صرخه خوف2

25

راجح:
ناصر بقى ما زي زمان بقى مرتبك دايما لما اتكلم معاو وما بقدر يدس مني الموضوع عندو علاقه برنيم وانا قاعد بفكر لقيت زول قعد جمبي اتلفتت وابتسمت لما عرفت هويتو:
-"شاكر!"
-"مالك قاطع وش معاي"
-"معليش والله مشغول شديد"
-"اها وصلتو وين في موضوع اختك "
حكيت ليو كل شئ قال:
-"وناصر يا بليد قال ليك جاي يوم الخميس وما جا"
-"ما عارف رنيم ما قالت لي حاجه عن انو جا ولا لأ"
-"اسألها "
-"طيب بشوف"
-"ما تشيل هم ساي بيحصل خير"
-"بس الناس حيقولوا شنو عننا قليلين ادب ربونا ونكرناهم "
-"راجح رباك جدك الله يرحمو خلاص معناها ماف زول تاني غيرو"
-"استغفر الله اتشاكلت مع اهل امي!"
-"عاين لي هنا كفايه الذنب ما ذنبك لانو العملو في اختك ما شويه"
-"طيب ...وجهه نظر... انا ماشي بعد دا"
-"راجح تعال يوم الجمعه عندنا سمايه"
-"هااا؟"
-"امي ولدت اشوفك هناك ظابط"
-"مبروك ليها ...ليي ما كلمتني !"
-"عشان كلمتك وانت بالك بعيد المهم تعال يا زول"
-"طيب بحاول اجي"
-"فطور واوعى تتأخر"
-"كويس"
وطلعت من الجامعه بفكر يا ربي ناصر لسه بيفكر في الانتقام من رنيم وعلى سيرة ذكروا ناداني اتلفتت قال:
-"راجح دايرك ضروري"
-"في شنو!"
-"ما عارف والله محرج اطلب منك"
-"قول الدايرو ما بيناتنا"
-"اااه طييب ....ديني قروش"
-"علي دي من قبيل ...ما مشكله"
-"آه الحمدلله عارف ما عندي اصحاب غيرك"
شال القروش وقال:
-"عارف اسلوبي كعب بس عندي شغل لازم امشي"
-"لا لا امشي"
مشا وانا رجعت البيت وبفكر بس وصلت ودخلت وقعدت مع رنيم قلت ليها:
-"رنيم ناصر حصل جا وانا غايب "
-"اي صاح نسيت اوريك جا الخميس الفات "
على حد علمي الخميس الفات ما كان في زول في البيت بس ماف داعي اتسرع ساي قالت:
-"هووي سرحت وين"
-"اي معاك بس الليله اديين مني قروش وقال ماشي الشغل"
ردت سرعه:"شغال مع الشرطه"
-"مع الشرطه!.... انت عرفت كيف؟"
-"قال عاوز يعوض غلطو ودي الحاجه الوحيده الممكن يعملها!"
كان لسه في بالي شكوك وشكوك قلت:
-"واتكلم معاك متين!"
-"داير تصل لشنو"
-"ل... لانك.. ليي اتكلمت مع ناصر مش هو الخطفك زمان ليي يا رنيم!"
-"انا ما اتكلمت معاو"
-"عملت شنو.!"
-"عملتا شنو؟ راجح الفكرة الفي رأسك طلعا ما بيناتنا شي"
-"طيب ليي دخل البيت وهو عارف انك قاعده براك ليي خليتيهو يدخل وانتي عارفه انو لو عمل اي حركه ما حيكون في زول قاعد معاك"
-"قصدك شنو؟"
بتتغابى علي انا اتمليت فل وقمت وعاينت ليها وقلت:
-"شكلك راجيه يغتصبوك بالجت المرة دي لا لحظه غلطت لما قلت اغتصاب لانك فاهمه قصدي المرة الفاتت كانو متعاطفين معاك عشان مصدومه بس عارفه شنو انت براك الركبت عربيه منيب واذا عاوزة اقولها بالواضح انت المشيتي ليهم وهسه ماشه لناصر صح؟"
ومشيت انوم او بالاصح افكر ....
رنيم:
راجح اتهمني هسه راجح عاوز يقول انو ناصر لسه بيحاول يوقعني بس كلامو صح لليي انا دخلتو البيت وهو اجنبي محسن جا وقعد جمبي وقال:
-"رنيم خليهو الايامات دي متلخبط شديد والكلام القالو ما قاصدو بس تاني ما تدخلي زول لانو ما اي زول مضمون كويس"
-"انا خايفه!"
-"ما تخافي انا معاك ومؤيد حتى راجح بس خليهو يرتاح ضاغط على نفسو كتير طيب"
-"اي!"
