صرخه خوف2

3

مشيت شلت شنطتي ومشيت للمدير شلت ورقه الطرد قال :
-"سلمها لولي امرك وحاعرف اذا ما سلمتها "
رجعت البيت ومكسور شديد ليي بس نفسي اعرف اديت الورقه لعمتي ودخلت غرفتي ورقدت وختيت المخده في رأسي وعاوز انوم بس اطلع الموضوع دا من راسي ...
مؤيد:
طلع شفت في عيونو انو مكسور شديد وزعلان وليو حق لانو ما سوا حاجه وانا نسيتو تماما ما اتذكرت الا هسه طيب حارجع البيت واكلمو لكن...هو ما حيصالحني تاني سكتت وقعدت جاني صاحبنا وقاعد جمبو في الكنبه وجارنا جمال قال لي:
-"صحي اخوك اتفصل !"
-"نهائي؟؟😨"
-"لا تقريبا قالو اسبوع"
-"اووه"
-"بس هو ما سوا حاجه ليي يعاقبو كدا "
-"اي حافهم منو كل شي واوريك بكرة "
-"طيب ارح الترحيل بيفوتنا "
ومشينا وانا بفكر كيف اكلمو دخلت البيت ومشيت لعمتي قلت ليها:
-"عمتي كيف هو؟؟"
-"محسن ما عارفه لما حاولنا نخش ليو بقى بيكورك زحو مني وخليناو قلنا تجي تتكلم معاو....حصل شنو يا مؤيد "
-"ااااا انا زاتي ما عارف "
-"طيب امشي شوف "
فتحت الباب ودخلت وقفلتو وولعت النور قال من تحت البطانيه:
-"مؤيد!"
-"اي ..."
رميت شنطتي وجيت قعدت جمبو قلت :
-"محسن حصل شنو؟ احكي لي"
نطا وقال :"انا اعرف شنو ما عارف يا مؤيد شاكلوني وذلوني وانا ما عندي ذنب مؤيد حصل شنو وانا غايب "
-"محسن ما تخاف ما ذنبك "
-"ما بقدر ما اخاف كيف يعني تقول لي ما ذنبك وسوو فيني كدا "
وقعد يبكي قلبي اتكسر الف مرة عليو عارفين احساس تشوف اقرب زول زعلان لما بيبكي وانت السبب ضمير قطعني عديييل قلت :
-"محسن عليك الله ما تبكي معليش "
وختا المخدة فوق راسو رفعتو وقلت :
-"ماذنبك اكيد هم غلطانين "
وحضنتو قال لي :
-"الحمدلله عندي توم يقيف معايي زييك😭"
-"ما تبكي عليك الله "
بعد شويه هدأ قلت ليو :
-"يلا اشرب الدواء ونوم "
ورقد .....
راجح:
قمت من النوم ضربت لي رنيم رديت:
-"الو "
-"راجح تعال بعدين نمشي للتوام "
-"ليي في حاجه "
-"انت ما عارف "
-"شنو ؟؟"
-"محسن جاتو جرثومه معدة "
-"هااه😨"
-"اي تعال العصر نمشي"
-"طيب!"
جاني سلوم وقال:
-"بتتكلمي مع منو "
-"راجح "
-"طيييب تعالي شوفي لقيت شنو "
-"شنو؟؟"
-"تعالي"
ومشا على الممر بعد غرفه الاولاد ووصل الصاله بتاعت راني قال :
-"شوفي "
قلت:"لا لا اطلع "
-"ليي"
-"اطلع بس ممنوع تخش هنا "
-"؟؟"
-"عليك الله يا سلوم لا"
-"بس انا عاوز اخشها"
-"لا في حاجات ما لازم تمشي حسب ما انت عاوزها امشي العب مع مراد "
-"لااا انا عاوز اخشها "
-"طيب قول لراني "
-"سمح "
وراني كان جاي اتلفتت ولقيتو بحمر لي قال:
-"الدخلك شنو يا رنيم "
-"ما دخلت "
-"رنيم دي المرة الكم احذرك منها "
سلوم:"انا قلت ليها تسوقني "
صرخ :"رنيم "
انا لمن نطيت سالم ادسا وراي راني جا علي وقال:
-" انتي مصرة يعني تعملي كدا مصرة تكسري كلمتي البتمشي على الكل دايرة تصلي لشنو اتكلمي"
سكتت وخلاص دموعي حتهرب من الخوف صرخ :
-"اتكلمي "
سالم بقى ماسك فيني وبيرجف قلت :
-"اسكت يا راني انت مشكلتك شنو لو ما عاوز زول يخش الصاله دي كسرها اعمل اي شئ بس ما تنفسن فينا"
جات خالتي وقالت :
-"تاني يا رنيم "
-"ولدك دا عيان شوفو ليو دكتور كل مرة بيكورك فيني من غير ما يسمع😠"
ومشيت وسالم من الخوف جرا ادس جوا الصاله بتاعتو وهو ماشي عليو انا مشيت ونسيتو ورانيمشا عليو وانا طالعه لاقتني ميرال قالت :
-"شوفتي سالم "
-"وااي لأ "
وجريت راجعه لقيت راني حيضربوا مسكت يدو وقلت:
-"لا يا راني خليو "
كانت عيونو ميته عدييل ماف اي تعابير ولا اي شئ ولهسه ماسكه يدو اتلفتت لسالم وقلت :
-"سلوم امشي لماما "
جر جري راني جرا يدو مني وقال :
-"اطلعي "
-"كنت حتضربوا "
-"اطلعي يا رنيم "
-"راني انت ما نصيح "
اداني كف دي اول مرة يمد يدو علي ختيت يدي في خدي ميرال قالت :
-"راني لا اهدا "
جا ابوهو وهدوه شويه حسيت في شي غلط ليي راني دا كدا في مشكله حتى بعد ما شاكلوه عشان ضربني وكان حيضرب سالم بس سالم بقى بيخاف منو وما بيتكلم معاو انا زاتي بقيت لما اكون دار اقول حاجه بتذكر الكف بسكت نهائي علاقتنا خربت بالعصر كدا جا راجح وسلم وبعدين مشينا لمحسن وعارفين انو عندو فوبيا من الامراض دي لكن شكلو هادئ ومحبط ومؤيد زاتو قلت ليم :
-"هووي مالكم "
محسن :"طردوني من للمدرسه "
راجح :"نعم !!"
