رواية ««بين دروب العشق والانتقام»»بقلمي/اية هدايا♡مكتملة

#الحلقه_الثالثة_عشر

#بين_دروب_العشق_والانتقام
#اية_هدايا
#الحلقه_الثالثة_عشر

نحن لا نكون سيئون الا عندما يجبرنا الاخرون ان نكون كذلك

استيقظت ملك في صباح يوم جديد تستيقظ ولأول مره تشعر بالراحه عند استيقاظها فهي تغفوا على فراش قاسي يؤلم  ظهرها

اتجهت الى دوره المياه ثم توضأت وقامت بتأدية فرضها وبعد ذلك خرجت من غرفتها وجدت الجد انور يجلس في غرفه المعيشه وهو يقرأ الجريده وهناك كوب من القهوه موجود على الطاوله التي امامه

تقدمت ملك منه وقالت بصوت يملأه المرح  :
_صباح الخير على احلى جدو في الدنيا

ابتسم انور لها وقال بحب  :
_صباح الخير على احلى عيون شفتهم عينيا

جلست ملك امامه ثم نظرت الى كوب القهوه من جديد وقالت بتفاجأ:
_ ايه ده هو انت بتعرف تعمل قهوه؟؟

ترك انور الجريده من يده ثم حمل كوب القهوه واعطاه لها وقال  :
_ قولي ليا رأيك!!

ابتسمت ملك بفرحه واخذت كوب القهوه منه وتناولته بتلذذ ونهم ثم قالت بابتسامة ممزوجة بالصدمة  :
_بسم الله ماشاء الله؛ بجد دي احلى قهوه شربتها في حياتي ثم اكملت بمرح  :
_ انت بقي تفتح قهوه على كده وتبيع للناس وتبقي مليونير بسبب القهوة دي

ابتسم انور بحزن وقال بهدوء  :
_ بنتي كانت دايماً بتعملها بالطريقه دي وعلمتها ليا قبل ما تتجوز ويضحك عليها الحرامي دا

نظرت ملك له بتساؤل وقالت بفضول  :
_طب ينفع اسألك سؤال لو مش فيها ازعاج يعني ينفع تحكي ليا اكتر عن بنتك اصل الشبه الكبير بيني وبينها مخليني عايزه اعرف كل حاجه عنها

ابتسامه انور بسعاده كأنه كان يتمنى ان يسأله احد ذلك السؤال وقال بحب وهو ينظر الى سقف الغرفه بشرود  :
_ بنتي كان اسمها رانيا كانت شبهك مش بس في الشكل لا كمان شخصيتها...كانت طيبه جدا وبتحب الخير لكل الناس كانت عباره عن كتله متحركة من الضحك والتفاؤل
كانت زي الشمعه اللي منوره بيتنا.

لغايه لما جيه اليوم المشئوم اللي جاءت فيه بنتي وقالت ليا  :
_ ان في واحد بيحبها وعايز يتقدم لها
طبعا انا عارف بنتي وعارف اختياراتها...مستحيل تبقى غلط
وفعلا في اليوم الثاني قابلته...بس بيني وبينك انا ما ارتحتش له و كان باين من نظراته وطريقه كلامه ان واحد مش مسؤول ولا جاي يتجوز ولا يكون اسره

وانا كنت متردد في البداية بين انِ اوافق او ارفض بس تحت اصرار رانيا وحبها الكبير له مرضتش اكسر بخاطرها وفعلا اتجوزوا بس بعد اول اسبوع من جوازهم اختفوا

انقطعت اتصالتها والبيت اللي كانوا ساكنين فيه عزلوا منه ومحدش من الجيران يعرف حاجة

حاولنا  نتصل كتير بس كل مره  كان نفس النتيجه
ولما بلغنا البوليس فضلوا يدوروا عليها بس ملقوهاش ولا جوزها حتى عيلته اختفت