My Love Is Only One For You √Completed √

ep ~21~

#Unicode

ဂျောင်ဂုလည်းတိုက်ခန်းရှေ့ရောက်တော့တံခါးဖွင့်ကာအထဲသို့ဝင်လိုက်သည်နှင့်ဧည့်ခန်းထဲမှာမီးတွေလင်းနေတာတွေ့ရသည်။တစ်အိမ်လုံးလည်းသန့်ရှင်းနေသည်။မဟုတ်မှလွဲရောတံခါးကိုဖွင့်နိုင်တာတစ်ယောက်ပဲရှိသည်။ရောက်နေတာလားတွေးနေစဉ်မှာပင်မီးဖိုခန်းထဲကအသံကြားလို့သွားကြည့်တော့ကြက်ဥကိုပန်းကန်လုံးထဲဖောက်ထည့်ကာမွှေနေသော
ထယ်ယောင်းကိုတွေ့လိုက်ရသည်။အံ့ဩသွားတာအမှန်ပင်ဒီမှာလာပြီးနေတာလား။မီးဖိုခန်းတံခါးကမှန်ဖြစ်နေသောကြောင့်သူလုပ်နေတာတွေကို
ဂျောင်ဂုမြင်နေရခြင်းသာ။ညအိပ်ဝတ်စုံနက်ပြာရောင်လေးဝတ်ထားကာတစ်ယောက်ထဲအလုပ်ရှုပ်နေသည်။ဒီလိုပဲအထီးကျန်နေ့ရက်တွေကိုဖြတ်သန်းနေရတာလား။သူလွန်သွာပြီလားလို့လည်းတွေးနေမိသည်။ဂျောင်ဂု မှန်ကိုလက်နဲ့ခေါက်ကာအသံပေးလိုက်တော့ကြက်ဥမွှေလက်စပန်းကန်လေးကိုင်ကာဆက်ခနဲလှည့်ကြည့်သည်။

ထယ်ယောင်းမှန်ကိုခေါက်သံကြားတာကြောင့်အလန့်တကြားလှည့်ကြည့်မိသည်။တွေ့လိုက်ရတာကသူ့ရှေ့မှာမှန်ခြားထားပြီးရပ်ကြည့်နေသော
ဂျောင်ဂုဖြစ်နေသည်။အံအားသင့်စွာ
ရင်ခုန်စိတ်လှုပ်ရှားကာ ဝမ်းနည်းဝမ်းသာခံစားချက်တွေနှင့်အတူကြက်ဥပန်းကန်လေးလည်းလက်ထဲမှလွတ်ကျသွားလေတော့သည်။သူဘယ်လောက်တောင်စောင့်ခဲ့ရလဲ ဒီအချိန်ကိုစိတ်ကူးယဉ်အိပ်မက်တွေနဲ့သာတွေးနေခဲ့ရတာ။နှစ်အစ နှစ်အလယ် နှစ်အဆုံးမျှော်နေခဲ့ရတာ ဘယ်လောက်တောင်မှစောင့်ခဲ့ရလဲအခုတော့ဆောင်းဦးမှာသူပြန်ရောက်လာခဲ့ပြီ။မျက်ရည်တွေစီးကြနေကာထယ်ယောင်းဂျောင်ဂုကိုပဲသူ့မျက်လုံးထဲရှိနေတော့သည်။အပြေးသွားကာမှန်တံခါးကိုဘေးသို့ဆွဲလိုက်ပြီးသူ့ရှေ့မှာရှိနေတဲ့ဂျောင်ဂု ရင်ခွင်သို့သာပြေးဝင်လိုက်တော့သည်။ဒီကိုယ်သင်းနံ့ ဒီရင်ခွင်ဘာမှမပြောင်းလဲခဲ့ သူ့ရင်ခုန်သံတွေဟာနားထောင်နေကြအသံတိုင်းလုံးဝမပြောင်းလဲခဲ့ပါ။ထယ်ယောင်းလွတ်ထွက်သွားမှာစိုးသည့်အလားဂျောင်ဂုခါးကိုတင်းတင်းကြပ်ကြပ်ဖက်တွယ်ကာငိုနေမိသည်။သို့သော်အချိန်တစ်ခုကြာတဲ့အထိဂျောင်ဂုသူ့ကိုပြန်မဖက်ခဲ့ပါ။ခဏအကြာမှ
ထယ်ယောင်းခါးပေါ်ရောက်လာသောဂျောင်ဂုရဲ့ထွေးပွေ့မှု့
နူးညံ့တဲ့ခပ်ဖွဖွအထိတွေ့ကနေတင်းကြပ်စွာဖက်ပြီးထယ်ယောင်းခေါင်းလုံးလုံးလေးကိုအနမ်းစပေးလာတယ်။ပထမဆုံးသူ့ဆီကပြန်ရသောချစ်ခြင်းတွေကိုထယ်ယောင်းအသေးစိတ်မှတ်သားနေမိသည်။သူ့ရင်ခွင်ထဲမှထွက်ကာမျက်နှာကိုမော့ကြည့်မိတော့ပြုံးပြနေသောလွမ်းခဲ့ရတဲ့အပြုံးများ။