صرخه خوف2

30

بعد تلاته يوم
رنيم:
صحيت الصباح ولبست ومشيت على الجامعه كنت عاوزة اتكلم مع ناصر بس لما ما اسأل اشوفو هو بيسأل وقسم ناس راجح اصلا قريب وراجح جا معاي ماشين سألتو:
-"شلت الورق من عمار"
-"مع وفاة راني الله يرحمو ما لقيت طريقه اتكلم معاو بس الليله بمشي ليو في البيت ان شاء الله القاو واتكلم معاو"
-"اي المهم يا زول استعجل بس"
-"طيب ما تخافي انتي!"
وصلنا اول قال وهو بيدخل"
-"بجيبهم ما تقلقي"
-"طيب"
وانا ماشه على قسمنا لاقاني ناصر قال:
-"رنيم!"
-"ناصر!"
-"بتقري هنا"
-"لا في قسم طب الاطفال"
قال بهظار:"طبيب عظام وطبيبه اطفال رايك شنو؟ ..عائله سعيدة"
وغمز لي ومشا وخلاني واقفه بعاين لخيالو الود دا متخلف بشكل بس ما عارفه ليي بروق مزاجي وصلت دخلت المحاضرة صحبتي سحر سألتتي:
-"نرمين وين الليله"
-"اخوها الكبير اتوفى"
-"الله يرحمو"
-"آمين"
-"دا السمح الكان بوصلكم"
-"اي"
-"الله يرحظو ويغفر ليو"
فجأه اكتشفت انو بنات الجامعه منبرشات فيو شديد لانو بالجت وجيه بس سحروه زي ما قالت خالتي سبحان الله يا راني ربنا ما اراد بس بعد الدوام قالو لي اسوقهم بيت خالتي يعزوا نرمين ومشينا فعلا وعزوهم حنيت عليهم والله بالذات نرمين بس ما قدرت اتكلم معاها ما لقيت مراد سألت منو وائل قال لي بأمل:
-"جيتوه"
-"اي بس ما ..."
وسكتت قال:
-"راجح دا خليو يضرب رأسو بالحيطه ورجعوهو انت الكبيرة يا رنيم اتكلمي معاو عارفو راسو قوي بس ممكن يسمع ليك"
-"غريب انك ما زعلان زيهم"
-"لا والله زعلان شديد بس ....ما عارف اقول ليك شنو بس الحياة ما حتقيف"
-"اي"
-"واخواني محتاجيني كدا"
-"سالم كيف؟"
-"الصغير"
-"ابوك كيف؟"
-"شوفيو براك"
مشيت الديوان لقيتو قاعد ومعاو نديم ملازمو وهو كان زعلان شديد ولدو البكر وكان امو وابوهو اول شي سلمت عليو وقعدت واسيتو حبه بعدين زرت ميرو سلمت علي بالاحضان وكانت منهاره شديد اكتر من اللازم وتحسها ما مرتاحه سألتها:
-"مالك حصل شنو يا ميرو بعد مشيت!"
-"استغفر الله يا رنيم بس خالتك دي"
قلت:"اي عارفاها ما بيعجبها العجب سوت ليك شنو؟"
-"ماليه لنديم راسو ملي وهو بيجي يسألني"
-"ليي بقى كدا؟"
-"ما عارفه اي نديم ما عندو شر بس بسمع كلامها ودي مشكلتو الكبيرة وهسه هي متشائمه لانو كلمتها بحملي قبل يوم من وفاة راني"
-"انت حامل"
-"اي ياخ"
-"اسمعيني طنشيها  بس واتفقي مع نديم لانو اذا باريتها بتجننك خليها بس واتعاملي معاها عادي عشان ماا تعملك انتي شؤم كمان واتكلمي مع نرمين بتفهم"
-"بس دي امها هل حتخلي امها وتجيني"
-"ما تخافي فترة وبتعدي"
-"ابوي جاي"
-"بالجت متين"
-"بعد اسبوع"
جا سالم من الروضه قلت:
-"سلووم كيفك حبيبي!"
-"رنيييم"
جا بابتسامتو الظريفه وقال:
-"جيتي!"
-"اي زيارة"
-"ما حتقعدي"
-"م بقدر"
-"اقعدي معاي غرفتي فاضيه وفيها سريرين"
-"ما تخاف بجيكم تاني"
-"حتجي لما جدو يجي"
-"اكيد"
بقى بيكورك وينطط.......
مراد:
لاقيت سامر بس كان مضطرب شديد وفاير ساعه الفطور سألتو:
-"مالك ممكن تحكي لي؟"
-"ما بقدر يا مراد"
-"ليي!"
