ميرال:
صحيت الصباح ولقيت نديم مافي اتنهدت بغضب لانو بالجت الموضوع بقى مزعج شديد شغلو دا.. ما بيتكلم معاي زاتو سالم نايم مشيت المطبخ لقيتو بسوي في قهوة قلت ليو :
-"نديم "
اتلفتت لي قال :
-"الشغل عارف بس خليني اخلص المشروع دا تاني بفضى ليكم "
-"نديم "
-"اها "
-"صباح الخير "
-"صباح النور"
-"الليله ابوي جاي "
-"اها "
-"ممكن تقعد الليله "
-"ما بقدر "
-"نديم "
-"ما بقدر والله راجيني شغل "
-"شغل!!... نديم دا ابوي "
-"ميرال انا عندي الف حاجه اهم من النقاش دا "
-"لكن...."
-"ارحميني ياخ "
-"نديم 😠"
رمي المعلقه وصرخ بغضب:
-"ميرال كلامي انا بيمشي في البيت دا فاهمه️😡"
اول مرة يصرخ فيني كدا من اليوم داك حسيت بدموعي حتنزل قبلت منو وقلت :
-"خلاص "
..
نديم:
كنت عاوز اراضيها بس الوقت شلت القهوة وطلعت ومشيت الشغل بخطط في مشروع قلت اكملو الليله وامشي اراضيها بس الشغل كان كتيير لسه اشتغلت للساعه تلاته ولسه عندي شغل اشتغلت اشتغلت ونسيت روحي المغرب اذن صليت وكملت شغل تقريبا لما اذان العشا اذن وكنت خلصت حسيت بالانجاز وطلعت عشان ارجع البيت...
رنيم:
ميرال كانت فرحانه لانو ابوها حيجي بس اكتر زول كان فرحا كان مستني قدام الباب من الصباح والماشي والجاي بيقول ليو يقوم بس بيقول ليهم :
-"لا انا اول زول حيشوف جدي "
مشيت الجامعه وجيت لقيتو لسه قدام الباب قال:
-"انتي ما جدي يااه متين بيجي "
-"اصبر حبه "
وفي الوقت داك حسيت بخطوات وراي اتلفتت وكان عمي مروان قال :
-"رنيم!"
سلمت عليو ودخل وسلم عليهم كلهم بعدين قال :
-"وين سالم الصغير"
ميرال:"هييي صاح كان مستنيك "
-"ونديم "
قالت:"في الشغل واما الفار دا ما عارفاو وين "
فتشناو ولقيتو تحت السرير بيبكي قلت ليو :
-"سلوم مالك ؟"
قال :"زحي مني يا سينه "
عمي جا وقال :
-"ماف سلام على جدو يا سلوم "
-"جدي"
وجا طالع من تحت السرير ضماهو وقال :
-"منو الزعل حبيبي؟"
-"دي رنيم "
-"رنيم؟"
قلت:"ما سويت شي"
-"كضابه انا لما جيت من الروضه كعدت جمب الباب مستنيت انت تجي عسان اشوفك اول بس رنيم سافتك اول"
-"ايوااا ليي كدا يا رنيم"
قلت ليو :"خلاص معليش "
-"ما معليس ولا اي شي خليني "
-"تعال شوف جبت ليك شنو "
وطبعا فرح شديد ب تقريبا كل شي انا مشيت غرفتي وفتحت التلفون قروب الدفعه المهم بتونس بعد شويه الباب دق قلت :
-"اها"
اتوقعتو مراد لكن كان عمي جا قعد جمبي وقال :
-"رنيم جبت ليك حاجه كمان "
-"شنو؟؟"
-"بس ما توري ميرال "
-"طيب "
كانت كرتونه شكولاته طبعا بقيت بعاين ليو كدا قال:
-"ما بتحبي الشكولاته!!بس متذكر انك بتحبيها "
-"انت عارف يا عمي انت عمي المفضل"
ضحك وقال :
-"تمام وما تنسي مراد معاك "
-"مراد! ليي انا عاوزة اكون براي "
-"بس .."
-"نو نو نو !"
-"خليتك خلاص "
-"تسلم يا عمي وشكرا ليك شديد "
-"يلا ماشي انوم "
ابتسمت ليو باس رأسي وقال لي:
-"رنيم في حاجه حصلت وانا غايب ل ميرال شكلها زعلانه "
-"لا بس الليله من الصباح شكلها زعلانه "
-"طيب وانتي كيف مع الجامعه "
-"كويسه "
-"راجعي كويس وابعدي من الاولاد "
-"طيب "
-"وديل تعاملهم معاك كويس صح "
-"اي "
-"حتى الاولاد هنا ان شاء الله ما بضايقوك "
اتذكرت راني والكف قلت:
-"لا لا ماف زول ب..ضايقني "
-"طيب لو عاوزة اي شي انا قاعد "
-"طيب"
وطلع حسيت براحه بيذكرني بابوي شديد ...
ميرال :
العشا اذن وهو ما جا مشيت بيتي وسقت سالم قال لي:
-"بابا ليي ما جا لهسه "
-"ما عارفه يا سلوم "
-"وجدو "
-"جدو مشا بيتهم "
-"اهاا"
بعد شويه سمعت صوت الباب فتح سالم نطا وجرا برا نديم اتكلم :
-"ميرال سوي لي عصير "
-"....."
