بعد ما لين ودعت جاسر فى المطار روحت على البيت و مياده راحت بيتها و احمد راح الشغل
لين: انا جييييت
حنين: كنتى فين يا لين
لين: مانا قولت كان عندى مشوار تبع الكليه
حنين: و راجعه بدرى ليه
لين: عادى خلص و جيت
حنين: تعرفى انك اول مره تكدبى عليا
لين: فى ايه يا حنين
حنين: فى انك بتكدبى عليا
لين و هى منزله رأسها لتحت: انا اسفه
حنين: كدبتى عليا ليه
لين: مكنش قصدى بس كنت خايفه تمنعينى
حنين: امنعك من ايه
لين: انى اروح اودع جاسر فى المطار
حنين: هو مسافر
لين: ايوه عنده شغل فى امريكا هيقعد اسبوع
حنين: اهاا بس على فكره مكنتش همنعك لانى عارفه قد ايه بتحبوا بعض و نفسى الموضوع بتاعكوا يمشى و تتجوزوا
لين بحزن: و انا كمان نفسى
حنين: ليه باين عليكى الحزن
لين: مش عارفه بس قلبى مقبوض حاسه ان هيحصل حاجه تبعدنى عنه
حنين: إن شاء الله خير ي قلبى متقلقيش
لين: بقولك ايه ما تيجى ننزل نقعد على البحر
حنين: يلا
راح صالح عند مصطفى
عند البوابه وقفت عربيه صالح
صالح للامن: قولوا لمصطفى ان صالح عايزه
الامن: نقوله صالح مين
صالح: صالح الدمنهورى
الامن اتصل بالخدمه و قالها
الخدامه: مصطفى باشا فى واحد اسمه صالح الدمنهورى عايز حضرتك
مصطفى بأستغراب: و ايه اللى جايبه ده
مصطفى: خليهم يدخلوه بسرعه
الخدامه: حاضر
بلغت الخدامه اللمن انهم يدخلوه و مصطفى انتظاره
مصطفى: اهلا اهلا صالح باشا
صالح: اهلا بيك يا مصطفى باشا
مصطفى: اتفضل يا باشا نقعد فى المكتب
مصطفى للخدامه: اتنين قهوه مظبوط
الخدامه: حاضر يا فندم
صالح: بص يا مصطفى على رأى المثل اخطب لبنتك و متخطبش لابنك صح ولا صح
مصطفى: صح يا باشا
صالح: طب انا عايز ابنك جاسر لبنتى نورهان
مصطفى بأبتسامه خبيثه: ده احنا لينا الشرف يا باشا بس البنت ايه رأيها
صالح: البنت موافقه اهم حاجه العريس
مصطفى: و العريس هيلاقى احسن من بنتكم فين بس يا باشا
الخدامه دخلت عليهم بالقهوة و حطتها و طلعت
صالح: خلاص هتيجوا امتى عشان نتمم الموضوع
مصطفى: جاسر بس مسافر لمده اسبوع اول ما يرجع هفتحه فى الموضوع و احدد معاك معاد
صالح: خلاص هنتظر رد خلال اسبوع و اتمنى يكون جاسر معندهوش مانع لان لو عنده هتزعل انت و هو
مصطفى: متقلقش يا باشا
صالح: تمام
احمد بعد ما خلص شغل اتصل بمياده و قالها تنزل تقابله
مياده: ليه عايز ايه
احمد: لما تنزلى هقولك
مياده: اصل انا مكسله انزل الصراحه
احمد: هجبلك حاجات حلوه
مياده: اذا كان كده ماشى
و لبست مياده و نزلت لأحمد و اتقابلوا
مياده: حضرتك يعنى مكنش ينفع تيجى تغير هدومك و تاخدنى بالعربيه بتاعتك بدل المشوار ده
احمد: مزاجى كده كيفى كده
مياده: طول عمرك غلس
احمد: مش انتى اختى لازم ابقى زيك
مياده: نينينينينيني اخلص عايز ايه
احمد: قوليلى ايه الحاجات اللى لين بتحبها بالظبط
مياده: ليه
احمد: انتى مالك
مياده: بدل انا مالى بتسألنى ليه
