HRS4: Craving a Hot Romance with the Enemy

11 (SPG)

11 (SPG)

"First round, Philippines versus Czech Republic."

Tumingin si MJ sa kanyang katabi na tahimik habang hawak-hawak ang kanyang raketa. MJ smiled and called her attention, "Hey."

Lumingon sa kanya si Sandra, "What?"

Ngumiti pa rin si MJ at pinagbunggo ang kanilang mga raketa, "We're going to the second round right? We're a great team, Sandra."

Nakatitig lang sa kanya nang matagal si Sandra atsaka napatingin sa kanyang raketa, "Yes. We will advance to the second round." Lumingon sa kanya si Sandra at tipid na ngumiti, "We're a great team, Quijano."

Kahit papaano ay naibsan ang kabang nararamdaman ni MJ dahil hindi na siya minaldita ni Sandra.

"Philippines," nagpatuloy ang announcer sa pag-aanunsyo, "Misty Jeanne Quijano and Khassandra Tolentino."

Kahit papaano ay narinig ni MJ na may mga Pilipino ang nanonood at sumusuporta sa kanila. Kinawayan niya ang mga supporters na may hawak-hawak na flag ng Pilipinas.

"Czech Republic, Adriana Belinsky and Alicia Lesky."

Napatingin si MJ sa dalawang babae na higit na matangkad sa kanilang dalawa ni Sandra. Lumingon sa kanya si Alicia atsaka nakangiting sumaludo ang kalaban.

Ngumiti naman si MJ at sumaludo din pabalik, kilala niya si Alicia dahil minsan na niyang natalo si Alicia sa international tournament sa women's singles.

"You know Lesky?"

Napalingon siya kay Sandra habang papunta sila sa may bench, kung saan nandoon ang buong team.

"Yeah, I beat her in Ace Breakers Cup in France."

Sandra nodded her head, "Right, I saw that game of yours." Iniwas naman ni Sandra ang tingin sa kanya, "Magaling ang laban mo sa game na 'yun."

Marahang siniko niya si Sandra, "You could go there you know."

"Me? Nah, I don't think so."

"Ugh, come on. You should and you could." Pagpupumilit niya.

"MJ." Napalingon sila pareho kina Coach Laine at Corey na nakalapit na sa kanila. Seryoso ang kanilang mga mukha dahil siguro sa napakahalaga ng laban.

The Super Shots Cup will be using a single-elimination tournament. There is a total of 128 teams who will be playing in the first round. Kapag natalo sina MJ sa unang round ay wala na silang tsansa pang makapunta sa second round hanggang sa finals.

Ngayon nga ay sila ang unang sasalang sa unang laro ng Round 1 at makakalaban nila ang bansang may malalakas na players, gaya ni Alicia Lesky.

"Yes po?" Di maiwasang tignan ni MJ si Corey na nakahalukipkip at titig na titig sa kanilang dalawa ni Sandra.

Hinawakan siya sa magkabilaang balikat ni Coach Laine, "Nakalaban mo na si Alicia, huwag kang pakampante na kung anong laro niya noon sa singles ay ganun pa rin siya sa doubles."

Tumango naman si MJ, "Noted, Coach."

"Sandra," napalingon naman si MJ kay Corey parang gusto niyang ngumuso dahil mukhang kay Sandra lang siya may advice. "you're the back player, habol lang nang habol."

"Yes, Sir Corey."

"Magsisimula na." sambit ni Coach Laine atsaka na tumayo sina MJ. Lumapit sa kanila si Coach Laine at niyakap sila isa-isa, "You can do this again, MJ. That's just Czech Republic, Pilipinas tayo."