-"ميرال"
-"..."
-"ميرال بتكلم معاك تعالي سويي لي عصير "
طنشتو وعملت نايمه جا وقال :
-"بطنشيني يعني "
......
مؤيد :
سمعت انو عمي جا وفرحت شديد وبكرة حامشي ليو بس محسن ما رضى عني كان بيرسم في حاجه مشيت جمبو وقلت :
-"محسن اخوي عليك الله "
-"..."
-"عليك الله ما تطنشني "
-" ...؟"
-"محسن معليش عليك الله معليش "
-"....."
-"محسن محسن معليش ما بقدر والله اتحمل زعلك اعمل لي اي شئ بس ما تزعل مني عليك الله "
-".."
قام على حيلو مسكت يدو وقلت :
-"محسن سامحني "
-".."
-"محسن ببكي والله "
سحب يدو من يديني وقال :
-"مؤيد خليني "
-"ما بخليك الا تسامحني"
-"وانا مستعد اسامحك لما يحفروا قبري "
-"محسن لأ يا محسن "
-"فكني "
-"ما بفكك ابيت "
فكا يدو مسكت رجلو وقلت :
-"عليك الله "
-"مؤيد زح مني "
-"ما زاحي "
بقا بيضرب فيني برجلو حاولت ازح وفي نفس القت ما افكو جريت رجلو ووقع في الارض قال :
-"مؤيد يا زفت خليني "
-"محسن عليك الله "
-"لأ لأ ما حاسامحك يا مؤيد امشي مني "
-"محسن "
-"امشي مني "
ثبتت كتفينو وقلت :
-"محسن كفى حتسامحني"
شاتني برجلو في بطني ووقعت بعيد صرخت :
-"محسن دا شنو السويتو "
-"كدا بس"
نطيت فيو وقلت :
-"اسكت"
وضربتو في بطنو بالغلط اول ما ضربتو قال لي:
-"مؤيد ما عافي ليك "
وطلع سرعه على الحمام دقيت الباب وقلت :
-"معليش ما كنت قاصد"
طلع ودموعو في عيونو بقى بيكورك :
-"عمتي انا بموت "
-"مؤيد وب علي حصل شنو "
-"وديني المستشفى "
سالتو:"مالك حصل حاجه "
مصعب جا سرعه وساقنا وهو شويه وحيبكي مشينا المستشفى ودخل فحصو ليو وبطنو وبقينا قاعدين في الانتظار قال :
-"مصعب مصعب في حاجه غلط في بطني "
-"ليي"
بطنو اتنفخت حرفيا اتنفخت الدكتور جا وشافو وودهو لغرفه يجهزوا للعمليه انا قلبي انقبض مضعب سألني:
-"حصل شنو ؟"
-"ضربتو بالغلط ففي بطنو "
-"ضربه بس"
-"لا وقعت فيو "
-"ضربتو في بطنو بكل حملك "
ما قدرت امسك دموعي من الاحساس بالذنب اكتر قال :
-"لا لا خلاص معليش ما تبكي عارف ما كنت قاصد "
مسحت دموعي وبقيت مستني الثواني دقايق والدقايق ساعات بعد شويه جا راجح وقال :
-"مالو "
مصعب :"بطنو اتنفخت "
-"يا حليلو "
وقعد يستنى معانا بعد شويه جات رنيم وعمي مروان قال :
-"مالو"
حكينا ليو قال :
-"خلاص "
والوقت مرا ببطء لما الدكتور طلع قال :
-"ما حتدخلو ليو هسه ادوهو يوم في غرفتو المعقمه وماف زول يخش"
-"سمح "
راجح :"طيب بجي امر عليو بكرة الصباح عندي جامعه"
رنيم :"انا زاتي يلا بنجي نشوفو بكرة"
قلت:"طيب"
ومشت رنيم وراجح مصعب قال لي:
-"بخليك معاو ماشي وجاي "
ومشا سرعه عمي قال لي:
-"ما تخاف بيبقى كويس"
-"عمي انا خايف "
-"ما تخاف رايك شنو تمشي معاي الليله "
-"طيب "
جا مصعب راجع وكلمتو سمح لي وانا مشيت مع عمي بيتو قال لي:
-"حصل شنو "
-"محسن زعلان مني "
-"ليي"
-"انا في البدايه اخدت شخصيتو وورطتو في كم مشكله وبسببها اتطرد من المدرسه وبعد طردوه كنت بحاول اراضيهو وثبتو بس هو ضربني في بطني وانا غضبت ونطيت فيو كان في بالي اثبتو واحنسو يساعدني بس يديجات في بطنو ووقعت فيو وبعدين حصل كدا ما كنت عاوز أذيو"
-"معليش "
-"ققال لي ما عافي ليك 😭"
.....
رايكم +تعليقكم+انتقادكم
صوتوا♥♥
أنت تقرأ
صرخه خوف2
Storie d'amoreصغيري واخي وابي كنت بمثابه كل شئ الا ان اخترت بنفسك السقوط بنظري ... روايه بالدراجيه السودانيه بقلم/ناديه موسى 😈