احمد: بطلى غلاسه و قولى
مياده: مش هقول غير لما تقولى ليه
احمد: هقولك بس توعدينى انك متقوليش للين
مياده: عم سرك فى بير مخروم
احمد: طمنتينى
مياده: ها قولى ليه بقا
احمد: جاسر عايز يعمل للين مفاجأه لعيد ميلادها و قالى اشوف مكان و اظبط لعيد ميلادها
مياده: واو بجد انا مستعده اساعدك طبعا
احمد: ماشى ياختى قوليلى هى بتحب ايه و فكره جلوه نعملها
مياده: بص يا سيدى هى بتحب الاجواء الرومانسيه بتحب الليل و الورد بجميع انواعه و عشقها الاول و الاخير هو البحر فأحنا بقى ممكن نعمل حاجه جميله
احمد بتفكير: ايه هى
مياده: بص يا سيدى احنا نعملها مرجيحه قصاد البحر و نحط ورد احمر عليها و نحط ورد على الارض من الداخله لحد المرجيحه و نرسم الورد على شكل قلب و من الجناب نحط شمع و نحط ترابيزه و كراسى بس كده
احمد: هاتى دماغك ابوسها بالافكار القمر ده
مياده: لا انا عايزه فون جديد
احمد: بس كده انتى تؤمرى
مياده: حبيبى يا ميدو
عند لين
حنين: انتى ليه حاسه انه هيبعد عنك
لين: مش عارفه الاحساس ده ملازمنى بقاله يومين بس مبحبش افكر فيه بس لما جاسر سافر النهارده حسيت انه هيحصل
حنين: احساسك غريب بس ان شاء الله هتفضلوا مع بعض يا قلبى على طول
لين بحزن: يارب يارب
حنين: على فكره ماما كش عاجبها علاقتك بيه
لين: ليه
حنين: حاسه انه هيفصل يعلقك بيه و بعد كده هيسيبك خايفه انك تتعبى بسببه
لين: ماما عندها حق هو لو سبنى انا ممكن يحصلى حاجه ده هو حبى الاول و الاخير كنت بشوفه زمان مع احمد بس كنت بشوفه من بعيد لبعيد و بعدين ايميله بقا يظهر قدامى على الفيس لاقيت نفسى بتشدله ساعتها قولت لنفسى ايه الهبل ده و حاولت مفكرش فيه لحد ما لاقيته بيكلمنى كنت فرحانه و مبسوطه و خايفه فرحانه و مبسوطه عشان الشخص اللى معجبه بيه بيكلمنى و خايفه انه يكون جى يتسلى و انا ماليش فى التسليه كنت خايفه ادخل اول تجربه حب ليا و بعد كده تفشل و لحد الان خايفه يبعد و يسبنى ساعتها انا ممكن اموت وراه و لو عشت هكون عايشه بس من غير روح
حنين: يا حبيبتى انا عارفه انتى بتحبيه قد ايه و عشان كده بتمنى انكوا تفضلوا مع بعض و علىىطول بدعى بكده بس مش عارف بكره مخبى ايه
لين بتنهيده: صح عندك حق محدش عارف بكره مخبى ايه
عند دولت
مصطفى فضل يحكى لدولت على اللى قاله صالح و قد ايه هو مبسوط بالموضوع ده
دولت: لا يا مصطفى انا مش موافقه على اللى بيحصل ده انت كده بتكسر قلبين مالهمش علاقه باللعبه دى
مصطفى: جاسر مستقبله مع نورهان بنت صالح
دولت: بس هو مبيحبهاش هو بيحب لين ليه تكسروا قلبها البنت زنبها ايه
مصطفى: انا ماليش دعوه بلين دى انا ليا ان مستقبلنا يبقى احلى
دولت: ابنك هينطفى من الجوازه دى
مصطفى: بعد كده هيعرف انى على حق و ان الجوازه دى مكسب لينا كلنا
دولت: انا مبقتش فهماك
مصطفى: مش مهم تفهمى دلوقتى بكره هتفهمى
