صرخه خوف2

17

لقيت راني فايير وفي اي لحظه بوووم حينفجر قال:
-"قلتي شنو لسندس"
-"قلت ليها ما تضرب ليك تاني!!"
-"ليي"
-"لانو انت كاتب سوسو"
-"رنييم شايلاو ليي منو القال ليك شيليو انتي مرض بشكل ما ممكن معاك ياخ وهسه شنو!! طردوني من الشغل فالحه يا رنيييم وعارفه شنو انت واحده ما مسئوله نهائي يااخ انت زوله ما مقبولة ابدا"
وطلع وطاخ ضرب الباب جات خالتي :
-"شنو!! طردوه من شغلو من الطرد.."
محمد قاطعها:"رنيم اتكلمت بتلفونو"
عاينت لي وقلبت عيونها وقالت:
-"اكيد رنيم هو في زول غيرها يعني عامل مشاكل"
-"ليي بتلوميني هو الغلطان "
قالت بغضب:
-"اوعك تقولي كدا وتعملي حركات البنات دي لانها ما نافعه معاي"
انا اتمليت فل قالت :
-"وعشان اوريك اصلا ما موافقه بيك تجيبي لولدي مشاكل فوق مشاكلو "
قلت بخنقه :"كويس مش ولدك دا انا ما دايرو والقي ليو واحده احسن مني"
-"ما براك البت في العالم وبلقى احسن منك "
-"اخير امشي فتشي "
حسيت بزول لفتني لما اتلفتت لاقاني كف لما قربت اقع اتصدمت لما شفت عمار قال:
-"بقيتي قليلة ادب يا رنيم اتخطتي حدودك كتير"
-"هي وولدها الغلطانين"
صرخ:"ولا كلمه شايفه انو ماف زول بقدر عليك انا بقدر وبوريك الخط الاحمر يا رنيم طيري على غرفتك يلا "
-"ابيت ولا حاقعد ولا ثانيه هنا !"
صرخ:"ما ترفعي صوتك علي وان ما مشيتي انا بقدر عليك امشي "
جريت لغرفتي وقفلت الباب حتى خالي بقى معاهم وين يا امي وابوي ..وين يا جدي!!...
ميرال:
صحيت الصباح بكسل كالعاده وفجأه كدا سمعت نديم:
-"قومي سوي ليي قهوة مش وعدتني تسوي القهوة لباقي الاسبوع"
صنقرت واتلفتت ما شايفه شي لميت شعري وربطتو نديم قعد يضحك وقال:
-"عامله زي السحاري "
-"سحاري يأكلك"
وقمت مشيت المطبخ غسلت وشي واتسوكت في المطبخ زاتو وسويت ليو القهوة جا وقال لي:
-"قهوة حلوة زييك كدا"
بقا عاطفي شديد زي الخايف يفقد اهتمامي تاني قلت ليو:
-"بطل سخافه وامشي صحي سلوم"
-"انت عارفه اتسرعنا لما جبنا الشافع دا مزعج خلاص"
-"طيب رايك شنو نطلع سوا الليله "
-"عندي..."
شكلو خايف من كلامو زاتو جا سالم عين فاتحه وعين قافلة قال :
-"ماما بابا حتطلعوا وتخلوني"
قلت:"ما عارفه "
قعد وبقى بيفكر لما سالم طلع الروضه بقى بيمشي بترحيل فرق معانا راني شديد جا وقال:
-"حبيبتي معليش بس الليله لازم امشي الشغل وبجي بعدين ما مشكله نتعشى برا ونخليهو مع مراد "
-"طيب ويا نديم انا نا قلت ليك وقف شغل اشتغل بس خففو شويه سمح ما تضغط على نفسك"
-"حبيبة قلبي انتي"
ابتسمت وقلت :
-"يلا اتفكفك قصرت وقتي لنفسي"
طلع لسانو وقال:
-"ما تحاولي اصلا شينه وحتكوني شينه اللهم لا اعترض على خلقك"
-"نديم"
قفل الباب ضحكت مع نفسي ومشيت للبيت التاني لقيتهم كلهم زهجانين وخاصه خاله رنا وعمو سالم وحتى الاولاد وقفت وائل اللي هو الوحيد الممكن اسألو قلت:
-"حصل شنو؟"
-"ما عارف كنت برا البيت امبارح وجيت قالو رنيم عملت مشكله مع راني عشان تتخلص منو بس ما اظنن هم بيظلموها كتير عشان كدا امشي ممكن تتكلم معاك بت عمها "
-"طيب"
مشيت لغرفه رنيم وفي صوت كواريك خالها عمار على ما اعتقد ما قدرت افهم شي بعد ذويه طلع وانا دخللت ليها رفعت راسها لي وكانت عيونها اتنفخت من البكاء قالت :
-"ميرووو"
وقعدت تبكي قعدت جمبها وضميتها وبعد شويه هدت وحكت لي كل شي حرفيا هي مظلومه لانو راني ما قدم اي تبرير سالتها:
-"وهسه راني عارف"
-"لا مشا شغلو امبارح وقال حيبيت وماف زول كلمو لكن اخير زاتو ما عاوزة اشوف وشو"
قلت:"رنيم خلاص حنوقفهم في حدودهم ما ممكن يعاملوك كدا "
-"بس حنسوي شنو وما تخشي ما عاوزة اعمل ليك مشاكل مع نديم "
-"لا لا ما تخافي حاجيب ليك زول يصلح الامور "
-"راجل يعني ...ما تجيبيو الرجال ما بيفهمو حيقعد يقول لي بتدلعي ساي!"
