صرخه خوف2

6

صحيت الصباح على الصوت المعتاد والشتايم قمت ومشيت ليها قالت:
-"ليي لهسه نايم ما شايف شغلك "
-"حاضر"
نضفت البيت وبعداك كويت هدوم المدرسه وطلعت الترحيل فاتني كالعاده ومشيت برجلي فرحان لانو في المدرسه في اصحابي بيقدروني وبيعاملوني باحترام خشيت بابتسامه😃 لانو هنا بحس بالراحه اكتر من البيت اذا اصلا كان اسمو بيت دخلت المدرسه ولما جيت راجع من المدرسه كان واقف قدام باب البيت قلبي وقع بين رجلي مشيت بخطوات بطيئه لس لو قدرت اصرخ ما تدق الباب بس هو كان دق الباب اتلفتت وشافني قال :
-"سامر "
-"..."
-"انت سامر مش "
-"ج...جيت متين😨"
-"هسه كبرت شديد "
فتحت عمتي وعاينت ليو بصدمه بعدين حضنتو وقعدت تبكي دموع تماسيح اكيد بعدين دخلتو وقالت :
-"تعال سلم على اخوك"
كنت خايف منو ومصدوم كيف كيف رجع بس عاوز زول يفهمني النقطه دي الكائن دا جا من وين وليي وكيف وليي مبهدل كدا دخلت جوا على غرفتي وعمتي بتنادي فيني طنشتها جات ودخلت قالت :
-"اسمع يا ولد تفتح خشمك بكسرك حته حته قوم سلم على اخوك"
-"ما داير "
-"بلفحك هسه بالعصايه دي قوم "
طلعت اي مشتاق ليو بس خايف منو اكتر مشيت برا بخطوات بطيئه ووصلت بقيت واقف قدامو وبيناتنا اقل من متر بقى بعاين لي قال بحنيه :
-"كبرت يا سموري "
-"...."
اتجمدت ما قدرت اقول حاجه بقيت بعاين ليو وبعاين لي والصمت سيد الموقف قال :
-"كيفك يا سامر ...ليي ما بترد علي !!"
اتراجعت وقفلت غرفتي علي ...
مراد :
تاني يوم الصباح صحيت وجاني راني قال :
-"مراد تعال خالي عمار دايرك برا "
مشيت ليو سريع وفرحت لانو جا كان في غرفه راني اتكلم :
-"راني خليني انا بوصلو المدرسه "
-"طيبب "
طلع خالي ابتسم لي وقال:
-"تعال اقعد جمبي "
مشيت جمبو قال لي :
-"مراد ليي ما عاوز تمشي لمحسن "
-"ما عاوز امشي ليو "
-"ليي ؟؟"
-".."
-"مراد كلمني انا سامعك "
التفكير براو خلا دموعي في عيوني قال :
-"مالك"
-"هم ما شغالين بي "
-"هسه اذا محسن دا مات لا قدر الله حتندم مش"
-"ما حاندم اذا انا مت في واحد منهم حيتذكرني "
ولقيت دموعي نزلت قال :
-"بيتذكروك يا مراد ما تبكي "
-"يتذكروني ماف زول بيتكلم معاي عشان يتذكرني "
-"مراد انا بتذكرك وبتكلم معاك انت مشكلتك شنو مع اخوانك "
رديت وانا ببكي:"ما معترفين بي راجح قال لي انت الكتلت ابوي وريني الحاجه الانا سويتها غلط وكتلت بيها ابوي"
ضماني وقال:
-"ما كتلت ابوك راجح دا يرجاني بس"
-"وريني حصل شنو "
-"ولا شي"
-"كيف مات ابوي "
اتنهد وقال :
-"ابوك قبل تلاته سنه من ولادتك عمل حادث "
-"تلاته سنه !!"
-"اي وفي الحادث فقد رجلو واكتشف انو عندو سرطان معدة"
شهقت من الخلعه قال :
-"انت الوحيد العارف اخوانك ما كانو عارفين ماف زول عارف غيري انا وامك بعد تلاته سنه من مرضو اتوفى قبل ساعه من ولادتك"
-"كذاب"
-"دي الحقيقه "
-"لا انا كتلت ابوي فعلا "
-"لا لا يا مراد دي مشيئه ربنا ولازم ترضى بيها "
-"طيب وامي "
-"امك اتوفت بعد ولادتك بتلاته سنه اكيد ما حتتذكرها بس كانت بتحبك شديد وبتخاف عليك من اي شي كانت بتقول لاخوانك يهتمو بيك وكانو مهتمين بيك لغايه ما ماتت الله يرحمها"
ومسح دمعه نزلت من عينو قلت :
-"كيف كان ابوي"
-"ابوك كان بيقول لامك لو كنت ولد يسموك ريان بس امك رفضت واتفقوا يسموك مراد ولو كنت بنت كان حيسموك تالين "
-"اها.."
