ميرو:
صحيت بالليل وبقيت بكح ما عارفه حسيت جسمي تقييل وتعبان طلعت وشربت مويه بعد طلعت كان واقف قدامي.... نديم قال:
-"انت كويسه"
هزيت رأسي ب أي ورجعنا نمنا بس ما كنت حاسه نفسي كويسه ابدا نمت سرعه في الصباح صحيت وبرضو بكح مشيت المرايه شكلي كعب عدييل من التعب مشيت المطبخ ونديم كالعاده عاينت ليو من بعيد وما اشغلت بيو ما نفسي افتح الموضوع تاني مشيت الحمام وجيت مشيت لسالم اصحيهو للروضه بس بقيت بكح وما قادرة ازح يدي من وشي سمعت صوت نديم:
-"انا طالع "
كنت متعودة اقول ليو "ربنا يحفظك "بس ما رديت جا وقال :
-"مالك!"
-"ماف حاجه يا نديم امشي شغلك "
-"بس شكلك تعبانه"
صرخت بغضب:"قلت ليك ماف حاجه طير شغلك"
ما وعيت لنفسي عاينت ليو كان مستاء من نفسو وحاسي بالذنب قال :
-"ميرال"
قلت ليو بعدم اهتمام:
-"مش ما عندك وقت لينا يلا امشي لشغلك العندك وقت ليو "
-"ميرال! 😟"
-"نديم!! 😡 "
.....
نديم:
حسيت بنفسي حابكي من احساس الذنب عاينت ليها وقلت :
-"خلاص ماشي "
وطلعت سمعت صوت سالم :
-"ماما !!"
-"صباح الخير"
-"ليي ابوي زعلان مني "
-"ما منك"
-"بس امبارح شاكلني انا كسرت ليو كبايتو"
-"معليش يلا قوم الروضه ما تفوت عليك "
-"طيب "
طلعت الشغل وما عندي نفس اشتغل جاني زميلي وصحبي فؤاد قال لي :
-"بفضل جهودك ما لقيت شغل لي "
ضحكت معاو جر الكرسي وقعد قدام المكتب قال:
-"نديم !"
-"اها "
-"ليي بتفرط في عيلتك كدا "
-"قصدك شنو ؟"
-"قلت لي انك متزوج صح وعندك ولد عمرو...."
-"اربعه ونص"
-"اي وانت بتقعد في المكتب ل صلاة العشاء ليي مرتك كيف متحملاك لهسه "
-"مرتي زعلانه ليها كم يوم "
-"احكي لي!"
حكيت ليو كل شئ قال:
-"بتبالغ يا نديم "
-"ما عارف ياخ اسوي شنووووو!"
-"اسمعني يا نديم لازم تصلح الامور مع زوجتك قبل ما تنهار علاقتكم "
-"اي بس كيف هي ما عاوزه تتكلم معاي"
-"جرب حاجه جديده غير اسلوب التواصل "
-"انا ما مصدق انني بحكي لعزابي زيك مشكله زوجيه "
-"انا خبير اكتر منك مفروض تكون بتحبها والبنات بشكو كتير عشان كدا لازم تذكرها كل يوم انك بتحبها"
-"دا شنو يا بليد "
-"البليد دا صحبك المقرب "
-"خلاص تمام اغير طريقه التواصل "
-"اي بس خليها تكون مجبورة تسامحك وولدك ما تنساهو "
-"مجبورة"
-"يعني ما تقدر ترفض"
-"سمح ..اغير طريقه التواصل "
جاتني فكرة جريئه وجنونيه وحانفذها ...
ميرال:
اول ما طلع سالم مشيت السرير حاسه بارهاق شديد وبقيت راقده من غير حركه ...
رنيم:
رجعت من الجامعه غيرت هدومي وطلعت غريبه ميرال ماف سألتهم :
-"ميرال في بيتها "
وائل:"ما جات من الصباح شوفيها"
مشيت وناديتها بس ماف رد خفت وفتشتها لقيتها راقدة وعليها حاله قالت :
-"رنيم "
مشيت وقلت ليها :
-"ميرو انت تعبانه شديد"
-"لا انا كويسه"
ختيت يدي في جبهتها نار بس قلت ليها:
-"متأكده انك كويسه "
-"رنيم ما تخافي ..."
فجأه قامت مخلوعه وقالت :
-"ولدي سالم وينو؟"
-"ما تخافي قاعد "
-"ناديهو لي "
فجأة حسيت بطعنه في قلبي ذكرتني امي يوم موتها اتنهدت وحاولت اهدأ شويه ومشيت بيتنا لقيتو ماف مشيت لراني وقلت :
-"راني جبت سالم "
نطا زي الطقتو كهربا وقال:
-"الليله نسيتو !"
-"اجري امو دايراو وقايلاهو قاعد هنا"
-"قولي ليها نايم انا بجيبو هسه"
-"الساعه واحده "
ومشا انا رجعت ليها وقلت :
-"ما تخافي ولدك نايم وما عاوزة اصحيو "
-"اتحمم "
-"اي"
-"رنيم ولدي وينو "
-"قاعد "
-"طيب في شاي اخضر سويه لي "
-"طيب "
دخلت المطبخ وهي مشت لولدها وانا ما عارفه....
