صرخه خوف2

15

رنيم :
قاعدين وجا نديم وراني من غير قميص ولا نضارتو وسواد عينو ماشي للابيض صرخت:
-"راني عينك "
-"مالا عيني "
امو :"حصل شنو ليي مبلولين وانت قميصك وين حايم عريان في الشارع "
-"امي قميصي اتسرق والمليون حقتو "
-"قميصك اتسرق!! وليي عينك بقت عامله كدا امشي الدكتور طوالي "
سالم :"قميصك اتسرق وانت قروشك عاوزني اصدق انو قميصو اللابسو وقروشك الفي جيوبك اتسرقت "
راني ببرود:"مشينا نسبح "
سالم عاين لنديم بتأنيب وغضب وقال :
-"غير سرعه حنمشي المستشفى "
انا قمت سرعه وبقيت بشوف عينو قال :
-"براحه قطعت رموشي"
-"دا شنو الخطوط دي ليي عينك عامله كدا "
قال لي بغباء:"وانا اعرف كيف!"
-"راني الموضوع ما تافه "
-"طيب طيب "
غير هدومو وكان حيمشي المستشفى مع نديم قلت ليهم الا يسوقوني ومشيت معاهم في النهايه الدكتور بتاعو واحد عجوز كدا قال :
-"راني دخلت في المويه صح "
-"انسيت"
-"ينسوك ميت يا راني"
ونهروا:"دا شنو البتقول فيو دا نسيت بس شكلك ما داير عيونك ديل"
-"يا عمي اسمع"
-"اسكت !!"
-"سكتت"
فحص عينو وقال :
-"فالح دخلت نفسك في عمليات وصرف تاني "
راني بخلعه:"عمليات !!"
-"اي محتاج عمليه قبل ما عينك التانيه تضرر يعني هسه !!"
-"سمح "
ودخلوهو غرفه العمليات ونحن قاعدين برا سالم قال:
-"نديم ليي وديتو البحر "
-"ما كنت قايلو حينط كنت عاوز اطلعو وانسيهو عبير"
انا وقعت فيني صاقعه وقلت:
-"عبير منو "
سالم :"نديم !!"
نديم:"ماف داعي تعرفي يلا نرجع البيت "
وفي الطريق سالتو:
-"وريني عبير منو"
-"بت خلقا ربنا"
-"ومشكلتها شنو مع راني "
-"رنيم خلاص اقفلي الموضوع"
-"لا"
صرخ:"كفى"
-"..."
ورجعنا البيت وانا دخلت غرفتي وطاخ قفلت الباب من غير ما اسمع اي سؤال دق الباب فتحتو وكان وائل قال :
-"رنيم مالك؟"
-"عبير دي منو ؟؟ وعلاقتها براني شنو ؟"
-"اسأليو!!"
ومشا راني الكلب بيخونني  هو متين بدينا لما يبدا خيانات مشيت للقيت تلفونو في غرفه الضيافه شلتو بشاحنو وجيت غرفتي فتحتو وبقيت بفتش بفتش ما لقيت....ماف اي شئ شكلي اتهمت ود الناس ساي فجأه التلفون ضرب وكانت سوسو رديت ..
-"الو !"
-"راني..."
قاطعتها :"ان ضربتي في الرقم دا تاني بقطع خبرك!"
وقفلت لتلفون تهديد عشان تاني تضرب بعد شويه ضربت تاني رديت قالت:
-"اديني سيد التلفون"
-"انا ست التلفون ولو عندك كلام قولي لي "
وبلكتها في الواتس والسلام عليكم سوسو كمان رسلت لوائل:
-"وائل بتعرف سوسو"
-"حبيبتي رقم 14 اي"
-"انسى انسى يا بليد"
-"هبله دي"
-"اسكت ياا اها اخبار راني شنو !"
-"ما تخافي حبيب قلبك كويس وبنجيبو بكرة "
-"يحبك كلب"
رسل لي اموجي قافل خشمه ورسل :
-"اها النفسيه كيف مع حبيبك وبقيتو طلعات ولوف وكلام فارغ "
-"اسكت انت فالح في الكلام الفارغ بس! ثم انها طلعه واحده يادوب"
-"المهم المهم ما بتخجلي يشوفوا وحده سمحه زيك كدا مع الشين دا "
-"الشين دا حبيبي"
-"اوبااااا الليله البت اتخربت دا ناصر الجديد ولا شنو"
فصلت منو  طوالي ذكرني ناصر ليي دا وقتو هسه وقعدت مسافه بفكر ضربت لراجح رد:
-"رنيم"
-"راجح كيف الشغل والملكيات "
-"...رنيم انا ما راجح "
نوو عرفتو منو قلت:
-"دقيقه دقيقه....ناصر "
-"اي يا رنيم ناصر النسيتيهو "
-"راجح وين؟ ناصر سويت لاخوي شنو اتكلم !"
-"انا ...لهسه شايفاني كدا رنيم انا زول تاني واصلا ما كان حيحصل ليك كدا لو ما كنت كابه جاريه وراي"
-"..."
-"انا عارف غدرتك بس اسألي نفسك منو فينا الغلطان وقفل التلفون "
.
.
.
.
.
