حب لا ينتهى

الفصل الثانى

جاسر راح الشركه و طلب من السكرتيره تخلى احمد يجيله شويه و احمد راحله
احمد: جاسر بيه اتأخرت النهارده اكيد كنت بتفطر مع لين
( احمد صاحب جاسر الانتيم و اخو مياده جدع جدا و بيحب جاسر اوى و بيحب مياده جدا و بيخاف عليها جدا شاب اسمرانى طويل جسده رياضى شعره جميل و عيونه عسلى و وسيم جدا ) 
جاسر: ده اكيد. المهم اخبار الشغل ايه
احمد: كله تمام و فى اجتماع كمان ساعه مع وفد الشركه الالمانيه عشان الصفقه الجديده
جاسر: تمام جدا. اه صح يا صاحبى
احمد: فى ايه
جاسر: انا هسافر بكره امريكا هقعد اسبوع اخلص شغل هناك و ارجع عايزك فى الفتره دى تشوفلى مكان حلو عشان اعمل للين مفاجأة عيد ميلادها و كمان تظبط كل حاجه لان مش هلحق اعمل حاجه عشان هاجى يوم عيد ميلادها الصبح
احمد: ماشى ياعم
جاسر: يلا نراجع على ورق الاجتماع
احمد: يلا
حسن: داليا انا نازل عايزه حاجه
داليا: لا يا حبيبى عايزه سلامتك بس متتأخرش النهارده عشان حنين جايه النهارده
حسن: ماشى يلا سلام
داليا: سلام
تليفون داليا رن
داليا: الو يا نينو عامله ايه
حنين: انا كويسه يا ماما و انتى
داليا: الحمدلله يا بنتى اخبار حفيدتى ايه
حنين: مجننانى يا ماما بس اهو هجيلكوا النهارده تتصرفوا معاها بقا
داليا: هتنوروا يا قلبى و اهو بالمره تتكلمى مع لين
حنين: مالها لين يا ماما
داليا: انا مش عارفه اخرتها ايه مع الواد اللى بتكلمه ده
حنين: ماما انتى عارفه ان الاتنين بيحبوا بعض يبقى ايه المشكله
داليا: المشكله ان هو هيفضل رابطها كده و فى الاخر هيسيبها و اختك هتتعب
حنين: مين قال كده يا ماما هو بيحبها جدا و مستحيل يسيبها
داليا: هتشوفى ايه اللى هيحصل
حنين: بصى يا ماما لما اجى نبقى نتكلم فى الموضوع ده بهدوء
داليا: ماشى
حنين: باى
داليا: باى
لين: اوف اخيرا خلصنا من المحاضره دى
مياده: اول مره اشوف واحده بتكره ماده و بتجيب فيها امتياز
لين: اهو القر ده هو اللى جايبنا لورا
مياده: يا شيخه اتنيلى المهم احنا مش ورانا مجاضرات تانى تيجى نروح نشترى هدوم
لين: اممممممم مفيش مانع بس تيجى تقعدى النهارده معايا
مياده: احمد مش هيوافق
لين: انا هخلى جاسر يقوله
مياده: ماشى يلا بينا
نورهان: هاى ازيكوا
مياده و لين بصوا لبعض: هاى
نورهان: عامله ايه يا لين
لين: تمام و انتى
نورهان: انا تمام خالص قولت اسلم عليكى
لين: ميرسى تسلمى
نورهان: باى
مياده: و دى عايزه ايه
لين: مش عارفه
مياده: انا مش بحبها بحس انها مؤذيه
لين: فكك يلا نروح نعمل شوبنج
مياده: شوبنج الله يرحم يلا ياختى
مصطفى: اهلا اهلا صالح باشا
صالح: ازيك يا مصطفى باشا
مصطفى: تمام و انت
صالح: تمام اخبار الشغل
مصطفى: و الله كله تمام اتمنى نفضل نشتغل مع بعض على طول
صالح: ان شاء الله انا جيت حسب المعاد عشام الاجتماع
مصطفى: طول عمرك مظبوط فى مواعيد شغلك و خلاص كل حاجه جاهزه و نص ساعه و الوفد يجى
جاسر و احمد خلصوا الاجتماع مع الشركه الالمانيه و نزلوا يتغدوا فى مطعم هما و الوفد و بعد كده الوفد مشى و اتقابل جاسر و احمد مع مصطفى و صالح بالصدفه فى المطعم
مصطفى: بتعملوا ايه هنا يا ولاد
جاسر: كنا بنتغدا مع وفد الشركه الالمانيه
مصطفى: و انا و صالح بردو كنا بنتغدا مع الوفد اللى بنعمل معاه شغل
جاسر: اهااا
صالح بنظر تمعن: ازيك يا جاسر يا بنى
جاسر: الحمدلله و حضرتك
صالح: تمام ان شاء الله نتقابل قريب
جاسر: ان شاء الله عن اذنكوا
احمد: صالح ده غريب شوفت نظراته
جاسر: شوفت بس فكك
و تليفون جاسر رن
جاسر: اهلا يا حبيبى
لين: عامل ايه يا حبيبى
