اطوووووول فصل في تاريخي الروائي انا اتحولت و اتعذبت هطلع عنيكم معايا لو متفعلتوش😅💔♥️♥️♥️♥️
الفصل الخامس و العشرون
- يحيى انت عارف كويس ان انا لسه معايا نصف الفلوس بيع شركه بابا ده تمام ...وبالنسبه للي النصف الثاني للاستثمار في شركتكم وحقوقي الزوجيه كل ده انا متنازله عنه.. يعتبر مكافاه نهايه الخدمه
يحيي برفض قاطع- مستحيل طبعا انتي عارفه انتي بتتنازلي عن مبلغ قد ايه؟
- يحيى انا مستعد ادفع عمري كله مش 55 مليون جنيه بس..عشان ابعد عن وشك..المفروض اني هقعد في المستشفى هنا يومين عندك النهارده وبكره الصبح تجيلي من غير ما حد يعرف معاك ورق الطلاق و ورق تنازل منى عن حقوقي ورقه تنازل منك عن نادين واي حاجه تخصها
يحيي بصدمه- امنيه انتي بتقولي ايه؟
امنيه بحده قاطعه- اللي بقول لك عليه من فضلك انا مش عاوزه حد يعرف عشان متوترش عيله كامله مع مشاكلنا احنا
يحيي بعدم تصديق - اللي انتي بتطلبيه ده صعب على الكل واولهم انتي
- يحيى انا كل اللي طالبه بنتي و الطلاق و اظن مفيش حاجه تهمك من دول
يحيي موضح بحزن - امنيه انا مش بكره نادين
امنيه بلا مبالاه- ولا بتكره مش فارقه
- امنيه...
امنيه بحنق و صرخت بغضب وعين دامعه تأبي الخضوع - بطل تنطق اسمي بكره اسمعه منك.. انت كسرتني كسره كبيره قوي يا يحيي لو اي حاجه اتصلحت الا دي..انت فاكرني ايه..والله العظيم لو كنت صارحتني بمشاعرك ناحيه يمني من اول يوم عرفتها انا كنت همشي من حياتك بهدوء..لكن تخدعني سنين وتحسسني انك ليا واطلع في الاخر مملكش فيك ذره احترام لوجودي في حياتك و مش بس كده تطلعني بالغباء ده لاني مفهمتش خيانه جوزي ليا..وقلت لك 100 مره انت مش مُجبر تعيش تعيس..كنت بتنام في حضنها ازاي و ترجع تنام جمبي و ترجع تاني يوم لحضنها مكنتش باجي على خيالك مره وحسيت ان وقت سعادتك انك بتخون واحده مخلصه ليك لاخر لحظه...احنا خلصنا من زمان يا يحيي وانا عارفه و كنت عارفه ان هي جايه..بس النهايه دي صعبه قوي.. ارجوك ده طلبي الوحيد والاخير وبعدها دي حياتك انت عيش من غير متستخبى
- حاضر يا ام...حاضر
- شكرا تقدر تمشي
مر اليوم و امنيه تستمتع بلاحظاتها مع يوسف ونور وطلبت منهما احضار نادين وابقائها معها
حتى جاء اليوم التالي وعاد يحيى بالاوراق المطلوبه اثناء غياب الجميع كما طلبت امنيه دلف وجدها معانقه ابنتها وتحاول انعاسها بحب امومي يلغي احزانها وضعتها جانبا
-اتفضل يحيى
- الاوراق اللي طلبتيها تنازلات والطلاق
نظرت للورق نظره سريعه واخذت القلم وكتبت اسمها بسرعه على كل الاوراق وكأنها سجين يوقع صك الحريه
أنت تقرأ
سأراك بقلبي (مكتمله)
Dragosteلن يقف البصر عائق بيننا..سيكون الأحساس أقوي و سأراك بقلبي سأمسك بيدك لتقوديني للنور ..حررني من ظلامي و إن لم يكن سأراك بقلبي لا تعلم لمن ستكون تلك الكلمات..هل ستكون لذالك القلب ام لغيره هل اول ما تراه عيناك و يشعر به قلبك هو الحقيقه ام بعد سقوط ك...
