المرأه الفولاذية ( مكتمله)

البارت السابع عشر❤

المتصل : مش مهم تعرف مين اعتبرني فاعل خير حبيت اقولك ان اللي سرق يبقي تمارا اختك
ثم أغلق الخط تاركا ادهم في حيرته

-مالك في ايه
قالتها تمارا وهي تنظر له

ادهم : حد متصل بيا بيقول انك انت اللي سرقت الملف

تمارا : اممم وانت مصدقه

ادهم باستنكار : لا طبعا انا بثق فيكِ اكتر من نفسي

تمارا: طيب خلاص اهدي

ادهم : نفسي افهم ايه الهدوء والبرود ده

تمارا : عااادي

ادهم : هو ايه اللي عادي ، احنا في مصيبه دي اهم صفقه للشركه

تمارا: ادهم ممكن تسيب موضوع الملف ده خالص ومتقلقش الورق هيتسلم في معاده

ادهم : ازااي يعني هيتسلم في المعاد وهو مش موجود

تمارا : قولت سيب الموضوع عليا اهم حاجه محدش يعرف انك لقيت الورق

ادهم بعدم فهم : طيب ما انا مش لاقيه فعلا

تمارا بثقه : الورق في الحفظ والصون متقلقش ثم قالت بحنان : اطلع خد شاور وارتاح انت شكلك تعبان اووي
ثم دلفت الي الداخل

ادهم : مش فاهمك يا تمارا لكنه عاد وابتسم بمكر شديد

ثم صعد هو الاخر ليرتاح قليلا
دخل الي غرفته وجد معشوقته تجلس في التراس وفي يدها كتاب تقراه وشعرها يتناثر بفعل الرياح لكنها ربطته ، لقد غرق بتلك الامواج التي ثارت بفعل الرياح وود ان تقيد روحه بدلا من ان تربط شعرها

شعرت رودي بوجوده فالتفت له بابتسامه كفيله ان تجعله ينسي جميع همومه ويقف يتاملها

رودي: كويس انك متاخرتش انا فضلت مستنياك

احتضنها ادهم
ادهم : انا جييت اهوو

رودي بمرح  : نورت البيت يا سي السيد

ادهم بنفس المرح  : بنوورك يا امينه فين الميه بملح

رودي بضحك : حالا ويكونوا عندك يا حبيبي

فلنترك هذا الثنائي المجنون قليلا

ونعود لتمارا
تجلس في غرفتها غارقه في افكارها التي مثل امواج البحر لا تهدأ ابدا المسؤوليه كبيرة عليها بشده ولكنها لن تستسلم

تمارا : كده تمام اوي فاضل تكه بسيطه وهاخد حقك يا بابي

أخرجت هاتفها واجرت مكالمه
تمارا : الو ..... برافوو عاوزة الاخبار كلها تجيلي اول باول .... لا مش هيقدروا يعملوا حاجه انا مأمنة نفسي وعليتي كويس ..... تمام سلام

واغلقت الهاتف ثم قامت لتكمل عملها من خلال اللاب توب

داخل فيلا العامري تجلس رانيا في غرفتها وعلي ويظهر علي وجهها التوتر
رانيا: لا انا مش هفضل قاعده  مش فاهمه حاجه كده لازم اقوم اروحله
ثم قامت وبدلت ملابسها ناويه علي الذهاب الى مكان لا نعلمه
وبعد وصولها وجدته جالس علي كرسي كبير بفخر وعلي وجهه ابتسامه انتصار مقززة