المقدمة 🌷😍 بطلتنا سيلين بنت جميله جدا عيونها عسليات شعرها بني وطويل عمرها 23سنه وتقرا طب اسنان اخر سنه بوها ليبي وامها مصريه عاشت سنين في مصر وبعدها رجعو ليبيا لسبب ما بعدين نعرفوه فوزي بوها رجل اعمال كبير ومعروف ليه قدره في البلاد يملك شركات لتصنيع السجاد والستائر ميار و رودينه صديقات سيلين كأنهم خواتها ويقرو معاها نمشو لبطلنا طارق عمره 25طويل وجسمه عضلات شعره اسود وداير لحيه عيونه خضر رغم فلوس بوه بس هوا انسان متواضع جدا وديما يفضل انه يبعد عالوسط اللي عايشين فيه عيلته ويختلط بناس عاديه من طبقات متوسطه شعبان بوه راجل في نهاية الستينات وهوا يملك شهره لاتقل على فوزي وشركاته في مجال المواد الغذائيه حنان أمه مرا في الاربعينات شايفه نفسها هلبا مغروره وتشوف للناس كل انهم اقل منها عصماء اخت طارق عمرها 20سنه تقرا سنه اولى اداب طيبه هلبا وتحب خوها ومتعلقه بيه علا اختهم الكبيرة عمرها 32متزوجه ولد عمها وعندها بنت وولد نفس طباع امها واغلب وقتها في حوش عيالها وتحب تدخل في كل شي 🙄 روايتي هالمره غير عالروايات اللي فاتو وبنطلع عالمألوف حبا في التغيير يعني 😁 ديما والمتعارف عليه في قصص الحب انه الراجل لما يعجب ببنت او يحبها وهيا ترفضه يقعد وراها لين يخليها تحبه وتقتنع بيه او حتا يتزوجها غصب او يخطفها المهم ياخدها 😍 كيف لو ينقلب الموضوع والبنت هيا اللي تحب وتقرر انها دير اي شي باش تحصل على حبها هيا اللي بتقول نحبك وهيا اللي تقول مش رح ياخدك غيري وهيا اللي تعرض الزواج حتا 🙂 شن بيصير زعما هل بيتقبلها بطلنا ويحبها ولا يكرها ويكره طريقتها في الحب! هل بتكون بروحها اللي في حياته او معاها شريكه! النهاية كيف بيتزوجو ويعيشو سعداء ولا! ! تبو تعرفو شن بيصير في ابطالنا واصحابهم تابعوني في رواية مختلطه بين الكوميديا والدراما والرومنسيه مع رشتين مشاهد جريئة 😍 #بالسيف_مش_بالكيف 🙃
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