جاسر: تمام يا قلبى و انتى
لين: انا تمام بس ممكن خدمه يا قلبى
جاسر: طبعا ممكن
لين: ممكن تخلى احمد يخلى مياده تقعد معايا النهارده
جاسر: ماشى بس تعالى نتقابل كلنا
لين: طب خلاص تعالوا عند مول سان ستفانو احنا هناك
جاسر: خلاص هنيجى
مياده: هيجوا
لين: اه
مياده: مش ناويه تفرحينا انتى و جاسر بقا
لين: و الله انت نفسى بس المفروض تيجى منه
مياده: صح بس المفروض ياخد خطوه جد انتوا ٦ او ٥ سنين مع بعض
لين: كان بيقولى انه قرايب هيفتح مع اهله حوار انه يجى يتقدملى
مياده: طب كويس ربنا يخليكوا لبعض
لين: يارب
شويه و اتصل جاسر
جاسر: انتوا فين
لين: فى الدور التانى
جاسر: طب خليكى معايا
لين: حاضر
و طلع جاسر و احمد الدور التانى و اول ما لين شافتهم شاورتلهم
احمد: هاى يا بنت
لين و مياده: هاى
احمد: ازيك يا لين
لين: تمام و انت
احمد: تمام
جاسر: تحبوا نقعد نتكلم فى كافيه
مياده: اه ياريت
احمد: يلا بينا
و راحوا قعدوا فى كافيه
احمد: هتعملى ايه فى الاسبوع بتاع غايب جاسر يا لين
لين: هو هيغيب اسبوع ليه مش فاهمه
جاسر: اصل انا هسافر بكره امريكا عندى شغل هناك و هقعد اسبوع
لين: بس اسبوع كتير اوى
جاسر: كل يوم هكلم فيديو و مش هحسسك انى بعيد عنك متقلقيش
لين: بجد
جاسر: طبعا يا روحى
مياده: لا يا بابا انت و هى قدامنا بلاش روحى و قلبى و الحاجات دى لحظوا اننا سنجل انا و اخويا
جاسر بضحك: حاضر يا فندم
لين: احمد ممكن طلب
احمك: طبعا
لين: ممكن مياده تفضل معايا النهارده
احمد: اشمعنا
لين: حنين جايه النهارده و انا عايزه نتجمع كلنا بليز
جاسر: وافق ياعم و اهو بالمره ترتاح من صداعها
مياده: انا صداع يا ميدو
احمد: الصراحه اه بس احلى صداع
مياده: حبيبى ياخويا يا مشرفنى
لين: المهم موافق ولا ايه
احمد: ياستى موافق
لين: ايوه كده يعيش احمد يعيش
احمد: و ربنا مجنونه
و قعدوا يتكلموا و يضحكوا بعد كده لين خدت مياده و راحوا البيت
لين: ماما ماما
داليا: عايزه ايه يا مصيبه
لين: مفيش يا دودو بقولك بس انى جيت و مياده هتبات معايا النهارده
داليا: و ايه الجديد ما ده يعتبر بيت مياده التانى عامله ايه يا مياده
مياده: الحمدلله يا طنط و حضرتك
داليا: تمام يا حبيبتى ادخلوا غيروا هدمكوا على ما الغدا يجهز و تكون حنين و حسن جم
مياده و لين: ماشى
دخلوا غيروا هدومهم و قعدوا شويه يتكلموا و بعد كده حنين جت و بعدين حسن بابا لين جه و الكل اتجمع على السفره
حسن: ها يا بنات عاملين ايه
الكل: تمام
حسن: و حبيبة جدو ريم عامله ايه
ريم: تويسه يا ددو
حسن: قلبى جدو انتى
لين: لاحظ ان فى ناس بتغير هنا
حسن: ده انتى الحته الشمال يا بت
لين: حبيبى يا سحس يا عسل انت
حنين: لين بعد الغدا نبقى نقعد نتكلم مع بعض
لين: بصى خليها بكره لانى لازم انام بدرى لان ورايا مشوار بدرى
داليا: مشوار ايه
لين: مشوار تبع الكليه يا ماما
و بعد الغدا قعدوا كلهم يتكلم و يرغوا و بعدين الكل دخل ينام
تانى يوم
لين صحيت و صحت مياده و لبسوا و نزلوا راحوا على المطار كان جاسر مستنيهم هناك
جاسر: هتوحشينى يا صغنن
لين: و انت كمان هتوحشنى اوى
جاسر: احمد خلى بالك منها
احمد: متقلقش يا زميلى دى فى عينى
ودع جاسر الكل و بعد كده راح يخلص الاجراءات
نورهان: دادى ممكن طلب
صالح: طبعا يا حبيبتى
نورهان: انا عارفه ان فى شغل بينك و بين عيله مهران صح
صالح: صح
نورهان: بصراحه يا دادى انا بحب جاسر و كنت عايزاك تعمل شرط انى انا و هو نتجوز و لو الشرط ده متنفذش الشغل هيبوظ
صالح: من عينى يا حبيبة بابى انا اساسا كنت بفكر فى كده
نورهان: ميرسى يا بابى
#نهايه_الفصل_الثانى