-"لا لا راجل عارف كويس البنات "
-"منو!"
-"ابوي صدقيني انسب زول تتكلمي معاو في موضوع زي دا "
-"عمي...سمح "
-"طيب يلا ما تبكي"
-"بحاول "
قعدت معاها حبه وونستها وقعدت جمبها لمن نامت طلعت ولقيت عيون رنا علي خفت تقول انا بحرضها ضدهم او كدا لكن نفضت من راسي السلبيه وسلمت عليها عادي ومشيت لبيتي حسيت بقلق شويه اني اخلي سالم عندهم ما عاوزاه يسمع شتيمه او كواريك بخاف منها شديد بس مراد دا عسل شديد ...
مراد:
جا ارنب وحكى لي كل شئ قالو وكيف نهروا قلت:
-"رايك شنو لما يطلع فتش بين ورقو وحاجاتو "
-"تمام بحاول وانت"
حكيت ليو عن رنيم قال لي:
-"عيب عليهم انتو ايتام مفروض يعودو..."
حسيت بزعل حسيتو بيستصغرني ويعاين لي بعين شفقه حسيت اني حاقوم واكسرو لكن سكت فجأة وقال:
-"معليش مريود ما قصدي والله.... بس العاوز اقولوا ليك ليي ما دافعت عنها ووقفت في صفها"
-"لاني ما فاهم المشكله من البدايه وممكن تكون غلطانه "
-"كلامك صح بس حتى ولو ما صاح يتفقوا عليها كلهم بالطريقه دي رنيم دي مسكينه شديد "
صرخت:"ما مسكينه ولا شئ بس ما بتشوف الا نفسها والناس كلها شايفه رنيم رنيم وانا ولا زول شايفني عارف الشعور دا انك خفي ولا شي حياتك وموتك حاجه واحده"
-"ما تقول كدا يا مريود انا بتذكرك "
-"انت بس وهسه شاكي في خالي عمار زاتو "
-"هاااه "..
مر اليوم وزي المغرب كدا جات ميرال غرفتي قلت بابتسامه :
-"اهلا"
قالت :"بقيت بتبتسم ماشاء الله تقدم ملحوظ"
هي ممكن تكون ملاحظاني ودايما بتهظر معاي قالت:
-"مرادو ماشين انا ونديم طلعه خفيفه كدا تجديد للحب"
-"ايوا"
-"يلا جبت ليك امانه "
وجا سالم وراها قالت:
-"اقعد مع مراد موافق"
-"موافق يلا امشي مع السلامه وما تتاخروا"
ومشت جاني وقال:
-"مراااد "
قلت:"اي جبتو ليك "
كان كتاب تلوين وعندو الوان دي الحاجه الممكن تقعد سالم في مكانو ساعات وانا بقرا وهو بيرسم قلت:
-"سالم ماشي اسوي عصير داير"
-"اكيد"
جبت العصير وسقيتوبعد العصير مشيت اكمل قرايه كملت وقفلت الكتاب ولما اتلفتت لقيتو ناييم زحيت الالوان وختيتهم في درج سالم الفيو كل دفاتر التلوين ورسومات رسمها يعني كل ما امو او ابو يكون عاوز يسوي حاجه بيجيبو لي ما عارف بس من ناحيه ما حياتي حلوة حاسي اني حر ماف زول مقيدني بحاجه بعمل الداير اعملو وصداقتي مع ارنوب بتكفي يعني حاسي بالرضا في حياتي الحمدلله قمت وغطيتو وقفلت النور....
مؤيد:
سمعت بالحصل لرنيم من راجح ما عارف ليي بس حسيت بالغضب مع انو انا ما ساكن معاها بس عارف انها حساسه شديد واي زعوله بس ما اظن تغلط عليهم قبل ما يغلطو عليها كلمت محسن وقال لي نتلمى يوم الجمعه ونمشي ليها مع راجح ضربنا وكلمنا قال:
-"لا لا خلوها تجي لانو لو مشينا ليها ممكن تحصل مشاكا تعالو في بيت جدي وانا بجيبها تمام"
-"تمام"
......
في رايكم الشخصي؛
رنيم غلطانه ولا لأ؟؟
مراد وتقبلو لحياتو ببساطه. ايجابي؟؟
راني بعدما يعرف حيسوي شنو؟
عمار الاتقلب!!
..