دولت: ربنا يستر ربنا يستر
عند داليا
كانت قاعده بتلعب مع حفيدتها شويه و دخلت لين و حنين
داليا: كنتوا فين
حنين: كنا بنتمشى على البحر
داليا: يبقى لين كانت زعلانه صح
لين: اشمعنا قولتى كده
داليا: لانى بتحبى و انتى زعلانه تروحى تقعدى قدام البحر
حنين: لا عادى يا ماما احنا كنا بنتمشى عادى
داليا: بجد
لين: طبعا يا مامى متقلقيش. انا هدخل انام شويه عشان اسهر معاكوا بالليل
داليا و حنين: ماشى
دخلت لين اوضتها قعدت شويه على السرير و فضلت سرحانه مش عارفه مالها و بعد كده خدت هدومها و راحت تاخد دوش و طلعت نامت فضلت تتقلب على السرير شويه لحد ما نامت
فى الحلم
لين كانت ماشيه فى قاعه كانت مستغربه ايه جابها القاعه دى و بتبص حواليها لاقت كبار البلد موجودين فى القاعه و بتبص لاقت حنين و مياده واقفين و نبصوا عليها و عيونهم مليانه حزن
لين: مالكوا انتوا زعلانين ليه و احنا ليه هنا
مياده: متزعليش يا قلبى ربنا هيعوضك بالاحسن منه
حنين: انتى تستاهلى واحد يشيلك فوق رأسه
لين: هو فى ايه انا مش فاهمه حاجه
مياده لسه هتتكلم لاقت زفة داخله لين بتبص على الزفه لاقت جاسر لابس بدله و فى ايده واحده غيرها بفستان أبيض وقفت مصدوم راحت قربت منهم عشان تتأكد لاقيته فعلا جاسر و ماسك واحده فى ايده مش عارفه تحدد ملامحها
العروسه: ايه ده لين انتى جيتى
لين: جاسر انت بتتجوز حد غيرى
جاسر: امشى يا لين امشى من هنا انتى ايه جابك اصلا
لين: انت ازاى تتجوز من حد غيرى ازاى
العروسه: ايه الكلام ده اتفضلى امشى متبوظيش فرحى
لين: انتوا بتعملوا فيا مقلب صح
جاسر: بودى جارد خد الهانم دى طلعها بره
لين: لا يا جاسر متعملش كده متسبنيش انت كده بتموتنى
فى الواقع
داليا و حنين سمعوا صويت جى من اوضة لين طلعوا يجروا
لين بنوم: لا يا جاسر متسبنيش لاااااا متعملش فيا كده انت كده بتموتنى جاااااااسر متسبنيش
حنين: لين اصحى يا حبيبتى ده كابوس اصحى يا لين
داليا: لين اصحى يا بنتى متقلقنيش عليكى
حنين فضلت تهز فيها لحد ما صحيت
لين بخضه: فى ايه ايه اللى حصل
داليا: مالك يا بنتى كنتى بتصوتى فى حلمك ليه
لين: متقلقيش يا مامى انا بخير
داليا: بجد يا قلب مامى
لين: ايوه يا حبيبتى متقلقيش بس ممكن تسبونى لوحدى شويه
داليا و حنين بقلق: ماشى
قامت لين من السرير جابت اللاب و اتصلت بجاسر فضلت تتصل كتير مبيردش قعدت على السرير فضلت تعيط جامد و اكن فى حد مات عندها شويه و لقت جاسر بيتصل ردت بسرعه
لين: كنت فين يا جاسر
جاسر: كنت باخد دوش عشان لسه واصل بس مالك عينك منفوخه كده ليه كنتى بتعيطى صح
لين بدموع: لا مفيش
جاسر بخضه: مالك يا لين بتعيطى ليه متقلقنيش عليكى
لين فضلت تعيط جامد و بعدين حكيتله على الحلم و فضلت تعيط اكتر
جاسر: يا حبيبتى ده مجرد كابوس متقلقيش انا مش هبقى لحد غيرك
لين بعياط: الحلم وجعنى اوى يا جاسر
