المرأه الفولاذية ( مكتمله)

البارت السابع والعشرون❤

دخلت تمارا الي المشفي بسرعه وهي لا تكاد تصدق ان بعد ما أحبته سيتركها سالت موظفه الاستقبال عنه فاخبرتها برقم الغرفه
قابلت الطبيب وهو خارج من غرفه يوسف

الطبيب : هو انتِ مراته

علمت تمارا ان الطبيب مصري ثم قالت

تمارا بلهفه :ايوووة انا هو يوسف حالته ايه

الطبيب: باشمهندس يوسف حالته خطرة جدا وبين الحياه والموت يا مدام ادعيله

تمارا بصدمه : هو ايه اللي حصله

الطبيب: كسر في الجمجمه وفي الذراع وكدمات

تمارا : طيب ينفع ادخله

الطبيب : لا مينفعش

تمارا برجاء : انا مش هتعبه بس عاوزة اشوفه لو سمحت

الطبيب: خمس دقايق بس

تمارا: طيب

هرولت الي الغرفه مسرعة
وجدته ينام علي الفراش ويده مجبرة ويبدو انها كسرت

جلست بجانبه ثم امسكت يده ببكاء شديد : يوسف معقول هتسيبني انت كمان عشان خاطري قوم متبعدش عني انا مقدرش اعيش من غيرك انا لقيت معاك اماني انت الوحيد اللي بتعامل معاه بتلقائليه وحب زي ادهم انت الوحيد اللي فهمتني وحبيتني بجد وقدرت ترسم الضحكه علي وشي باقل كلمه منك
انا بحبببك متسبنيش

فجاه قام يوسف ثم قال بفرحه :  ايه ! ايه ! عيدي اللي قولتيه تاني كدة انتِ قولتي بحبك ولا انا كنت بحلم؟!!!!

تمارا بفزع : انت كويس

يوسف بفرحه: قوليها تاني يا تمارا عشان خاطري

تمارا بدموع: بحبك يا يوسف

احتضنها يوسف سريعا وقال بصراخ اثر فرحته: وانا بعشقققققك يا قلب يوسف انا حاسس ان قلبي هيقف من الفرحه

تمارا: بعد الشر عليك

يوسف بابتسامه عاشق: انا لو مُت دلوقت هكون راضي مش عاوز حاجه من الدنيا تاني

تمارا بلهفه : متجيبش سيرة الموت تاني ربنا يخليك ليا

لكن سرعان ما عقدت حاجبيها بعدم فهم : بس هو ايه اللي حصل لارا قالتلي انك عملت حادثه

يوسف: احم احم بصراحه كان مقلب انا كويس

وكزته تمارا بغيظ : مقلب !!! حرام عليك انا كنت هموت من الخوف

يوسف : اعمل ايه بس انا قولت انتِ مش هتعترفي بحبك ليا غير كدة

تمارا : طيب وازاي المستشفي سمحت بكدة

يوسف بغمزة : شوفتِ الدكتور اللي برة ده يبقي صاحبي ودي المستشفي بتاعته واتفقت معاه انه يقولك كدة وخليت لارا تكلمك وتقولك اني عملت حادثة وعشان الموضوع يبان طبيعي عملت كاني اتجبست وفي كدمات في وشي