحيي عارفه و كل حاجه  انت عارف ايه اللي مخلي جوازنا مكمل اني عارفه انك مش بتحبها انا لو عندي شك ١% انك بتحبها انا مكنتش هكمل معاك..حتي لو كنت بحبك مش هقبل بالجوازه دي و كمان عارفه ان انتوا الاتنين مظلومين في الجوازه دي لكن توصل اني اخلف بيبي و احطه في النار دي و كمان مش عارفه هنكمل ولا لا ده مش هيحصل ابدا
-و مين قالك اني هسييك انا هكمل معاكي انتي
-متكدبش علي نفسك يا يحيي انا عارف كويس اوي انك مش هطلقها عشان مامتك يحيي انا اتجوزتك عشان عارفه اني مش هخرب بيت لانه مش موجود اصلا و لاني عارفه انك مضغوط من حياتك كلها و كمان بحبك..انا مفرضتش عليك ان جوازنا يبقي في العلن و بقينا زي المراهقين اللي بيتجوزوا عرفي من ورا اهلهم و مع ذلك وافقت مع اني زيي زيها بقيت كل يوم بودعك و اسيبك تروح تنام جنب واحده تانيه غيري و انام انا لوحدي و سعيده قدامك و انا من جوايا ناار و مع ذلك استحملت لغيت رغبتي في الامومه و انا عندي ٢٩ سنه دلوقتي و سكت و قولت عشان بحبك
(صرخت هنا اعلي) تعرف عني ايه يا يحيي ها تعرف حاجه عن مشاعري دي تعرف...انت فاكرني ايه ثلج مبيحسش فاكرني مش عاوزه اكون ام لا تبقي غلطان يحيي انا كل الناس عارفه اني سنجل لو عرفوا اني حامل و عرفوا مين الاب و الموضوع وصل لمامتك ومراتك هيبقي شكلك ايه شفت ان دي حتي عملتها عشانك و مش بس كده انت كمان عاوز البيبي اللي يجي يشوف الحياه الملغبطه دي عايزه يبقي زي نادين(نظر لها بنظره كلها عمق و دموع والم لتنظر له بعيون دامعه و اكملت صارخه) يحيي انا مش عاوزه اجرحك بس انت اللي جرحتني في الاول و دوست علي كل المخبي يحيي انا لغيت كل مشاعري عشانك و خليت بس الحب و انت كل مدي بتزيد انانيه و عايز اكتر و انا خلاص خلصت..الدواء خلص يا يحيي دايما تاخد و مش عامل حساب اللي بتاخد منه ايه وضعه انا ضحيت و استحملت كتير و ده مش عشان بتجمل عليك ده عشان بحبك و كنت منتظره بس انك تستحملني و متجيش عليا..انا لا كسبت زوج ولا طفل ولا تضحيه و اي حاجه و بعد كل ده انت اللي متحمل و انت اللي عاوز تخلف و انت اللي مجروح و انت اللي بتعدي يا سيدي شكرا
تركته و ذهبت للمرحاض لتبكي ذهب خلفها وجدها جالسه علي طرف مغطس المياه(البانيو) اقترب منها و جلس امامها و امسك وجهها وسط شهاقتها
-انا اسف (جلس علي الارض وسرح امامه) انا اناني صح و انا دمرت كل اللي حواليه بس صدقيني انا ظروفي دفعتني اني اكون اناني انا محدش اتعرض لاي حاجه من اللي اتعرضتلها..انتي بقيتي كل حاجه امي و صحبتي و مراتي و اختي استغليت دعمك ليا انا عارف بس انتي طاقتي الوحيده انا من غيرك اموت انا عايز اخلف منك عشان بحبك عشان عايز يكون لينا حياتنا انتي مختلفه انا بطلب منك تكملي جميلك معايا و تفضلي تحبيني و تستحملي انانيتي دي انا عارف انه صعب انتي فكراني مبسوط و انا بعذب نادين و امنيه معايا
-يحيي انا مقصدتش اذلك بنادين
-بس انتي صح انتي كنتي صح في كل كلمه انا كنت متسرع و اناني و جبان اوعدك اني احاول اصلح من نفسي بس خليكي معايا
هبطت لمستواه و عانقته- انت مش محتاجه انك تتغير يا يحيي انت احسن واحد في الدنيا يا حبيبي انا اسفه جداا علي اللي قولته انساهplease
-مش مهم انا..انا مش زعلان انا كل زعلي اني كنت بوجعك
-مكنش ينفع يا يحيي نفكر في بكره و احنا مصلحناش امبارح
-صح معاكي حق
اقتربت منه و قبلته و بادلها هو معلنين عن بدايه جديده
طرق الباب بشده علي شقه نور ركضت عليا مفزوعه مستعيذه بالله و خلفها نور تتحسس الجدران فتحت عليا الباب و بأندهاش(ع...) لم تكمل لشده الصفعه التي تلقتها و هوت علي الارض هل فقدت السمع شهقت و صرخت نور مما سمعته و شعرت به و بخوف قالت
-انت مييين
....يتبع....