صرخه خوف2

26

مراد :
حاسي بإكتئاب مما اتكلمت مع عمار الغضب الجواي والزعل والاحباط كلو طلع برا الليله يوم الجمعه مستني بس متين متين يوم الاحد يجي عشان الاقي ارنوب ياخ زعل زعل حاسي بالمساخه من غير ما اشوفو ياخ ولو اشوفوا مكتئب زيي بس نتلاقى مشيت الصينيه وقت الفطور ما اكلت كتير كنت بمضغ ببطء ببطء شديد لمن بهناك خالتي سألتني:
-"مراد مالك قالب وش؟"
اتلفتت وقلت ليها:"ما لقيتي سؤال احسن منو؟"
وقمت ورجعت غرفتي قعدت بعاين للسقف لصلاة الجمعه استحميت وطلعت صليت وجيت اتخمدت نمت نومه ما صحيت الا المغرب ووائل بهزني قال:
-"مراد قوم كفاك"
صنقرت قال:
-"انت كويس؟"
حمرت لييو قوي وطلعت بكسل وضهري محني وبجرجر رجليي لغايه ما صحصحت ومشيت اتغدا برضو عوارض ياخ محمد سألني:
-"مراد متأكد انك تمام"
-"لا لا"
-"ليي؟"
رديت بابتسامه:"ما يخصك!"
ورجعت اكلت لاني جعان بعدين رجعت غرفتي وقفلت الباب ....
ناصر:
-"فخر شنو يا زول"
رد بابتسامه:"انتو مساجين يعني اتعاطف معاكم زي النفسا ولا شنو"
-"نفسا بتاع..."
قاطعني بنظرة خلتني اسكت بعد مرت دقايق وهو بيقلب في الورق سألتو:
-"انت متزوج؟"
عارف فضولي بس الطفل الجواي بينطط رد علي:
-"ناصر انتبه في شغلك"
-"بتوريني"
-"اذا خلصنا من القضيه في تلاته يوم بجاوب على اي سؤال اما هسه اجتهد"
-"طيب زي الافلام تلاته يوم بس ارح سرعه نرجع بيتنا بلقى حاجه في تلفون ابوي"
-"تلفونو انت عارفو وين انا قلبت البيت وما لقيت وسيله اتصال"
-"لا هو قاعد تحت السراميك الفي غرفتي"
قال باستعجاب:"سراميك"
-"ما فتشت هناك معناة ابوي كان ذكي"
كنت قاصد استفزوا قال:
-"لا مستحيل انا فتشت البيت كتير وما لاقتني حاجه مع اني كنت عارف انو في زول مفقود بس ما كنت عارفه منو يعني"
-"ارح سرعه وليي انت مهتم بقضيتنا دي شديد"
-"لانو قضيتكم دي ضربت بسمعتي الارض وذلتني شديد"
-"ليي؟"
-"لاني ما حليتها قبل ما تقع الجريمه يا بومه"
-"اولا انا ما بومه تانيا هي جريمه ما وقعت كيف تحقق في حاجه ما وقعت"
رد بانفعال:"اسألهم عليك الله"
بس سرعه رجع لبرودو وقال:
-"يلا نكمل"
وصلنا بيتنا القديم موقع ابشع جريمتين في حياتي مقتل امي واختطاف رنيم حاجه مرعبه انك تخش بيت  زي دا بعد ما طلعت منو ليك خمسه سنه المهم فجأه مرت علي  ذكريات ولقيت فجأه دموعي ما قاطعني الا صوت خليل:
-"اشتغغل يا بومه ما تقعد تبكي زي المطلقه"
مسحت دموعي سرعه وقلت:
-"ما ببكي"
-"تعال وريني وين؟"
دخلت غرفتي وزحيت الدولاب وطلعت السراميكه وشلتو قال:
-"في تطور حاصل"
قلت:"اصلا يلا نشغلوا"
شحنناو وشغلناو ولقيناو مافيو شي زي ما انا عارفو غير رقمو بس ضربت وردت:
-"الو"
-"عمتي!!"
-"ناصر!"
-"كيفيك!"
-"ليي بتضرب بالرقم دا"
-"جايين عليك هسه  اجهزي!"
وقفلت الخط قال:
-"عمتك؟"
-"شكلها عندها رأس في الشغل دا وعندها رأس في عذاب سامر"
-"سامر منو؟"
-"ارح القضيه دي الليله بتتحلا"
مشيت وحاسي نفسي منفوخ نفخه بس ماشي اجر سامر منها المسكين وصلت البيت وقربت اكسر الباب بالدق فتحت عمتي دفرتها طوالي ودخلت وانا بكورك:
-"سامر!!"
بس ماف رد وانا الغضب الفيني ما بيتقابل سألتها بغضب:
-"وين سامر؟"
-"ما عارفاو بمشي معاكم بس خلوهو"
-"عملتي ليو شنو؟"
خليل قال لي:
-"اهدأ انت معترفه مش"
-"ما حتهبشو سامر صاح"
-"اي بس ارح معانا القسم"
اتنهدت وسوقناها وانا ما لقيت زول في البيت خليل قال لي:
-"ما تخاف بنلقاو"
وطلعنا القسم....
