صرخه خوف2

1

بعد خمس سنوات :
مراد :12سنه سابعه ابتدائي
محسن+مؤيد:15 سنه اولى ثانوي
راجح:18 سنه اولى جامعه
نرمين+رنيم :20 سنه تالته جامعه
راني :27 سنه الشغل+البورة😉
نديم:25سنه الشغل بس من غير بورة 😂
محمد:24 سنه برضو شغال
وائل :21سنه تانيه جامعه بلاده بس
ميرال :21 سنه ربه منزل يا يمه😂
.....نبدا قصتنا....
-"رنيم...رنيم يا دبه قومي الجامعه "
-"خمس دقايق"
مشت ورجعت نمت جات تاني :
-"رنييييم ياخ ما ممكن معاك قومي "
-"نرمين خليني انوم "
-"خلاص راني بيفوتك "
-"اي قمت "
مشيت الحمام وطلعت وتعبانه تعب ما عادي لبست اسكيرت اسود وبلوزه بالبصلي وطرحه حلاويه ووقفت اديت لنفسي نظرة اخيرة وطلعت راني عاين لي من فوق لتحت وقعد يضحك قلت ليو:
-"مالك يا ود الناس"
-"ماشه بسفنجه البيت "
-"وواي "
وجريت لبست شبط وطلعت قال :
-"انجزوا ياخ قعدنا ناس نديم بنو بيت معانا لانو نديم اغلب وقتو في الشغل وما بيقدر يقعد معاهم وبقينا قاعدين دقايق جا اظرف زول في البيت طاير وقال بكل فخر:
-"انا ديييييت "
دا كان سالم حبيب الكل سالم الصغير ولابس هدوم الروضه وشكلو ظرييف قال :
-"عمتو نمرين امي......"
طاخ ضربتو في راسو قال :
-"اااي بتلم ليت ماما "
-"اوعك تقولي عمتو....عمتو في عينك واسمي نرمييين "
-"انا داعد ادول ليك اسم حلو انت مت تفهمي بس ارح يا راني"
-"انا عمك يا ولد "
-"ابوي دال لي راني دا السواد بتاعنا "
راني بقى فحمه قال :
-"ابوك دا ما نصيح انا سواق عندو انا اخوهو الكبير"
-"نسيح يا زول ودال انك بااااير "
راني مسكو من راسو وقال:
-"كدي قول القلتو  تاني "
-"لا والله ما قلت حاجه فكني بدول لماما "
-"امشي نادي مراد قبل ما ادقك يا شين"
-"بدول لابوي ليكم تلتم عشان يدككم لي "
قلت ليو:"انا يا سلوم "
-"لا انتي دريفه وهم شينيييين "
وجرى وراني بكورك فيو فتح باب الشارع وكان نديم الما بنشوفو كتير كان مبيت في الشغل طبعا ولا شغال بينا الشغله كورك :
-"سالم حبيبي جيت "
جا جاري وبكورك:
-"ابووووووووي "
شالو وباسو وقال ليو:
-"كيفك حبيبي في زول شاكلك "
-"راني دال لي ابوك ما نسيح "
-"راني"
-"تقول لي انا سواق !"
-"اي يا زول اي شي عشان سلوم "
سالم قعد يضحك ويكاويو لكن نديم عيونو واقعه وفتران قال ليو:
-"يلا ماشي انوم "
-"داير تسوقني الروضه ات يا ابوي "
-"بس تعبان امشي مع عمك"
-"ابوي علييت الله "
-"طيب ارح"
وساقو ومشا طبعا بحب ابوه دا حب ما عادي لانو ابوهو وما قاعد يشوفو الا يوم الجمعه الشغل ضاغطو شديد ركبنا مع راني قال :
-"نرمين ما عندكم بنات سمحات كدا ينفعوا لواحد وجيه زيي "
-"اسكت يا باير يا قبيح "
عاين لي بالمرايه وقال:
-"ناس كدا خلوني باير "
قلبت ليو عيوني وطلعت سرعه نرمين جات وراي وقالت :
-"مالك يا بت الناس شيطانك قام"
-"كلو من اخوك التافه دا "
-"تافهه براك "
حاولت اخفف حدة الموضوع وقلت:
-"ليي مصاحبه واحده تافهه "
-"اسكتي يا شينه "
-"سكتت "
...
-"يا ولدي قوم الله يرضى عليك "
-"قمت يمه "
-"يلا عشان ما تتاخر "
-"طيب "
قمت بكسل ومشيت باب الحمام وطقشت كم حيطه طلعت وشربت الشاي ومشيت المواصلات ركبت ووصلت الجامعه لاقاني شاكر دا صحبي شديد وقرينا الثانوي سوا وعارف كل شئ عني قعدنا قال لي :
-"الليله جيت بدري!!"
