صرخه خوف2

2

محسن :
رجعت البيت بطني مقلوبه وواجعاني شديد رقدت حبه وقمت تاني بقيت مدور بطني ما مخلياني براحتي جات عمتي وقالت :
-"انت كويس؟"
قلت ودموعي في عيوني :"لا بطنيييي"
-"طيب تعال نمشي تفحص "
هزيت راسي ومشينا فحصت وخالتي اتكلمت مع الدكتور جات وقالت :
-"محسن "
-"عندي شنو وعلاجو سرعه"
-".....عندك جرثومه معدة وحتاخد علاج لتلاته اسابيع بعدين بيشوفو الحصل شنو "
-"نعم..جرثومه معدة😨"
....
مؤيد :
كملت الدوام شلت لمحسن واجباتو والدروس ورجعت البيت كنت قلقان عليو شديد وصلت ولما كلموني خفت  عليو لانو عندو فوبيا من المرض مشبيت واطمنت لما لقيت نفسيتو اتحسنت لانو الدواء ريحو شديد قال :
-"بعد بكرة بنزل معاك مدرسه "
-"يعني كويس "
-"اي "
-"تمام خوفتني عليك "
بس شهيتو كانت مقفوله شديد وما اكل شي طلعت ناداني مصعب :
-"محسن "
قلت:"انا مؤيد !!"
-"مؤيد محسن ما قام "
-"لا ابى يأكل ☹️"
ابى كل شي الا الزبادي لما شفتو كدا اتذكرت زمان ذكرى مشوشه شديد امي كان في امي وهو ...ااا اتذكرت دا يوم كان عيان وكنا ماشين لابوي في المستشفى ...مستشفى ليي اووف سرحت طوييل بعدين لفتتني عمتي وقالت :
-"مؤؤيد سرحت وين "
-"لاا اتذكرت حاجه بس😶"
-"سمح اقعد مع محسن شويه جارتنا دي ولدت امشي ليها وبجي بعد شويه "
-"طيب "
قعدت جمبو حاسي بوجعو والله وحاسي بزعل شديد عليو هزيتو شويه وقلت:
-"محسن محسن قوم كمل اكل "
-"ما داير "
-"محسن ان ما اكلت ما بتبقى كويس ...عليك الله قوم كدا بتموت في سريرك دا وان مت انا القى لي توم وين 😢"
صنقر وحمر لي قلت :
-"يلا هاك افتح خشمك "
وشلت المعلقه وقلت :
-"مش بتأكل الزبادي هاك افتح خشمك "
-"جيب ياااا"
وشال الصحن وبدا ياكل ابتسمت ليو ابتسامه عريضه قال :
-"حيوان دا"
-"الحيوان دا ما داير يخلي تومو "
-"اسكت "
-"سككت😂"
...
رنيم :
كنا قاعدين وقت الغداء بنتغدا كلنا سوا نديم شايل سالم في رجليو وبيوكلو بيدو خاللتي قالت :
-"نديم خليو يأكل بيدو "
ميرال :"اي نزلو خربتو بالدلع "
نديم :"مش ولدي حبيبي ماف زول يتكلم سلوم فوق الكل "
ستوب عشان ما نتلخبط..
سلوم=سالم الحفيد
سالم:"سالم الجد
سلوم :" واهههها ماما وحبوبه اوعتم تسالوني😝"
سالم كان برا البيت جا داخل وقال :
-"تأكلو وتخلوني "
وائل :"براك ما جيت😂"
سلوم :"ددو "
نديم :"ابوي "
سالم :"نديم يا ولدي "
قام وسلم عليو بالاحضان كان مشهد مؤثر ولانو ما بيلاقيو كتير جا وقعد معانا راني اتكلم :
-"يا جماعه انا عاملين لي استئصال من العيله ولا شنو "
مامتو:"تعال حيبيبي انا "
-"اميي"
نديم :"كبير وعوير مش يا سلوم "
رنا:"نديم!"
ميرال :"ما تعلم الولد قله الادب "
نديم :"مالكم معاي كان ما سلوم دا كان في حاجات كتيرة اتغيرت "
سلوم:"هااا وريني يا ابوي!"
-"كان ما جيت انت ما كان امك الحلوة دي قعدت معاي "
...(دقيقه اتوقعو حيقول شنو !)
سلوم:"ماما دي سينه كان تعرس واحده احلا منا زي رنيم "
والكل في السفرة بقى بيضحك عدا نديم البقى مخلوع ومحرج😬وميرال المصدومه 😨 وانا الطشيت شبكه😶وراني والابتسامه الخبيثه😈 ميرال قالت :
-"رنيم!!"
سلوم بفخر :"اي رنيم لانو امي دي بتدول لي ..
