صرخه خوف2

27

مراد:
الليل مشيت لراني لانو قالو لي تعب مشيت مع وائل قال لي عندو مشوار ومشا خلاني سألت من غرفتو ومشيت ... راني ...راني الوحيد البيتكلم معاي وبيسألني دايما من حالي من الناس البحبهم بالجت وكان لي اخو شديد من زمان مما كنت صغير بحبو شديد قعدت جمبو وسألتو:
-"راني انت كيف؟"
-"انت مراد!"
-"اي انا مراد"
-"مراد!! زعلان منك ليي ما بتزورني"
-"معليش جيت هسه وجبت ليك معاي مكرونه لانو ماف زول بيحبها في البيت غيرك"
-"طبختها انت!"
-"اي طبختها وطلعت فيها مهاراتي كلها ان شاء الله تعجبك وما سويت شطه عشان خفت على عيونك"
-"ما مشكله بتمشي بطني ما عيوني"
ضحكت وقام كنت مصر اوكلو وهو بيقول لي:
-"براحه ياخ اديني آكل براي"
اكل وانا مستنيو يديني رأيو كمل اكل وختاو قال:
-"ابداع يا مراد اشتغل طباخ"
-"بالجت ولا بتجاملني"
-"لا لا ما بجاملك والله عجبني شديد حبيتو شكرا لانك تعبت وسويتو وجبتو"
-"ما يغلى عليك"
-"الله بقى لسانك حلو"
-"هووي لساني اصلا حلو"
-"اهاا ارنب كيف!"
اي المعلومه الما عارفينها انو راني عارف كل شئ عني المدرسه البيت كلامي مع عمار كان عارفو قلت:
-"مشتاق ليو والله ومشتاق ليك اكتر ياخ البيت مسيخ شديد بدونك"
-"وصحي رنيم واخوانها مشو"
شفتو حتى طريقه كلامو ما بتضايقني قال اخوانها وما قال لي اخوانك فرديت:
-"اي"
-"انت ما حتمشي مش"
-"ماف طريقه اصلا"
-"يعني لو في طريقه كنت حتخليني براي"
-"ما حتشوف ليك واحده وتمشي"
ضحك وقال:"قلعوا لي عيني"
-"كيف؟"
-"قالو حتأثر على العين التانيه وقلعوها"
-"معلييش المهم يا راني ما تموت عشان يكون عندي زول اتكلم معاو"
-"ممكن تنفتح على اخواني هم ما شريرين بس ما بعرفو يتواصلو اديهم فرصة"
وانا الغبي فهمت من كلامو انو بقول لي حاموت قلت ليو:
-"حتموووت؟"
-"لو جات ساعتي بموت بس المرض ما كان في يوم كاتل"
-"ما تقول كدا بخاف"
-"معلييش خلاص المهم يا زول اخبارك!"
-"راني... انا ما زول كعب مش"
-"لا لا كيف تقول كدا"
-"ما عارف بقيت برد ردود ما حلوة وحاسي بالذنب"
-"ليي؟"
ختيت يديني ورأسي في السرير جمبو وقلت:
-"يعني لما اشوفهم مزاجي بيتخرب وببقى عاوز ارد ليهم بأي شئ"
-"ما تخاف دي مرحلة بس ولما ارجع البيت ان شاء الله بنتخطاها سوا"
-"طيب بجيك تاني ما تزعل كويس"
-"لا لا ما زعلان وبكرة مدرسه"
-"بكرة ما الاحد بكرة السبت"
-"خلاص يا زول اتخارج"
-"شين"
وطلعت رجعت البيت لانو عموما ما بعيد من المستشفى دخلت البيت خالتي ونرمين قالو طالعين يشتروا حاجات من المحل القريب والبيت فاضي الشباب برا ماف زول جا رقدت ونمت وخليتهم ..
رنيم:
بالليل جا وائل سلم وابى يشرب حاجه قال عاوز يتكلم معانا ضروري جا راجح ونادى التوأم قال:
-"انا ما جيت هنا اجبركم على انكم ترجعو رنيم او غيروا بس سؤال ليكم كدا ضميركم مرتاح كدا حاسين بالانتصار داك خلاص ما حاسين انو في حاجه غلط!"