-"اي الحاجه ما ريحتنا"
-"حبوبتك دي بتعمل كدا لمصلحتك بس انت ما بتقدر يا راجح "
-"اها يا شيخنا امشي شوف حبيباتك ديل بوين"
-"يا زول☹"
-"ديك لمار مش"
-"اي وحبيبتي انت شوف شغلتك "
-"مع السلامه يلا"
ومشا صحبي التافه دا
.....
-"مؤيد قوووم "
-"قمت قمت"
-"مؤيد الترحيل بيفوتنا "
-"تمام "
-"ما حابرر ليك تاني قدام المدير "
-"محسن استنى خلاص والله معليش"
قمت سرعه ومشيت الحمام ولبست هدومي طبعا محسن هو المسئول فينا تقريبا هو البيقريني😂 هو البينضف غرفتنا هو بيبرر لي لما اتاخر ويعتذر من المدير شايلني في ضهروا والله مشينا المدرسه طبعا في واحد عندو مشكله مع محسن وبعد طلعت من الفصل وقت الفطور مشيت لمحسن لاقاني الولد دا قال :
-"محسن مش"
-"اي داير مني شنو ومشكلتك معاي شنو "
طبعا دي كانت اسهل طريقه اعرف بيها المشكله بس هو قال لي:
-"لاقيني آهر اليوم في الميدان "
-"تمام "
مشيت وخليتو لاقاني الاستاذ اتكلم :
-"مؤيد ماهر😠"
لا لا مصيبه قلت ليو :
-"انا محسن "
-"ااه محسن اي بعد بكرة جايين ضيوف للمدرسه دايرك تلقى لينا موضوع ظريف عن المعلم وانت طالب انا واثق فيك "
-"طيب"
-"بس موضوع بسيط في الطابور"
-"كويس"
-"ما جبت كراسات الفيزياء!"
-"اي جبتها مالقيتك في المكتب ختيتهم ليك "
-"كتر خيرك "
ابتسمت ومشيت الليله محسن بضبحني مشيت ليو نحن في فصلين مختلفيين دخلت جوا لقيتو راقد في الكنبه مشيت قريب وقلت :
-"محسن اخوي مالك "
كان محموم طلعت فطورو واكلتو بالقوة اكل وقال لي:
-"مؤيد لازم ارجع البيت "
-"مالك "
-"بطني واجعاني شديد "
رجع البيت سرعه وانا قعدت نهايه اليوم رجعت البيت ....
مراد :
مشت رنيم ووصلني المدرسه مشيت المدرسه وما عندي اي اصحاب مقرببين او كدا ما بحب اقعد مع الناس بقعد براي واكتب روايه او اعمل اي شي يشغلني  بس نفسي ما عارف ليي اخواني بيكرهوني او شايفيني كحاجه ما موجودة انا عملت شنو امي وابوي كانو زييهم بيكرهوني؟؟ وفي شنو فيني غلط انا عملت شنو وليي ما عندي اجتماعيات نهائي ليي اهلي بحسس ني انهم ما اهلي خالتي ما شغاله بي عموما ولا راجلها يعني كان زمان اخير بس هسه ما عارف خايف يكون في موضوع خطير وراي او خطأ او غيرو ....ما عندي غير ربي رحمني بالعيشه دي بس ليي ما عاوزين يحكوا لي عن امي او ابوي معناه كانو بيكرهوني او انا ما ولدهم اصلا لانو لو ولدهم كان ممكن اخواني يعاملوني كويس اوففف انا جاي من وين وشنو المخبينو مني وليي بيعاملوني كدا جا ولد من تامنه قال لي :
-"مراد ماهر "
-"هاا"
-"دايرنك برا "
-"طيب"
قمت ومشيت كان في زي مراقبه اجتماعيه للمدرسه دايما بتطلبني وهسه نادتني مشيت ليها قالت :
-"مراد اقعد"
قعدت سألتني:"مراد ليي بتقعد براك "
-"ليي بتسألي"
-"عشان مفروض يكون عندك اجتماعيات احسن من كدا"
-"لو سمحتي ما تدخلي "
-"مراد احكي لي عن نفسك امك وابوك واخوانك "
-"ليي بتسألي؟"
-"عشان مصلحتك "
-"اسألي؟"
-"عندك اخوان"
-"اي "
-"وكم "
-"اتنين "
-"قاعدين معاك "
-"اي "
-"وامك وابوك"
-"اي "
-"طيب في مشاكل بين امك وابوك "
-"لا "
-"طيب مالك في شنو بضايقك "
-"اسئلتك دي"
وطلعت ما عاوز اوريها حاجه عني لانو لما زول يعرف عني بشوف انو حنا علي وانا ما داير حنان ولا شفقه من زول ومشيت الفصل الاستاذ سالني ليي اتاخرت كلمتو ببرود وقعدت ......
رايكم بالبدايه؟
تطور الشخصيات؟
مصيبه محسن؟
توحد مراد؟
واخيرا العسل سلوم؟
صوتوا 😍