-"هسه يا رنيم كدي وريني ليي ما سامحتو عمار هو عمل عشاننا اكتر من اي زول حتى لو نهرنا هو الربانا ومرات بيزهج لانو نحن مسئووليه كبيرة"
-"بس ليي شايلنا اذا المسئولييه اكبر منو"
-"ما كدا ...قصدي انو ...يعني اذا كنتي ام وربيتي شافع اكيد في مرات حتزهجي منو وتشاكليو بس تاني بترجعي تعتذري وعارفه انك بتقدري علي مسئوليتو"
-"كلامك المامنطقي صح ...اقنعتني"
-"الحمدلله يلا كفاو عمار سوا في نفسو كتير"
-"طيب بشوف .."
....
محمد:
وقفت مع الراجل الغريب بتاع القضيه جا شاب سرعه كدا وقال:
-"ما اتأخرت تمام"
عاين ليو وقال:
-"ناصر سوقو ليهم"
ناصر ناصر سمعتو وين ...اه ما هاميني مشيت وراو وصلني للبت الاسمها عبير دي عاينت فيها شويه كدا ما اختلفت من زمان ناصر اتكلم:
-"ممكن تسألها عندك حريه الكلام"
عاينت ليها مسافه وقلت:
-"انت عبير صح ...دايرة من اخوي شنو.. مسحتي ييو الارض وخلصتي عليو كتلت عقليتو آذيتي اخوي الكلام معاك زاتو خسارة وهسه عملتي شنو عميتيو ... انت مريضه نفسيا عارفه مريضه نفسيه ...مجنونة حقنا برجع لينا وحق اخوي راني بيرجع والقصاص بيننا ما اكتر فاهمه ...وما حنصفح ولا نسامح ودا كلامي"
وابتسمت ببرود وطلعت مشيت لراني قعدت برا شويه لما سمحوا لي اشوفوا دخلت ولقيتو ما فاق لسه سألت الدكتور بتاعو قال:
-"الحمدلله عينو اتحسنت شديد وآخر عمليتين نجحوا"
-"الحمدلله وفضل ليو شنو تاني"
-"حيقعد اسبوع مراقبه وحنعمل ليو عمليه تانيه ويقعد اسبوع تاني وبإذن الله حيطلع بس ادعوا ليو الدعا اهم شي"
-"ان شاء الله "
وطلع مشيت جمب راني وسألتو:
-"انت كويس"
-"الحمدلله "
-"سمعت كلام الدكتور"
-"اي"
-"ممكن تشوف تاني"
-"انا فرحان ...بس كيف رنيم!"
-"حصل كتير يا راني بس"
-"اي عارف ما عاوز ارجعها زهجت ياخ"
-"لا مافي كدا امي اصلا ما متفقه معاها وكان حتعمل مشاكل لميرال ونديم وليك انت وهي حتتعذب نفسيا راني لو انت بالجت داير راحتها بتخليها مع اخوانها وتبعد مننا لانو حالتهم متأزمه شديد"
-"خلو مراد صاح"
-"اي"
-"ليي هم بيعملو فيو كدا امي ما حتريحو "
-"اي لا هي ولا غيرها ..المهم انت كيف كويس"
-"الى حد ما"
-"الحمدلله"
-"الحمدلله "
....
راجح:
جا يوم الجمعه ومشيت لشاكر لاحظت لاسم ابوهو اسم مألوف شديد لما لاقيتو وسلمت عليو قال لي:
-"انت ولد ماهر جمال صح"
-"اي"
سلم علي  سلام حار عارفين الاحساس دا حلو كيف احساس انك تعرف ابوك بسيرتو الحلوة بين الناس حتى ولو مر على وفاتو سنين طويله المهم طلعت اشتغلت مع شاكر حبه وفطرنا سوا آخر ناس قال:
-"ما قصرت معانا والله لو عندي اخت كان اديتك ليها"
انا الفي حلقي وقف وبقيت بكحكح شربت مويه وقلت ليو:
-"هووي عرس شنو انا لسه صغيير"
-"هاااه يالصغير وحلاتي ....تنفع كدا صغيروني"
-"اسكت يا شين عمري عشرين"
-"تمنتاشر سنه والله"
-"اي عارف خلاص انطمى ....انت ابوك دا بعرف ابوي"
-"اي من زمان كانو شغالين سوا ودا عرفتوا امبارح"
-"ايوااا بس ياهو عبدالله عرفتو فاضي هسه داير اتكلم معاو ضروري "
-"اكل اكل بعدين بنشوف ابوك"
-"ظابط"
بعد الاكل مشيت واتكلمت معاو وفهمت منو العاوز افهموا ...
ناصر :
طلعت سرعه لخليل استدعاني فجأه سألتو:
-"حتفتح قضيتنا تاني"
-"اي"
-"تمام شكرا كتييير يلا يلا نشوف منو هو الراجل دا"
-"متحمس شديد شايفك "
-"اي الراجل دا كابوس"
-"بالجت "
عاين لي بنظرة فهمتها وقلت:
-"لكن ما كابوس اكتر منك عارف"
-"انت بتحسسني بالفخر ياخ"
-"قال فخر.."
...
             رايكم +تعليقكم+انتقادكم
                   صوتوا♥♥