سأراك بقلبي (مكتمله)

الفصل التاسع عشر

الفصل التاسع عشر

في الصباح على الافطار

ياسين بحماس-مامي ايه رأيك نعمل الخطوبه بكره مع بعضينا في البيت

وقف الطعام في فم يحيي و يوسف و نظر يحيي ليوسف بحزن

سلوي بلا اهتمام-مش عارفه نخليها بكره ولا بعده

امنيه بحماس- ليه طنط ايه مميز بعد بكره

- جيجي جايه بعد بكره

يوسف بأنزعاج- انا شبعت رايح الشركه

ياسين بحماس مره اخرى- great بس خليها بكره كده كده احنا هنعمل حاجه بسيطه

- اوكي يلا على الشغل

تظاهرت نور بعدم الاهتمام بما يدور عنداً في سلوي ولكنها كانت  تتحرق سعاده من انها ستخطب لحبها غدا وايضاً تتحرق حيره من هي جيجي التي يبدو على سلوى انها مهمه لها ذهب الجميع ودعت امنيه نور

- مبسوطه يا نوري

- طبعا يا ياسين

- هتروحي تشتري هدوم

- لا احنا هنكون العيله بس..هلبس فستان من بتوعي هو اينعم مينفعش لخطوبتي بس عشان ظروفنا..انا فرحانه جدا ان لما اعمل العمليه هلاقيك جنبي مش دكتور بس لكن كخطيبي

فرح وابتسم على تلك الكلمات الرقيقه وقد ايقن في تلك اللحظه انه يحبها بالفعل ولكن الى متى سيصمد اللعوب امام ذلك الحب، فلقد القى السحر على اكبر ساحر ولم يستطيع التخلص من سحره

عاد لوعيه مره اخرى- انا لازم اروح المستشفى

- ربنا معاك خلي بالك على نفسك
(في الشركه في مكتب يحيى)

- انتي جايه لي المكتب يا يمني تقولي لي انا من اسبوع مشفتكش هو ده وقته

- وهي دي حاجه قليله يا يحيى.. انت وحشتيني

- وانتي اكثر يا حبيبتي بس انتي شايفه الظروف وازاي امنيه بتشتغل هنا لما كنت الاول بقول لها عندي شغل وتصدق دلوقتي هي شايفه كويس اوي شغلي

- طيب وليه متخافش عليا زي ما انت خايف عليها

- اخاف على مين انتي واضح ان شغلها معانا اثر عليك اهدى يا حبيبتي

صرخت نسبيا- انا مش مجنونه عشان تقول لي اهدي اسمع يا يحيى لو مجتش النهارده..هتطلقني بكره

كادت ان تذهب ولكنه امسك يدها- ايه الجنان ده..وطي صوتك..وطلاق ايه اللي بتتكلمي عليه

دمعت عينيها- ايوه اتجننت عشان بحبك وانت مش حاسس بناري او حتى فاهمني..انا تعبت

- اهدي حاضر هاجي لك النهارده

- وعد

- اوعدك