راني:
مشيت طاير طيران بالعربيه وصلت الروضه ونزلت لقيتو قاعد براو ودموعو في وشو لما شافني جا بصرخ :
-"عمييي"
شلتو وسكتو شويه قلت :
-"معليش يا سلوم اتأخرت"
-"كويس انك جيت "
وركبنا العربيه وانا سايق الاستوب كان عامل اخضر قدام وانا خشيت في الشارع بس في واحد جا غلط وطاير وسمعت صوت عربيه جايه من كدا اتلفتت وشفتها بس نطيت على سالم وحضنتو والعربيه خشت فينا ....
ميرال:
مالقيت ولدي جات رنيم وقالت لي :
-"راني مشا يجيبو "
صرخت :"نعم مشا يجيبو ما جابو لسه الساعه اتنين وب علي "
-"ما تخافي "
-"كيف ما اخاف يا ولدي "
بقيت ماشه وجايه وماشا وجايه وبعدين مرت نص ساعه وما جو في حاجه غلط في الموضوع رنا قالت:
-"رنيم اضربي لراني!"
-"طيب"
ضربت ليو وما برد مغلق مغلق ضربت ليو تلاته مرات ومغلق قلت :
-"اضربو ليو انتو"
وكلنا حاولنا مغلق ماف فايده جا نديم الليله بدري وقال :
-"اهلا سالم...وين سالم "
ميرال:"سالم ...سالم مع راني وراني ما برد "
-"ما تخافو بيكون قافل تلفونو او مخليهو هنا "
ما لقيناو هنا في البيت قلنا نصبر شويه مضت ساعه كامله وهم ما جوا نديم قال لينا:
-"اكيد الزحمه "
ومرت نص ساعه هنا بدا القلق نديم قال :
-"بمشي اشوفهم "
...
راني:
في الصدمه العربيه اتقلبت رفعت راسي بصعوبه وما سامع شي من قوة الضربه عاينت لسالم الكان دم دم بسس ما قدرت اشيل حيلي ووقعت بعد شويه حسيت بيدين طلعتني برا وسامع اصوات كتيرة ما قدرت اميز شي بينها اتلفتت للعربيه وهمست وانا بأشر عليها:
-"سالم "
الراجل الماسكني قال:
-"شوفو في زول تاني في العربيه "
وطلعوهو ابيت امشي وكنت واقف اشوفو جابوهو لي بعد ما حنسوني اقعد مسحت الدم من وشو والحمدلله ماف شئ ما اتضرب ولا جاتو شي بس جرح صغير في رأسو بعد اطمنت عليو حسيت بحيلي مات ورب وقعت صحيت على صوت عربيه الاسعاف كنت تعبان شديد ختيت يدي في جبهتي على اليمين وكان جلدي اتسلخ وجسمي كلو مخدش وصلت المستشفى نزلوني سألتهم :
-"وين سالم؟ "
الدكتور قال لي:"ما تخاف كويس!"
....
نديم:
مشيت ولقيت حادث فظيع العربيه اتقلبت عربية ابوي بمووت من الهوف نزلت من عربيتي وجريت جري اشوفها المكان كلو دم الكرسي الجمب السواق سالم 💔 بديت اسأل الناس الجمبها قال :
-"ساقوهم المستشفى هسه "
مشيت ودورت عربيتي وجري على المستشفى دخلت بفتش في سالم سالت منهم ووروني جريت ليو ولقيتو كويس بس جروح بسيطه مشيت جمبو وهزيتو براحه وقلت :
-"سالم ولدي اصحى"
فتح عيونو وقال:
-"بابا"
-"سالم "
جا لحضني وكان خايف شديد ليو الحق يخاف اتذكرت الدم راني لا لا قلت :"سالم استناني هنا اشوف عمك واجي "
قال لي وهو بيبكي:
-"راني كان بكب الدم "
-"خليك هنا "
ومشيت اشوف راني لقيت اول شئ جبينو على اليمين فوق مسلوخ عديل كسر تلاته اصابع ضهر رقبتو مجروح شديد وجسمو جروح كلو وغرقان دم الدكتورة جات وطلعت يا رب يكون كويس راني جاني واحد من الشرطه وقال :
-"انت تبع ناس الحادث مش على حسب القالووه المحقيقين وافترضناهو انو العربيه جات والمصاب لاحظ ليها وغطا الطفل بجسمو "
-"اي "
-"طيب الضربهم دا هو الغلطان "
-"شوف يا سيد خليني اروق شويه وبرسل زول للتحقيقات "
-"طيب"
رجعت لسالم...
رايكم +تعليقكم+انتقادكم
صوتوا♥♥
أنت تقرأ
صرخه خوف2
Roman d'amourصغيري واخي وابي كنت بمثابه كل شئ الا ان اخترت بنفسك السقوط بنظري ... روايه بالدراجيه السودانيه بقلم/ناديه موسى 😈
