صرخه خوف2

21

سامر:
ما شفتو ولا اتكلمت معاو من ما عرفت ورجعت البيت بعد المدرسه اشتغلت شغلي ودخلت غرفتنا لقيتو قاعد لما شافني وقف على حيلو وفتح خشمو كانو عاوز يبرر يتكلم يقول شي بس بنظراتي سكت عاينت ليو انا لازم افهم كل شئ قفلت الباب بالمفتاح وقلت:
-"ماف واحد حيطلع اذا ما وريتني كل شي عن الموضوع دا فاهم "
-"اي ودا الدايرو انا "
-"انا حاسال بس "
-"طيب"
قعدت قصادو سألتو:
-"كنت مسجون"
-"اي"
-"من متين"
-"من خمسه سنه"
-"هربت"
-"لا افرجو عني وخفضو لي تلاته سنه"
-"يعني كان مفروض تقعد تمنيه سنه في السجن"
-"اي"
-"كتلت ابوي!!"
-"اي"
-"كيف ؟"
-"طعنتو بمشرط مستشفى"
-"والبت اغتصبها هو ولا انت"
-"انا استدرجتها بس الحمدلله جريمتنا ما اكتملت "
-"اسمها منو"
-"رنيم ماهر جمال ماهر"
قلبي بقى دق دق دق لما اتذكرت اسم مراد الكامل نفس الاسم قلت :
-"ليي عملت كدا"
-"عشان ابوي زمان طلب امها ورفضتو "
-"بس بعد ما اتزوج امي داير بيها شنو...ناصر ما قادر افهم "
-"ما كان عاوز امي اصلا كان بيفرغ فيهو غضبو بس وفي يوم قتلها خنقها "
-"ناصر!! ناصر انت بتكذب علي"
-"ما بكذب والله دا الحصل شفتو لما خنقها عشان كدا ساقني معاو وخلاك مع عمتي هنا"
-"امي...ماتت!!"
-"اي ماتت وما كنت عاوز اوريك الحقيقه عشان ما تتصدم وانت مأمل انها حيه"
-"لا لا يا ناصر انت بتكذب صح "
-"ما بكذب"
-"ناصر امي حيه "
-"ما حيه "
-"عاوز اشوف قبرها طيب "
-"ما عارف مكانو "
-"معناها حيه "
صرخ بغضب:"ما تعلق امالك في اي شي ما تثق اكتر من اللازم"
صرخت ودموعي في عيوني:
-"صح  زي ما اتعلقت بحقيقه انك ما ممكن تكون في السجن زي ما وثقت فيك وعملت اي شي عشان ما اخليك تقلق كنت بتظاهر الوقت كلو اني فرحان وحياتي حلوة وانت لو كنت اخوي كان ممكن تعرف بس...اصلا ما ليك لازمه انت وابوي الاتنين كنت مأمل رجعتكم بس ما بالوحشه دي ياريت لو امي ترجع لانها الوحيده القلبها صافي في العيله دي..."
ما كنت عاوز ارفع رأسي عشان ما يشوف دموعي قال:
-"قصدك شنو انك بتتظاهر حياتك مالا عايش عادي بتمشي المدرسه وما محروم من شي"
-"عايش عادي! انت بتهظر في المدرسه بسببك انت بقو معاملني زي الشافع الما قدرهم وبمناسبه انو عندي اصحاب اصحابي ديل بيملو بي وقت فراغهم وحتى اسمي ما بعرفوهوا وبالمناسبه السعيده كلهم بقولوا لي ارنب ما كنت معارض لاني بتذكرك بيو بس هسه ما متشرف اتذكرك وغير كدا حصلت معاي مواقف ما معدودة في المدرسه استحقروني فيها بسببك ولا كمان ما كلمتك عمتي بتشغلني خدام تحت رججليها ممكن تمشي لان وجودك مافيو فايده"
-"ارنب.."
قاطعتو بحده:"اسمي سامر !"
-"سامر ليي ماوريتني كنت عم...."
قاطعتو:"ما تلعب دور  الاخو هسه امشي مني"
اتراجع وطلع من الغرفه وانا اترميت في سريري وحاسي بالندم من اول مرة قدرتو فيها واقتديت بيو.....
مراد:
الليله جات ميرال بس ما كان معاها سلوم قعدت وقالت :
-"مراد"
-"ها "
-"امبارح جيت ولقيتكم الاتنين نايمين بس امبارح قلت لي عاوز تسألني سؤال "
-"ااا..كنت عاوزة اسألك عن ابوي او امي واذا عندك ليهم صورة "
-"اووه "
سكتت شويه بعدين قالت:
-"ما بعرف عن امك ما كنت بشوفها كتير او بالاصح ما اتعاملت معاها كتير لكن كانت جميله شديد على حد علمي وابوي برضو كان طلبها قبل ابوك بس رفضتو"
-"دقيقه!!"
قالت:"اااا انسى القلتو ما مفروض زول يعرف بس عموما ابوي فهم رغبتها ببساطه واخد الموضوع ما جادي وكدا يعني سر بيناتنا تمام"
-"كويس..وابوي"
-"ابوك كنت بشوفو طوالي واتعاملت معاو كتيرعمي ماهر كان زول عظييم كان ...شخصيه قويه شديد في العيله وكان كبيرهم وجدي كان بيحبو شديد لما اتوفى كان ما قادر يصدق زعل شديد لما مرض حتى ابوي كان ما عارف يواسي ابوهو ولا نفسو موتو كان حادثه هزت العيله وانت كنت صغيير شديد بعد ساعه من الوفاة ولدوك بس معليش ماف زول انتبه ليك نهائي سموك في الواحد وعشرين بتذكر لهسه كنت صغنوني شديد "
-"اها "
-"وزمن وفاة امك كنت بتقول انو يخلو الباب فاتح عشان امك ما تجي وتلقاه مقفول ماف زول كان عاوز يقول ليك انها ما حترجع لانك متعلق بيها شديد مر شهر او اقل ما متذكرة بس انت كنت بتنوم قدام الباب .."
قاطعتها:"مستني امي صح"
-"اي بس كنت بتتحسس لما تشوف شافع مع امو وبتهاجمهم طوالي ما تزعل من اخوانك لانو فراق امك كان صعب ليهم برضو خاصه رنيم لانها كانت البنت الوحيده والمتعلقه بامها وكدا وراجح كان بتظاهر انو مسئول قدام الناس كلها الا امو الكان بيعرف يبكي ويشكي ليها والتوأم...التوأم كانوا يحننو كانت ايام صعبه بس عدت يا مراد "
-"ايام صعبه!! ياريت لو لاقيت ابوي شكلو زول ظابط"
-"اي زول ظابط شديد ..وبالنسبه للصور قاعده بجيبها ليك لما افتشهم تمام"
هزيت رأسي وهي مشت الزوله الوحيده الطيبه معاي ومستعده تسمع اي شئ ....
ميرال:
طلعت ولقيت رنا بتحمر لي سلمت بس ما ردت السلام سكتت ومشيت بيتنا وشغلت تفكيري وبعد مر الوقت وجا نديم كان شكلو زهجان شديد بعد استحمى وجا قال:
-"تعالي اقعدي معاي"
قعدت سألني:"انت القلت لرنيم انها تضرب لاخوانها"
-"لا ...ليي بتسأل"
-"طيب قلت لمراد شنو الليله"
-"سءلني عن امو وابوهو وحكيت ليز البتذكرو"
-"زي انو امي ما نافعه تربيهم"
-"نديم ليي بتقول كدا"

