المرأه الفولاذية ( مكتمله)

البارت العشرون ❤

الطبيب : الحمد لله قدرنا ننقذها

ادهم بلهفه : طيب هي عامله ايه

الطبيب : بص يا باشمهندس الرصاصه اصابت موضع حساس في رجلها ودة هياثر علي حركتها وبالتالي مش هتقدر ترجع شغلها
دلوقت خالص
ادهم بصدمه : طيب مفيش علاج

الطبيب : اكيد فيه علاج طبيعي بس طبعا هياخد وقت ممكن يوصل ل سنه علي حسب تقبل المريض بقي وحالته النفسيه

اتت ممرضه لتخبر الطبيب عن وجود عمليه اخري في انتظاره

الطبيب : عن اذنكم

مازن : اتفضل يا دكتور

جلس ادهم علي احد الكراسي ولم ينطق بشىء

مازن : هتعمل ايه

ادهم : مش عارف انا ازاي هقولها اصلا صعب انها تتقبل الموضوع دة خصوصا انها بتحب شغلها جدا

رن هاتف مازن فوجد القائد

مازن : ايوة يا فندم

القائد : ايه يا مازن انت فين

مازن : انا مع الرائد تمارا يا فندم هو حضرتك متعرفش انها اتصابت

القائد : اكيد عرفت ، بس انت عندك بتعمل ايه المفروض تكون هنا و تشوف المصيبه اللي حصلت

مازن باستغراب : مصيبه ايه؟!

القائد : تعالي وانت تعرف ، عاوزك قدامي حالا

مازن : تحت امرك يا فندم

ثم اغلق معه

مازن : ادهم انا هضطر اسيبك واروح للقائد اشوف ايه اللي حصل

ادهم : اوك

رحل مازن وبقي ادهم يفكر كيف سيخبر تمارا وهل ستتقبل الامر ؟! تنهد بحيرة ثم قام وهاتف رويدا

رودي : ادهم انت فين انا برن عليك من بدري قلقت عليك

ادهم بحزن: انا في المستشفي يا رودي تمارا اتصابت

رودي بفزع : طيب وهي عامله ايه

ادهم : في العنايه المركزة دلوقت انا عاوزك تجيبي لها لبس وهخلي السواق يجيبك واهدي عشان الانفعال غلط عليكِ

رودي بحزن : ماشي

***************
مازن : يعني اللي ضرب نار علي وليد وتمارا يبقي رانيا؟!!!

القائد : ايوة واكيد كانت بتعمل كده عشان تشتتكم وتهرب

مازن : طيب ازاي وهي كانت واقفه برة مع الفريق

القائد بسخرية : غفلتهم وغفلتك انت كمان يا سيادة المقدم ولولا ان وليد كان لسه عايش كان زمانا معرفناش كل دة

مازن : طيب ووليد مقالش هي فين

القائد : اكيد لا احنا ملحقناش نعرف منه غير انها كانت بتديله معلومات عننا وبتحاول تساعدهم في تهريب الشحنه وبعد كدة مات انا مش عارف ازاي قدرت تخدعك يا مازن