راجح :
رجعت من الحمام ولقيتو مرتبك شويه سألتو:
-"متأكد انك فهمت الشغل دا"
-"اي بحاول بس افهم وشكرا لانك استضفتني في بيتك "
-"ما عاوز ارسب عارفني "
-"راجح "
-"نعم "
-"لييه تستضيف مجرم سابق في بيتك ما شايف اني خطر شويه "
-"لا لا عارفك خطر عشان كدا البيت مؤمن يلا اشتغل شغلك وما تجادل"
-"طيب "
وكملنا قرايه تلفوني ضرب وقلت ليو يمررو لي بس لما لمسو قال لي :
-"معليش اتقفل بالغلط ~.___.~"
-"ما مشكله وما عندي رصيد ارجع "
....
رنيم:
ما بيرد اه معناها خاف وختيت التلفون تلفون راني وصلتو رساله نصيه فتحتو وكانت سوسو رسلت 'راني يا ولد جنيت 'ما رديت ليها ونمت والتلفون جمبي...
مراد:
صحيت الصباح احسن ومشيت المدرسه ولاقاني ارنب بالاحضان ما عرفت اتصرف كيف ما اجتماعي ابدا قال:
-"مريوود مشتاقيين"
قلت ليو:
-"ااهلا"
-"يا محظوظ فاتك اختبار رياضيات مفاجئ"
ضحكت وقلت :"ما كنت قاري اصلا"
-"اووه اول مرة اشوفك بتبتسم او بتضحك غريب خوفتني خليك بارد كالعادة احسن "
-"طيب ارح الفصل وراي واجبات "
-"يلا "
ومشينا وهو بنطط قدامي هو صغيروني حجما وزي الشفع عرفت ليي سمو ارنب وما عارف مالي الليله بس بقيت بضحك براي قال لي :
-"الله غمازاتك حلوة "
-"لحظه...عندي غمازات "
-"وانت ما عارف ؟؟"
-"اي"
-"عشان وشك مكشر دايما شوفا في المرايه بعدين"
تخيلو بس زول عندو غمازات وما عارف ...قصدي ايوة انا جاهل بس ما للدرجه دي "
خشيت الفصل مر الوقت براحه شديد لدرجه مليييت مليييت مع انو الملل دا شعوري الوحيد يعني بعد الحصه سالتو :
-"اها كيف اخوك"
-"رجعنا اصحاب بس شكلو في حاجه مخبيها مني"
-"ليي!؟؟"
قال وهو بيتكلم بيدينو:"يعني لما يكون نايم بيتمتم بكلام غريب بيهلوس كتير "
-"بشنو فهمت حاجه "
-"ما عارف بس كأنو بيقول 'ما ترجعوني السجن' خفت والله شديد قاصد شنو بالسجن ومتين كان فيهو عشان يرجعوهو "
-"امممم ما عارف والله "
-"لما جا في البدايه ما كان بيهلوس بس قبل كم يوم بقى كدا تقريبا مما بدا الجامعه "
-"اخوك كان مختفي خمسه سنه صح "
-"اي"
-"ممكن كان في السجن الوقت دا كلو "
وسع عيونو زي الفهم حاجه وقال :
-"لحظه ...هو قال لي ابوي كان حبسو وابوي مات في السجن "
-"انا ما قادر افهم ابوك ليي في السجن "
-"ما بعرف"
-"وامك "
-"ما متذكر فاتت وين بس متأكد انها حيه عشان تنتقم منهم "
-"ارنب فهمني لاني حرفيا رأسي ضرب بتقول في شنو انت "
-"الاستاذ جا بحكي ليك في فسحه الفطور "
-"طيب"
وبعد طلعنا قال :
-"اول شي اسمي سامر "
-"ارنب احلى "
-"كويس زمان لما كنت صغيير ما متذكر كويس بس على ما اعتقد امي وابوي انفصلوا "
-"طيب"
-"بعدها ما متذكر حاجه اتربيت في بيت عمتي وناصر اخوي الكبير اتربى عند ابوي "
-"افترقتوا!"
-"اي وكان بيزورني طوالي ومهتم بي شديد لكن .. انقطع خبرو فجاه قبل خمسه سنه وهسه ظهر من جديد "
-"وانت متأكد انو امكم حيه "
-"اي "
-"وابوك "
-"ما عارف لسه لانو ناصر اول مرة قال لي مات في السجن "
-"كيف دخل السجن من البداية"
-"ما عارررف "
-"مفروض تكون عارف"
-"اسكت ياا وبعدين قال ابوي حبسو"
قلت:"كيف حبسو وهو اصلا مات في السجن "
-"اي ناصر بيكذب "
-"من غير اساءة ابوك زول ما كويس؟؟"
حسيتو اتكسر شديد قال بانفعال:
-"اي ابوي زول ما كويس عندك مشكله "
-"لا يا ارنب اهدا معلييش خلاص ما قصدي افورك "
-"لازم ناصر يوريني الحقيقه "
-"اي وامك"
-"امي حيه "
-"متاكد"
-"اي"
-"ليها اكتر من تمنيه سنه ما ظهرت ما ترفع توقعاتك"
-"لا انا عارف انها حيه"
-"طيب"
.......
             رايكم +تعليقكم+انتقادكم
                   صوتوا♥♥