-"دي امي يا ميرال"
-"اي انا ما قلت فيها حاجة غلط "
-"ميرال !"
-"نديم قول الداير تقولوا عشان نتفاهم"
-"حرضتي اولاد ريتال ضد امي"
-"لا"
-"يعني امي بتكذب"
-"امك قالت كدا "
-"اي "
-"امشي اسألهم ميرال حرضتكم !"
-"ميرال"
قاطعتو بغضب:"نديم ما تشكك وانت ما عارف قلت ليك لأ يعني لأ"
وقمت وخليتو وفتحت تلفوني وشغلت نفسي منو وهو رقد نام ولا كلف نفسو الاعتذار بس ما عاوزة الموضوع يصل للمرة الفاتت فجأة بطني طمت ومشيت استفرغت الاكل من الصباح جاني توقع واحد وطلع صاح بيبي جديد خليتهم نايمين ومشيت دورت العربيه وفحصت وجيت راجعه فرحت شديد بس اتذكرت موضوع قبيل واصلا اول ما احمل بكره نديم دا كره ولما اشوف وشو بطني بتطم اكتشفت فيما بعد انو الموضوع صحي المهم صحى من النوم وانا جبت ليمونتي عشان اقدر اتكلم معاو قال لي:
-"اها "
-"اها شنو ما حتعتذر"
-"خلاص معليش"
قلت وانا بقلب عيوني عشان ما اركز فيو:
-"شكلو سلوم حيبقى عندو اخو "
-"بالجت !"
-"اي >_·"
بقى بيضحك زي المهستر وفجأه لقيتو شالني ومتذكرين الحلمت بيو كان بالتفصيل فرحت شديد وسالم قال:
-"حتطلعو الليله برضو"
نديم:"اي"
قلت:"نديم!؟؟"
سلوم:"اااه"
نديم:"حنطلع كلنا بس ما هسه بعد اسبوع او اسبوعين تمام "
سالم:"الاسبوع فيو كم يوم ...تسعه صح *_*"
.....
احم احم رايكم ف..
سامر وموقفو مع ناصر!
مراد وميرال!
رنا وشكوكها!
وتوقعاتكم!
صوتوا☆