-"لا لا لمده اسبوع بس وما عارف ليي؟؟"
جا مؤيد وقال:
-"محسن "
-"اها"
كان زي العاوز يقول حاجه قال :
-"محسن ما ذنبك هو ذنبي انا "
-"انت ؟؟ قاصد شنو "
-"متذكر يوم مرضتت لاقاني استاذ خالد"
-"قال ليك شنو "
-"قال لي مؤيد بس قلت ليو انا محسن وسألني من كراسات الفيزياء وقلت ليو اني جمعتهم وقال لي اكتب موضوع عن المعلم وانا كنت حاكلمك بس نسيت ...محسن معليش ما كنت قايل حيحصل كدا "
محسن قال ليو:
-"كنت انت الوقت كلو وانا بشكي ليك مؤيد ما عرفتك كدا ممكن تخليني اشرح ليك الدرس الف مرة وممكن تشيل اقلامي وكل شي بس تطردني من المدرسه مؤيد انا تومك بتحمل اي شئ الا انك تستغلني وهسه عاجبك تهبط بسمعتي كدا وكان ممكن تكلمني عشان ما اتذلا كدا ما بصدق والله انت تعمل فيني كدا😢 انت ما بشر "
-"محسن معليش "
-"خسرتني يا تومي..قصدي مؤيد!! 😡"
ومشا قلت ليو :"بتبالغ للكن الحركه السويتها سافله"
راجح ختا يدو في كتفي اتلفتت هز رأسو بالرفض وهمس:
-"ما تأنبيهو واضح انو حاسي بالذنب "
رفع رأسو ودموعو في عيونو قال :
-"شكرا على الزيارة "
ورجع راجح قال :
-"خليهم براهم بيقعدوا مع بعض ويحلو مشاكلهم "
-"اي هم كبار بعد دا "
........
مراد:
محسن مرض ورنيم وراجح مشو ليو وهي ما سألتني اصلا عنهم جا وائل وقال لي :
-"مراد ما مشيت مع رنيم وراجح "
-"ما داير امشي "
-"ليي هم اخوانك "
-"لا ما عاوز امشي "
-"مراد مالك؟"
فرت وصرخت :"ياخ ما تسألوني مالي !!"
-"خلاص خليتك بس غريبه انك ما عاوز تمشي لاخوانك لانهم اخوانك يا مراد شقايقك "
-"شقايقي!!"
-"مالك "
-"وائل ابوي مات كيف ومتين "
-" ...ما عارف "
-"وائل ما تكذب علي !"
-"قلت ليك ما عارف "
وطلع زي الهربان من اسئلتي طلعت الميدان وقعدت بعيد حسيت بيدين صغيرة بتمسكني من ورا وصوت طفولي :
-"لقيتك "
اتلفت وكان سالم قلت :
-"سالم !!"
-"تعال للغدا "
-"طيب "
رجعنا البيت وقعدنا نآكل الناس كلهم بيتكلمو الا انا ما بعرف اشارك في اي حوار او بالاحرى ما بحب اشارك راني شكلو صامت الليله وسالم الوحيد بيتكلم مع ابوي سالم قال ليو :
-"جدو مروان قال حيجي الليله "
سالم سأل ميرال:
-"بالجت "
-"اي قال جاي بكرة "
-"تمام "
محمد:"سالم اكل "
-"اي اي بآكل "
وبدا ياكل حبه ويتكلم حبه لما محمد قال ليو تاني:
-"سالم اكل "
-"اي ببآكل بآكل "
وضحكو فيو اما انا لا اكتفيت بالابتسام....
رايكم +تعليقكم+انتقادكم
صوتوا♥♥