وبقى بيحاكيها:"سالم ادعد ساي سالم ما تنتت سالم سالم " وعمتو الكريهه دي وبتدربني لكن رنيم دي عسل"
قلت:"حبيبي يا سلوم😂😂😂"
ميرال :"وانت حتجي كيف؟"
-"اهاا دكيكه افكل.."افكر
ومر وقت والسفرة في صمت لما سلوم قال:
-"لكيتها مس ابوي ابوي معناه بجي دا ابوي"
نديم:"شاطر يا ولد "
ميرال :"طالع لابوهو بس تقول شنو "
كان فعلا نسخه من ابوهو شديد واعصابو زيو وبيكورك اربعه وعشرين ساعه لكن نديم هسه بقى ما بكورك نهائي بعد شويه سلوم قال:
-"اووه عرفت ليي ما عرست رنيم "
-"اها ليي يا بطل "
-"لانها حقتي انا مش يا رنيم "
قلت ليو:"طوالي يا سلوم "
ضحك بخجل وقال:
-"عروستي حلوة ما زيك يا ماما "
ميرال نهرتو :"يا ولد "
-"ابوووي!"
نديم:"عليكم الله خلوهو ما تشاكلو صغيروني لسه"
سلوم:"هييي.."
نديم غمز ليو قام قال:
-"اي انا بيبي وااا وااااا "
وتاني ضحكنا عليو دا كان طاقه ايجابيه كبيرة في البيت والناس كلها معاهو فجأه قال:
-"ابوي"
-"اها"
-"جدو مروان متين حيجي "
كان مسافر ليو زمن قال :
-"ما عارف والله عارفه يا ماما؟ "
-"لا ما اتكلمت معاو لي زمن "
-"طيب "
سلوم :"اشتقت ليو "
-"بجي ما تخاف "
....
محسن :
جا اليوم الحامشي فيهو المدرسه مشيت ولاقاني راشد الولد المابطيق سيرتو قال لي:
-"يا خواف !"
-"؟؟"
ضحك فيني ومشا وتقريبا الفصل كللو بيشمت فيني يا خواف يا خواف ولما جا موعد الطابور ناداني استاذ الفيزياء قال لي:
-"انت بعديو!"
-"بعد منو؟؟"
لما قال الطالب محسن ماهر انا طلعت المسرح مخلوع ️·_· وما عارف هو قاصد شنو عاينت ليو وقلت:
-"قصدك شنو ؟"
-"النبذه عن المعلم "
-"اي نبذة ؟؟"
ختيت المكرفون في الارض براحه ورجعت الاستاذ اتصدم وانا مصدوم اكتر منو قال :
-"على فصلك "
مشيت وقلبي دق دق ما قادر افهم بعد الطابور جاني مؤيد قال :
-"محسن اسمعني"
-"هاا"
جا استاذ من برا قام طلع سرعه طبعا الاستاذه بيحمروا لي ساي انا سويت شنو ما عارف بعظ ساعه الفطور كان في اجتماع معلمين وانا قاعد في مكاني قالو لي استاذ خالد بيناديك مشيت مكتب المدير وكل اساتذه المدرسه عيونهم فيني سالني المدير:
-"محسن ماهر دي شنو قمه الاستهتار الانتا فيو دا "
-"معليش بس قصدك شنو "
-"محسن وين النص الطلبو منك استاذ خالد"
-"طلب مني شنو؟"
استاذ خالد عروقو طايرة من الغضب قال :
-"محسن بتستهبل انت !"
-"لا والله هو ما طلب مني حاجه "
-"بتكذب كمان"
أ.خالد:"كمان في كراسات الفيزياء تقول لي جمعتهم"
-"ماف زول جاب كراسو "
-"ليي قلت لي انك جمعتهم "
-"انا ما قلت ليك "
-"بطل قله ادب"
سكت المدير قال لي:
-"فضحتنا مع الضيوف يا محسن "
-"استاذ انت ما كلمتني ولا استاذ خالد كلمني انا اعرف كيف "
عندنا استاذ اسمو عبد الرحمن دا اخلاقو اضيق من اخلاق نديم ود خالتي اداني كف ما لاقيت احرا منو قال لي:
-"لسانك دا بقطعو ليك احترم نفسك "
انا خفت منهم خفت شديد دا شنو البيحصل شتموني وشاكلوني والمدير قال لي:
-"محسن ان ختيتك في راسي بجننك احسن ليك ما تكرر العملتو "
أ.عبد الرحمن :"لا لا ما تخليو الا يعترف بكذبو دا "
قلت ليو بتوتر:"بس انا ما بكذب"
أ.خالد:"يعني انا بكذب مش"
-"لأ"
أ.عبدالرحمن:"ابوك ما رباك "
أ.سعاد:"عديم تربيه بتكذب ومصر على كذبك "
-"بس اناما بكذب"
لاقاني كف تاني من استاذ عبدالرحمن فضلت السكوت وشاكلوني وبهدلوني بهدله المدير قال لي:
-"مفصول اسبوع ما اشوف وشك "
أ.عبدالرحمن:"لو علي بفصلو نهائي"
انا بقيت ما قادر اقيف على رجليني من الخوف خايف ما لاني غلطت لاني ما عارف غلطت في شنو طلعت برا لاقاني مؤيد قال:
-"محسن "
-"مؤيد ليي بيشاكلوني انا سويت شنو ؟"
-"محسن 💔"
-"ليي شغالين فيني شكل وكفيت انا سويت شنو ؟؟"
-"محسن استنى"
مشيت شلت شنطتي ومشيت للمدير شلت ورقه الطرد قال :
-"سلمها لولي امرك وحاعرف اذا ما سلمتها رجعت البيت ومكسور شديد...
             رايكم +تعليقكم+انتقادكم
                   صوتوا♥♥