رد بغضب:"لاني ما داير احكي ليك ياخ"
-"مالك يا ارنب"
-"اسمي سامر"
-"طيب سامر في شنو؟"
-"ما عارف يا مراد ببقيت ساكن مع ناس ما بعرفهم"
-"احكي لي طيب اخير من تسكت"
-"طيب"
حكى لي كل شئ قال انو ساكن مع واحد اسمو عماد وما بعرف حاجه عنو او عن اولادو بس كل مافي الامر انو سمع كلام عمتو المهم كمل حكي وقال لي:
-"اعمل شنو اقعد معاهم كدا"
-"اي لانو عمتك قالت كدا ثق بيها"
-"مراد ارح معاي بعد المدرسه نشوف بيتنا"
-"طيب اصلا ما عاوز ارجع البيت كئيب من غير راني"
شفت الفرح في عيونو وقال:
-"يلا"
نهايه الدوام مشينا بيتهم سألتو:
-"عمتك بتعذبك ليي عاوز تلاقيها تاني"
-"ممكن لانها الزول الوحيد في عيلتنا ما مجرم وحي"
-"وامك!"
-"ماتت كتلها ابوي"
اتخلعت بس ما حبيت احسسو بالوحشه وهزيت رلسي بس وصلنا بيتهم لقينا القفل مكسور اتخلع وقال:
-"لا لا عمتي"
ودخل جوا سرعه دخلت وراو ولقينا البيت مقلب كلو قلت:
-"حصل كتتير في البيت دا"
-"لا ويبينها عمتي!"
-"ما تخاف بنلقاها"
فجأه سمعت صوت وراي:
-"بتسوو في شنو في البيت دا"
اتلفتنا مخلوعين وسامر اتكلم بخوف وهو بيأشر عليو:
-"انت ..انت الشرطي الضضربتني"
-"اي انا الشرطي الضربك وانت سامر اخو ناصر صح"
-"وين عمتي يابن ال..."
ثبتت سامر وقلت:
-"ارن...سامر الفاظك"
الراجل رد:"عمتك عندها مشاكل مع ابوك"
-"لا
-"لا عمتي ما مجرمه معاهم"
-"عارف بس ما تقربوا من هنا عشان ما تقعوا في مشاكل وانت منو؟"
قلت بتلقائيه:"مراد ماهر"
ضيق عيونو وسأل:
-"ماهر جمال ماهر"
-"ا..اي"
-"عرفتك بس ماهر ما عندو اولاد صغار"
قلت بابتسامه صفرا:"عندو انا"
-"انت واحد من التوأم"
-"لا انا ولدوني يوم الوفاة"
-"ايوا طيب يلا اتخارجو من هنا واذا جيتو تاني انا ما مسئول من البيحصل ليكم"
طلعنا سرعه قال:
-"بيعرف ابوك"
-"اي غريبه"
-"ارح سرعه"
مشينا على بيتنا وبيتو في الدرب اتخلعت لما لقيتو بيت خالي قلت ليو:
-"هووي دا بيت خالي!"
-"ما بصدق طليقه خالك عمتي"
-"يعني انت بتبقى لي!"
-"مستحيل"
-"ما مستحيل"
لو عرفتو فررحتي في الوقت دا كنت بنطط زي الطاقاو كهربا وهو زاتو قال لي:
-"المرة التانيه اشوف غمازاتك"
-"اسكت يا "
-"انت عارف الزعل زهج منك"
-"سامر ما تخليني اشوهك"
-"المهم تعال اقعد وقت هو بيت خالك"
خشيت وسلمت عليهم وقعدنا واتونسنا للمغرب حتى فكرت ارجع البيت لما وصلت لقيت انهم ما فقدوني خالتي سألتني:
-"كنت وين "
-"مع خالي عماد"
-"وما وريتنا ليي قلقنا"
-"انتو فقدتوني اصلا"
ومشيت غرفتي ورقدت......
راجح:
مشيت مع ناصر بعد الجامعه نفهم باقي القضيه وشاكر قال لي اذا عاوزين شي كلموني وصلنا لخليل ولقيناو راجينا اتكلمنا شويه عن القضيه وكدا وفهمنا منو الشغل انا لميت كل شي سوا خليت ناصر في شغلة ومشيت بيت جدي سلمت على حبوبه ودخلت لقيت الانا دايرو مشيت لعمي رايد وسألتو:
-"انت ديون العيله مع ..."
-"كيف عرفت؟"
كان اذن لي عشان افهم كل شي بس لازم اختار الوقت المناسب اوضح كل شي مشيت لرنيم وحكيت ليها اتخلعت من كلامي بس كان منطقي وصدقتو وبعد اسبوع لميتهم كلهم في بيت جدي اعمامي وخيلاني حتى ناصر وخليل لانو عندو علاقه باصل الموضوع وطليقه عمي مروان وميرال زاتها جبتها باختصار لميت ناس العيله زايد خليل وناصر وماف زول عرف ناصر طبعا قلت ليهم:
-"عارف لميتكم بعد صعوبه بس في نقاط مهمه ضاعت في العيله دي بعد وفاة ابوي الله يرحمو وانتو استغليتوه واخدتوا حقنا والموضوع كالآتي واحد ابوي ما كان مديون من اي زول مفهوم ما تدعو عليو ساي وتانيا استاذ خليل......