قلت:"قصدك شنو بالواضح كدا"
مؤيد رد:"لاننا خلينا مراد"
قلت بانفعال:"مراد اصلا ما دايرنا وسألتو يوم قال لي انت امشي لكن انا مكاني هنا مع ناس خالتي"
-"دا متين قبل كم سنه لما كان قايل انو امي انو لما كان شافع ما فاهم حاجه هسه سألتوهو اتكلمتو معاهو قبل ما تطلعو وتخلوهو انتو جادين"
مؤيد:"لازم نمشي ليو صح"
راجح:"لحظه اذا جبناو هنا حيكون مرتاح اكتر"
وائل رد:"ما تجيبو وتجدعو كدا عملتو شنو ....... حسسوه بانكم شقايقو واخوانو"
راجح اتكلم بضجر:"انا عندي الف شي اهم منو هسه"
وائل رد بانزعاج:"كيف يعني انت عارف حيكون احساسو شنو لو عرف انك شايفو كدا لو عرف انو حاجه هامشيه بتأذى والله وفعلا الايامات دي نفسياتو كعبه"
-"هو اصلا ما بيتكلم كيف تعرف نفسياتو كعبه"
-"طيب هو اخوكم وكت انت عارف ما بتكلم ساعدو يتكلم ياخ حرام عليك بتبالغ انتو اخوانو مش سندو واقرب زول ليو امو وابوه مافي يبقى حيسند عليكم بس انتو ما وقفتو ليو زاتو عشان يسند عليكم الولد دا عندو توحد"
-"امك المفروض تكون مسئوله عنو"
-"وانت ..هل سألت نفسك امك وابوك حيقولوا شنو اذا شافوك معاملو كدا اذا شافو ولدهم حصل ليو شنو بعدهم اذا شافو كيف رميتوهو ومشيتو"
-"انا ما ماشي اشوفو ورايك ما مهم ..."
قلت:"راجح!"
وائل:"خليو يا رنيم بعدين لما اخوكم يجن ما تقولوا نحن السوينا فيو كدا"
....
وائل:
وطلعت فتحت التلفون لقيت عشرة مكالمات ما بين محمد ونديم ونرمين اتخلعت خلعه ورجعت لمحمد ابى يرد نهائي مشيت المستشفى ويديني برجفو من الخلعه دخلت وعبرت الممرات سرعة جاري جري لقيت نرمين بتبكي وامي وقاعدين قدام غرفتو دخبت بخطوات بطيئه لقيتهم برفعو الاجهزه عنو في اللحظه دي فهمت اني فقدت السند فقدت الاب التاني فقدت اخوي فقدت راني اتلفتت لقيت ابوي رجليو ما شايلاهو من الخلعه ما كنت عاوز اعرف حصل نديم كان واقف بيصبر في ابوي محمد كان على الارض ورأسو للحيطه غلبني التعبير بقيت بتلفت فيهم حسيت خلاص ثواني وبجن عدييل جريت نديم من قميصو وصرخت:
-"متين حصل كدا اتكلم متين؟"
قال:"استغفر الملائكه حاضرة والميت محتاج الدعاء"
بقيت برجف قلت:"راني ما ميت ما تهظر معاي"
بانهياري ابوي انهار وعندو ضغط اصلا وفجأه كدا وقع محمد صرخ:
-"ابوي"
وانا تهت راني وهسه ابوي الدكاترة بقو معانا هنا شالو ابوي لغرفه لغايه ما يفوق وانا لسه في مكاني مصدوم جااني محمد وقال:
-"يلا يا وائل خلاص اتوفى"
-"لا لا لا"
اداني كف صحاني قال:
-"حلاص يا وائل اصحى راني مات خلاص"
حاولت اكبح دموعي واكتم صوت جو خيلاني وكملنا مراسم الدفن ورجعنا البيت وانا خلاص كان قالو لي هف بقع نديم فهمني شديد بس كان المتماسك فينا نادني وقال:
-"امشي لابوي في المستشفى"
واداني مفتاح العربيه وسقت وصلت المستشفى ما بكضب ما قدرت انزل راني دا كان ...ما بقدر اوصفو بغض النظر عن نفسياتو كان قلبو صافي ودموعي ما مهلتني اكتر انهرت انهيار ما عادي بعدها طلعت وما شايف قدامي الساعه اتنين بالليل وتعبان وعيوني واجعاني ما قادر اصدق والله انو خلاص تاني ماف راني ما حيجي البيت تاني وما حيقعد يناوشنا تاني دا كلو من عبير الله لا اراحها ربنا ينتقم منها وصلت لابوي وقعدت جمبو قعدت جمبو لما بعد شويه صحى سألني:
-"وائل راني... راني"
قالها بأمل زعلني زيادة قلت:
-"مات"
وبكيت في حضنو وهو بيهدي فيني كان اسوأ ايام حياتي واكترها بؤس قال:
-"ما تبكي يا ولدي كان زول ما هيين"
-"ابووي"
-"يلا نرجع البيت اصبر اصبر امك ونرمين محتاجينك تقيف على حيلك وتكون قوي اصبر"
سبحان الله كلمات ابوي دي هدتني شديد وصبرتني
...
             رايكم +تعليقكم+انتقادكم
                   صوتوا♥♥