You Are My Sunshine (On Going)

🌻Part. 12 Unicode 🌻

သျှားမြတ်သူလည်း ကလေးလေး အခန်းထဲက ပြန်လာပြီးတာနဲ့ ရေချိုး အဝတ်စားလဲကာ ကလေးလေးကို ထမင်းစားရန်သွားခေါ်လေသည်။

နှိုင်းလေးတစ်ယောက် တနေ့လုံး ငိုလိုက်အိပ်ပျော်လိုက်လုပ်ထားတာကြောင့် လူက လန်းလန်းဆန်းဆန်းမရှိတာကြောင့် ရေချိုးခေါင်းလျှော်လိုက်သည်။အဝတ်အစားလဲပြီး ဆံပင်ရေသုတ်နေတုန်း ရုတ်တရက်ကြီးရေသုတ်နေတဲ့နှိုင်းလေးလက်ပေါ်ရောက်လာတဲ့လက်တစ်စုံကြောင့် နှိုင်းလေး လန့်သွားသည်။

"လူ. . .လူကြီး. . ."

"ကလေးလေးရယ် ညနေဘက်ကြီး ဘာလို့ခေါင်းလျှော်ရတာလဲ နေမကောင်းဖြစ်ရင် ဘယ်လိုလုပ်မလဲကွာ. . . ကိုယ်ကလေးလေးရဲ့ ဆံပင်တွေကို ခြောက်အောင်လုပ်ပေးမယ်နော်. . ."

သျှားမြတ်သူ ကလေးလေးကို ကုတင်ပေါ်ထိုင်ခိုင်းပြီး ကလေးလေးရဲ့ဆံပင်တွေကိုခြောက်အောင် Dryer နဲ့ မှုတ်ပေးနေသည်။နှိုင်းလေးက ကုတင်ပေါ်တွင် ထိုင်နေတာကြောင့်သျှားမြတ်သူရဲ့ ရင်ခွင်ထဲသို့ရောက်လို့နေသည်။

နှိုင်းလေးလည်း လူကြီးရဲ့ ရင်ခွင်ထဲသို့ရောက်နေတာကြောင့် ရင်ခုန်သံတွေမြန်နေသည်။ရင်ခုန်နေတာ နှိုင်းလေးတစ်ယောက်တည်းမဟုတ် လူကြီးရဲ့ရင်ခုန်အသံကိုလည်း ရင်ခွင်ထဲက နှိုင်းလေးက အတိုင်းသားကြားနေရသည်။

'လူကြီးရဲ့ ရင်ခုန်သံကအရမ်းနားထောင်လို့ကောင်းတာပဲ . . .'

သျှားမြတ်သူမှာလည်း ကလေးလေးကို ဆံပင်ခြောက်အောင် လုပ်ပေးနေပေမဲ့ ကလေးလေးနဲ့ နီးကပ်နေတဲ့ အနေအထားကြောင့် ရင်တွေအရမ်းခုန်နေသည်။

"ရပြီကလေးလေး ဆံပင်တွေခြောက်သွားပြီ . . .နောက်ဆို ညနေဘက်ကြီး ခေါင်းမလျှော်ရဘူးနော် ကလေးလေး . . ."

"ဟုတ်ကဲ့ . . .လူကြီး . . ."

"ကဲ အဲဒါဆိုထမင်းသွားစားရအောင် . . ."

"ဟုတ်. . ."

ထမင်းစားတော့လည်း လူကြီး နှိုင်းလေး ကြိုက်တဲ့ ဟင်းတွေကို ပန်းကန်ထဲ ခပ်ထည့်ပေးပြီး မခွံ့ကျွေးရုံတမယ် ဂရုစိုက်လေသည်။

ထမင်းစားပြီးသည်နှင့် လူကြီးနဲ့အတူ ဧည့်ခန်းထဲ TV ကြည့်နေသည်။နှိုင်းလေးကသာ TV ကြည့်နေပေမဲ့ လူကြီးက နှိုင်းလေးဘေးမှာထိုင်ပြီး Laptop တစ်လုံးနဲ့အလုပ်ရှုပ်နေသည်။နှိုင်းလေးလည်း အလုပ်ရှုပ်နေတဲ့လူကြီးကို မနှောက်ယှက်တော့ပဲ TV ကြည့်နေလိုက်သည်။