سأراك بقلبي (مكتمله)

الفصل الخامس عشر

الفصل الخامس عشر

حل الصباح و الجو مشحون نسبياً بين نور و يوسف و ياسين و بتفكير ياسين وجد نفسه يخسر كل نقاطه مع نور بذلك التصرف المتهور

علي الافطار كل الجلوس متوتر فيوسف يتابع نظرات ياسين ونور لا تحتاج الى التجاهل فهي لا تراه فعليا قلبا وقالبا وياسين الذي يتبادل النظرات بينهما بين الحين والاخر انتهى الفطار وحان موعد ذهاب يوسف ويحيى وكذلك ياسين لكنه فضل البقاء وحل المشكله وبالفعل ذهب الجميع وامنيه ذهبت تتجهز لعشاء المساء وكانت سعيده صعدت نور بهدوء لغرفتها لحق بها ياسين وطرق على باب حجرتها سمحت له بالدخول

- نور من فضلك عايزه اتكلم معاكي

- اتفضل

قالها وهو كبرياءه يتهشم مع قلبه لانه يعتذر لفتاه بجديه لاول مره وهذه ليست من سماته

- انا..انا اسف على اللي قلته امبارح مكنتش اقصد اجرحك

- انت اهنتني و حسستيني اني واحده منافقه وقلت كلام مكانش ينفع يتقال

فقد بدأ جهاز النعومه بداخله يفرز هرمونه - انتي عارفه ان عندي اموت ولا اني اهينك..حقيقي انا اسف وماقصدش اي حاجه وحشه انا مش عارف ايه اللي خلاني قلت كده

- مش عارف اتصرفت على اساس كده ايه انك تجاهلتني فتره ولا انك امبارح اتكلمت معايا بطريقه وحشه اوي

- انا اتصرفت كده على اساس احساس انا لوحدي حاسس بيه

- وايه هو

- ماقدرش اقول لك غير لما اتاكد ان الاحساس ده جواكي برضه (صمتت وخجلت وكانت مدركه المراد من الجمله و لكنه اكمل).. المهم انك تسامحينى

- اكيد انا مش زعلانه دلوقتي وشكرا على اهتمامك لزعلي

-حيث كده عن اذنك لازم اروح المستشفى شكرا انك سامحتيني

خرج وذهب لعمله ومر اليوم بسلام

وفي المساء في احدى المطاعم الراقيه

دلف يحيي مع امنيه التي كانت قطعه من الجمال حيث ارتدت فستان ذهبي حتى الركبه مزين برقه من الاسفل وساده من الاعلى واضعه لمسات رقيقه على وجهها بنيه اللون تاركه شعرها ينساب على كتفيها بنعومه يزيدها رقه على رقتها ساعدها في الجلوس على الكرسي برقه و رجوله وذهب الجلوس امامها كان متوتراً وكانها ليست زوجته وكأنه امام امتحان صعب جلس و قررت فتح موضوع

- ايه اخبار الشغل

- تمام ماشي كويس

- كويس وايه اخبار يمني دي

صدم ونظر لها- بتسألي ليه وانا مالي

- عادي يعني يا يحيى هي مش معاكم في الشركه كمان طنط سلوى بتشكر فيها اوي وفي شغلها