سامر:
قعدت وحاسي بإكتئاب شديد شديد ما عارف اصلا اسوي شنو ومتكتح ووسخان وزهجان من الشغل ياخ خلاص ما متحمل والله وراجي متين بس الاحد يجي عشان الاقي مريود صحبي اما ناصر اي صح هو غلطان وانا طردتو بس والله حرام ياخ ما يتلفت لي زاتو انا ما متناقض بس زعلان هو اخوي وكون اخوك البتحبو يطلع مجرم وكاتل ابوك وابوك كاتل امك لسبب انت زاتو ما عارفو دا احباط لمن بهناك احباط يكتل الحيل فجأه جاتني عمتي وقالت:
-"سامر!"
اتلفتت ليها قالت:
-"تعال سرعه"
مشيت ليها قبضت يدي وبقت جاريه للحوش سألتها:
-"في شنو؟"
-"سامر اتدسا اطلع من البيت سرعه"
-"ليي؟؟"
-"اطلع عليك الله اسمع كلامي امشي فتش واحد اسمو عماد في الحله الورانا اسأل منو بتلقاو!"
كان شكلها خايفه خوف شديد وخوفها انتقل لي سألتها برعب:"في شنو؟"
-"امشي لمصعب قوليهو مريم عمتي رسلتني امشي سرعه قبل ما يجوك وما تمشي مع ناصر"
-"ليي؟"
-"ما تمشي مع ناصر بيرتكب فيك جريمه زي ابوك ابعد منو بس"
-"طيب طيب"
-"اتذكر انا قلت شنو"
-"اي اي عماد"
-"اللواء عماد ما تنسى اجري"
الباب دق اتخلعت شديد وقالت ودموعها في عيونها:
-"والله خايفه عليك يا ولدي امشي سرعه"
ونطيت بالحيطه وجريت جري ما عارف ليي بجري بس عمتي بالجت هي ما بتكرهني وممكن اكون ظلمتها وبس جريت وما عارف اللواء عماد دا منو اصلا بس اتكلت على كلام عمتي وبقبت جاري بفتش وبسأل منو ما لاقاني زول بعرفو قلت امشي لقدام شويه ...
رنيم:
قاعده في البيت عادي وتلفوني ضرب رفعتو لقيتو وائل ارد ...لا ما ارد هو قطعها معاي من زمن مشيت منهم او بالاصح انا القطعتها المرة الاولى دق وما رديت لكن تاني ضرب رفعت من الجرس التاني قال:
-"رنيم كيفيك؟"
-"تمام ....راني بقى كويس؟؟"
ليي سألت السؤال دا ما عارفه ليي راني هاميني بس بالجت مفروض اسأل رد:
-"اي بيقولوا ممكن يشوف تاني.."
-"..."
-"...."
عم الصمت للحظات بعدين قال:
-"رنيم نسيتي مراد في البيت ولا قاصدين تخلوهو"
ما عرفت ارد بشنو وسكتت قال:
-"انا جايكم الليله!"
وقفل على كدا كلمت راجح قال لي:
-"ما عاوزين مشاكل وهو زاتو علاقاتو كويسه معانا"
-"اها الورق نتكلم مع عمار احسن لينا مش"
-"اي شايف خلاص نتفق معاو رأيك شنو؟"
-"اي لانو عمار يعني...هو عمار فهمتا"
-"اي فعلا ياخ زول ما ساهل"
قلنا في نفس الوقت:
-"ولانو محسن اتكلم معاي!"
ضحكت وقلت:"الكائن دا كتله بهجه"
-"ربنا يخليو لينا"
......
في مكان آخر:
جيت اول يوم لي في الشغل وكان اليوم ممل مشيت كنت مساعد لغايه ما يعتمدوا علي وكدا الدكتور رسلني اتفقد المريض راني سالم وصلت الغرفه وقربت شفت الاجهزة واي شي قال:
-"براحه ياخ"
اتخلعت طبعا سألتو:
-"انت صاحي"
-"اي ما بخدروني الا وقت العمليات"
-"حاسي بحاجه"
-"عيني الشمال واجعاني"
-"بس دي ما هي الفيها العمليه"
-"اي ما هي بس ما عارف كلم الدكتور"
مشيت كلمتو ودخل ليو وجهزوا تاني لعمليه حيقلعو عينو الشمال وكان كل شي عادي لما خلعوني بكواركيهم:
-"اسم المريض؟"
-"راني...راني سالم اسرع الحاله مستعصيه نادي اي دكتور متوفر"
طلعت سرعه ومشيت ليو كان عيونو دم بس فاهمين النقطه دي يكون كدا زي الببكي دم والدم مالي رأسو وهو لا معروف صاحي ولا نايم مثبتينو عشان لو صحى ما يطير منهم واصلا المخدر خلاص وساعتها المستشفى اتملأ بصراخو......
1.مراد والنفسنه؟
2.ناصر والعمه مريم؟
3.سامر وهروبو؟
4.في زول اتوقع تكون عمتهم نفسها طليقه عماد؟
5.راني حصل ليو شنو ؟
6.اها لقيتوني كيف>_0
7.اضغط النجمه تحت...