رمادي الطبائع 1
كانت واقفه في المطبخ واتفكر تشرب كوفي دخلت عليها أمها:ولد عمك برا يبيكي
ليلى:واخيرا 😻غريبه من شهر ما جانا ونا كل يوم انقول امتى بنشوفه😻💓
صالحه: خلاص اطلعي له ونا توا انكمل القهوه وانطلعها لكم
شافت الصالون كان مش قاعد فيه طلعت لسور ولقياته واقف ع الباب كانت طالعه بـ بجامه وكانت رافعه شعرها لفوق ديل احصان او جرو 🙈
ليلى:عبدالله 😻
هو صكر باب الحوش ع طول
عبدالله: كيف حالك ليلى
ليلى: الحمدلله نا كويسه امس كلمتك ليش ماترديش عليا😒😒
عبدالله:كنت راقد
ليلى: راقد غريبه مع انك كنت ناشط ع الفيس😏🌚
عبدالله: اسمعي عندك أسبوع تفسخي الخطبه وقولي اللي تبيه عليا حيوان مانحبش مش متريحه مضايقه مسحوره عموما بعد أسبوع لو مافسختيش نا نفسخها
انشل لسانها انصدمه هذا كنه كانت حاسه انه ايحبهش من الاول بس قالت عشاني بنت عمه وعمي وبابا يبونا لبعضنا مع الوقت توا ايحبني وخلاص بس نا نحبه ومش من توا من زمان حتى انها مش خطبه هي مجرد كلام من أمه لـ مامي وبعدها كلمني مرتين بس فون وكلها نا اللي انهذرز معقول راجل ويغصبوه 💔 قطعت حبل أفكارها
ليلى: تمام أصلا الموضوع من الاول مش حبيته ولك اللي تبيه 😑😒
عبدالله: كيف قصدك عادي نفسخ
ليلى: تفسخ 😏 نا اللي نفسخ ونا اللي نبيش ومن يوم هذه كلامك تحرم عليا ياعبدالله وتأكد ان هالموضوع مانبيه زيك بالضبط وبعدين مش لما اتكون خطبه عشان نفسخها
عبدالله: قصدك انتي ماتبينش
ليلى: ولا مره فكرت فيك بـ الشكل هذه
طلعت أمها بالكوفي
صالحه: كنك ياعبدالله قاعد هنا تفضل جو اسملله عليكي ياليلي ماتفضليه جوى هيا تفضل 😅
ليلى: حوش عمه وع راحته أصلا هو بيروح😒
عبدالله : لا نا هنا متريح
صالحه: تفضلو القهوه
عبدالله: بارك الله فيكي عمتي
ليلي: نبيش كوفي🌚
صالحه: طيب 🌚
دخلت أمها وحاسه انها بنتها مش طبيعية قالت في عقلها خليني نوقف نسمعهم شنو يحكو 👂👀
عبدالله: قتلك
ليلى : مامي حس فونك ايرن 😏
صالحه: ايوا توا نمشيله😑
