المرأه الفولاذية ( مكتمله)

البارت الثالث والعشرون❤

ادهم : يوسف يكتب كتابه عليكِ عشان ياخد باله منك وابقي متطمن انك في حمايه راجل

نظرت له تمارا بصدمه فهي لم تتوقع ذلك

تمارا : مش موافقه

جلس ادهم علي الاريكه باريحيه ثم قال بمكر : براحتك وانا بردو مش هوافق

تمارا بانفعال: انت مش واثق فيا يعني مش عارف اني اقدر اعيش لوحدي واتحمل مسؤوليه مهما كانت كبيرة

ادهم بهدوء: بالعكس انا واثق فيكِ جدا وعارف انك بميت راجل بس تعالي نفكر بالعقل شوية انتِ متعرفيش حاجه في لندن ولا عمرك زورتيها يبقي هتقدري تعيشي هناك ازاي وبعدين لو عاوزة تخلصي ورق هناك يوسف هيساعدك وهيساعدك تشوفي مكان حلو تتعالجي فيه وهياخد باله منك وطبعا دة بصفتك مراته ثم ان دة كتب كتاب بس مش جواز وانا عارف انك مش متقبله يوسف فلما تنزلي مصر ممكن اخليه يطلقك عادي

تمارا بتردد : وهو هيوافق

ادهم لنفسه : دة ما هيصدق اصلا انا خايف يحصله حاجه من الفرحه

حمحم ثم قال لها : مش عارف انا هعرض عليه الموضوع لو وافق تمام موافقش خلاص مفيش سفر

تمارا : ادهم انت كده بترخصني اوي بجد وبتجبره عليا انا مش مصدقه اللي انت بتقوله دة

ادهم بصدمه من حديثها : انا برخصك يا تمارا هو انا اقدر اصلا اعمل كده

تمارا : اومال تسمي اللي انت بتقوله دة ايه

ثم قررت تلعب علي وتر حساس لديه
: ايوة بقي ما انا خلاص مبقيتش فارقه معاك انت عايش مع رودي ومامتك واخوك مش عاوز حاجه تاني طيب لو رانيا كانت عايشه كنت هتجبرها كده زيي ولا عشان انا مش اختك من مفس الام

ادهم بعصبيه: يعني بعد كل اللي عملته واللي بعمله عشانك يا تمارا جايه تقوليلي كده انت اكتر واحده عارفه انا بحبك ازاي وانك بالنسبه لي اغلي من اي حد انا بجد مصدوم من تفكيرك وطريقه كلامك دي بس واضح اني دلعتك زيادة عن اللزوم علي العموم لو انت شايفاني كده تمام انا مش هحاول اثبتلك العكس بس انا متاكد انك مش مصدقه اللي بتقوليه دة ياريت متتكلميش معايا غير لما تفهمي كلامك

تمارا بندم : ادهم انا مقصدش

لم يتركها لتكمل حديثها ورحل لغرفته
جلست تمارا علي الفراش ثم ضمت قدميها الي صدرها وانفجرت في بكاء مرير
تمارا : ادهم ميستاهلش مني كدة ابدا دة اكتر واحد بيعشقني في الدنيا انا غبية بجد مش عارفه قولت الكلام دة ازاي

سمعت طرق علي باب غرفتها

تمارا: مين

مراد : انا يا تيمو

مسحت تمارا دموعها سريعا فهي لاتحب ان يراها احد وهي تبكي

تمارا: اتفضل
دلف اليها مراد ثم جلس بجانبها