المرأه الفولاذية ( مكتمله)

البارت الثامن❤

ومرت ايام جميله وسعيده علي الجميع ادهم ورودي يزداد بينهم الحب وتمارا مازالت تنتظر موعد النتيجه وفوزي ينقل اوراق  جامعه فاطمه الي أمريكا
وفي هذا اليوم اتت رودي وفاطمة لزيارة تمارا وليجلسوا معها قليلا
في غرفه تمارا :

فاطمه : تيمو انت ليه اختارتي حربيه بالذات كان ممكن تدخلي اي كليه تانيه

تمارا : عشان حربيه دي حلم حياتي من وانا طفله دايما كنت بشوف بابي الله يرحمه لابس الافارول وبيدافع عن وطنه وعنده انتماء وحب غريب للوطن قولت لازم اكون زيه وبعد ما استشهد الحلم بدأ يكبر ويزيد ، فكرة اني عاوزة اسيب بصمه بعد موتي الناس تفتكرني بيها واحقق مراد ربنا من مش مجرد اني اتولدت وعيشت ومت لا لازم يبقي ليا دور واحقق كياني

روودي : شابوو ايه يا بووت العمق ده تفكيرك قريب كتير من تفكيري يا تيمو

تمارا بضحك: شوفتي طلعنا متشابهين اهو

رودي : بس غريبه شويه ان بنت تدخل حربيه كمان المجتمع رافض الفكرة

تمارا بثقه : وايه الغريب في كده بالعكس دي حاجه جميله البنت قويه جدا وتقدر تثبت نفسها في اي حاجه اما بقي المجتمع ده ميهمنيش في شئ انا حرة دي حياتي وانا اللي هعيشها يبقي اعيشها براحتي بقي

رودي : تفكير منطقي بردو

تمارا : ميرسي ميرسي

فاطمه : تيمو لو مفيهاش غلاسه احكيلنا شويه عن اونكل سليم انا متشوقه اعرف عن شخصيته اوي اللي الكل معجب بيها

رودي : اه وانا كمان

تمارا بوجع : انا لو فضلت احكي عنه من هنا لاخر عمري مش هوفيه حقه بس هلخصه في شويه كلمات بابي هو الشجاعه ، السند ، الامان ، الحب ، الدعم كان كل شئ   وبدات عينيها تدمع

رودي : لا بس خلاص متضايقيش نفسك تعالي نتكلم في حاجه تانيه

وبالفعل خاضوا في احاديث كثيرة وسط مرحهم
             ****************
لكل بنت : متتخليش عن حلمك ابدا مهما كان صعوبته ومهما كان اللي حواليكي محبطين انت اقوي من اي شيء تقدري تنتصري علي الظروف اتعبي واسعي واحلمي خليك عارفه ان الشىء الوحيد اللي هينفعك دراستك فخلي دايما قدامك هدف عاوزة تحققيه واياك ثم اياك من الاستسلام
            ***************
اما عند ادهم فكان يعمل بمنتهي الجديه حتي دخلت عليه سكرتيرته الخاصه
هبه: مستر ادهم الاجتماع هيبدا كمان خمس دقايق
ادهم : تمام يا هبه اتفضلي وانا جاي وراكي
هبه باحترام: تمام

(توضيح : في سكرتيرات كتير محترمين جدا عكس اللي الروايات بتظهره وده انا شوفته بعيني ياريت نبطل نشوه  بعض  الوظائف زي السكرتارية والممرضين لمجرد سرد روايه بالعكس المفروض نحترمهم ونطلعهم  عادي زي البني ادمين مش نألف من دماغنا ، سوري علي المقاطعه)