جاسر: يا قلب جاسر جاسر مش هيبقى غير ليكى
لين: بجد يا جاسر
جاسر: بجد يا عيون جاسر يا قلب جاسر من جوه
و فضل جاسر يتكلم مع لين لحد ما طلعها من جو الحزن اللى فيه و بعد كده ناموا
عد اسبوع على ابطالنا احمد و مياده بيجهزوا المفاجأة و جاسر و لين كانوا يوميا بيتكلموا مع بعض اما مصطفى فكان بيفكر ازاى يخلى جاسر يوافق على الجواز و جه يوم وصول جاسر بس مقالش للين
مياده: عشان خاطرى يا طنط وافقى ان لين تبات عندى النهادره
داليا: قولى لعمك حسن
حنين: وافقه يا ماما بابا لو انتى وافقتى مش هيقول حاجه
داليا: بس تيجى بكره الصبح
لين: حاضر يا مامى
مياده: ميرسى جدا جدا يا طنط بجد
خدت مياده لين و راحوا على بيتهم
مياده: لين احنا عندنا فرح النهارده
لين: فرح مين
مياده: ناس صحاب جاسر و احمد بس احمد عايز ياخدنا معاه
لين: عشان كده عايزانى ابات عندك
مياده: بالظبط يلا نجهز بقا
و فضلت مياده تجهز لين و ظبطتها اخر تظبيط و بعدين لبست هى شويه و جه احمد لبس و راحوا معاه
لين: فرح مين يا احمد
مياده: مش قولتلك صحاب جاسر و احمد
لين: ايوه يعنى اسمهم ايه
احمد: ادم و مى
لين: اممممممم
شويه و احمد وقف العربيه على الكورنيش
لين: الفرح فين
مياده خدت طرحه سوده و لفت عين لين بيها
لين: انتى بتعملى ايه يا مياده شيلى اللى على عينى ده
مياده: يا ستى بس امشى معايا
لين: افهم ليه
احمد: امشى و انتى ساكته
فضلت لين ماشيه على خطوات مياده لحد ما نزلوا تحت و شالت مياده الطرحه
لين بتبص لاقت جاسر واقف و ماسك بوكيه ورد
لين بصويت: جاااااسر
و طلعت تجرى عليه تحضنه
جاسر: وحشتينى اوى يا قلبى
لين: و انت كمان وحشتنى اوى بجد
جاسر: كل سنه و انتى طيبه و معايا يا قلبى
لين: و انت معايا يا حبيبى
مياده و احمد: كل سنه و انتى طيبه يا لين
لين بفرحه: و انتوا طيبين
جاسر: ايه رأيك فى المرجيحه دى
لين: جميله اوى
جاسر: انا خليت احمد يشتريلك المنطقه دى و كتبتها بأسمك
لين بفرحه: بجد
جاسر: طبعا يا قلبى
لين بفرحه: ربنا يخليكى ليا يارب يا قلبى
احمد: طب يلا نحتفل ولا ايه
الكل: يلا. هآبي بيرث دي تو يو تشا تشا تشا
هابي بيرث دي تو يو تشا تشا تشا
وهآآآآآبي بيرث دي وهآآبي بيرث دي هآآآآبي بيرث دي تو يو
سنه حلوة يا جميل
سنه حلوة يا جميل
سنه حلوة سنه حلوة
سنه حلوة
كل عام وانت بالف الف خير
وعقبال 100 سنه
لين كانت فرحانه و مبسوطه و بعدين جاسر قعد على ركبته و طلع خاتم من جيبه
جاسر: تقبلى تتجوزينى يا لين
#نهايه_الفصل_الثالث
أنت تقرأ
حب لا ينتهى
Romanceنبذه الحب مبينتهيش حبك الكبير لشخص مبيقلش مع مرور الايام ولا بيتنسى بتفضل فاكر كل حصلت فى علاقتكم و كلامكم و حبكم لبعض و مهم حاولت تنسى مش هتنسى لان حبك كان حقيقى و الحب الحقيقى مبيتنساش ولا بينتهى اه كل واحد راح لحاله بس بيفضل الحب معشش فى قلوبنا و...