-" يا مراد نمشي المدرسه "
-"طيب "
حضنتو وقلت :"شكرا لانك وريتني الحقيقه "
-"مفروض تعرف مش "
-"اي"
حسيت بفرح وحزن بالجهتين واتأكدت اني ما آذيت ابوي ولا امي ومشيت المدرسه ارنب الليله شكلو زعلان وجا قعد جمبي قال لي :
-"مريود كيفيك"
-"تمام وانت"
-"كويس الى حد ما "
-"ليي"
-"موضوع طويل خليو بالنيه "
-"طيب "
وبدت الحصه بكتب في التدريب قال :
-"مريود "
-"نعم "
-"قلم حبر زايد "
-"دقيقه اشوف "
فتحت شنطتي ولقيتو وهو كان بيسأل في القدامنا ما عرفت اناديو بشنو وهو قال لي ما اقول ليو ارنب قلت:
-"ارنب "
-"هاا...مريود قلت ليك نادني باسمي"
-"اسمك؟"
-"ما بتعرف اسمي !!"
-"ماف زول بناديك باسمك "
-"اي بس م حلو ارنب انا ما شافع "
-"اها يا ارنب اناديك بشنو "
-"سمير ناديني سمير "
-"طيب "
-"سمير اسمك"
-"لا بس سمير احسن "
-"طيب يا سمير ليي بنادوك ارنب "
-"عشان زمان كان اخوي الكبير بقول لي ارنب وهو البوصلني المدرسه ومسكوها لي من سنه اولى"
-"واسمك الحقيقي"
-"ما بوريك "
-"سمح يا شرير "
-"على الاقل اسمي ارنب ما متوحد يا متوحد "
-"انا ما متوحد "
-"اسكت يااا"
-"طيب ليي قاعد مع متوحد "
-"اتعرف ساي عليك "
ضحكت وقلت:"نشوف"
وقعدت اكتب قال:
-"اديني اقراهابعد ماتخلص سمح "
-"عاوز تقراها بالجت😳"
-"اي اديني هسه اشوف"
فتحها وبدا يقرا ولاحظت دموعو في عيونو سألتو:
-"انت كويس"
-"اي بس اخو البطل عسل"
قلت:"اي "
-"زي ما كان اخوي"
-"اخوك!!"
-"اي بس هو ماف هسه"
-"مشا وين "
-"اختفى "
-"اختفى كيف"
-"ما رجع زي زمان بقى متوحش معاي "
-"انا زاتي اخواني متوحشين معاي "
-"اووه عندك اخوان "
-"اي كلهم اكبر مني بس ما شغالين بي كأني زول خفي"
-"معليش انا ما بيعاملوني كويس "
-"اخوانك "
-"لا قرايبي الساكن معاهم "
-"امك وابوك وين "
-"ما عارف "
-"ما عارف "
-"اي ...الموضوع غريب بس انسى يا زول "
-"سمح "
....
رنيم :
دي اول مرة الاقي مصعب غير السلام من خمسه سنوات ضحك وقال:
-"رنيم متين كبرتي كدا "
ضحكت معاو وقلت :
-"امبارح هفت لي قمت كبرت كم سنه "
-"سخيفه دي😂"
-"سخيف براك "
-"ياا زوله حرام عليك "
جا راجح وقال:"يلا يا رنيم ما نتاخر "
-"طيب مع السلامه يا سخيف"
ابتسم ومشيت هو ما ماخد في بالو احترم رغبتي ببساطه ودا شي عجبني فيو عكس ناس كدا اسمهم راني المهم اليوم داك قعدت وفتحت تلفوني بعد رجعت من الجامعه وائل رسل لي صورة يوم حرقت ليو بطنو كانت بطنو ملفوفه قال لي:
-"متذكرة دا "
-"تستاهل "
-"سمح "
ختا الصورة في حالتو وكتب :
-"بؤرة الشر الساكن معاها "
رسلت ليو :"يا كلب "
-"انا ما كلب عادي انا كلب محترم "
-"يا عيني على الاحترام "
وانا بكتب الباب دق فتحتو وكان مراد قال :
-"نرمين دايراك في المطبخ "
مشيت المطبخ كانت بتسوي في فطيرة ولفيناها سوا ونحن بنلف قالت :
-"رنيم مالك مع راني الايامات دي"
-"راني ...ما سألتو اصلا "
-"متذكرة يوم اداك كف"
-"ليي بتتذكري في الامور الما حلوه"
-"راني بحبك يا رنيم "
-"هااه اول مرة اعرف انو الولد لما يحب بت بضربها😒"
-"بس هو ما آذاك ولو ضربك معناها معجب بيك "
رديت بغضب :"نرمين دايرة تصلي لشنو "
-"ولا شي بس سألتك رايك شنو في راني وجيه مش"
حاولت اطنشها عشان تقفل سيرة راني قالت :
-"رنيم سويتي لراني شنو بالواضح كدا؟"
-"ما فهمت قصدك"
-"راني ما بيغضب الا جمبك اكيد سويتي ليو حاجه!
.....
تتوقعوا منو هو سامر دا ؟
واخوهو ؟؟
ومراد والصداقه الجديده مع سمير؟
ونرمين وكلامها؟
             رايكم +تعليقكم+انتقادكم
                   صوتوا♥♥