جاسر: تتجوزينى
لين بصت لجاسر بصدمه و مكنتش عارفه تتكلم و قاعده تبص على صحابها و ابوها و امها مكنتش عارفه تستوعب اللى بيحصل و بدأت الاصوات حواليها تقولها وافقى وافقى رجعت تبص لجاسر تانى
لين بفرحه و دموع: طبعا موافقه
جاسر لبسها الخاتم فى ايديها و بعدين شالها و لف بيها وسط فرحة و تسقيف الكل و بعد اشتغلت اغنيه أجمل نساء الدنيا و بدأ هو لين يرقصوا عليها و الكل بيسقف و فرحان و بعد ما الرقصه خلصت الكل اتجمع حواليهم و بدأت المباركات
مصطفى: مبروك يا ولاد و سامحينى يا لين انا السبب فى بعدكم عن بعض
لين: حصل خير يا عمو و ادينا رجعنا لبعض
مصطفى: ربنا يخليكوا لبعض يارب
لين: و يخليك لينا يارب
حسن: متزعليش منى يا لى لى بس خطيبك هو اللى خططت لكل ده و خلانى اعمل كده
لين: مقدرش ازعل منك يا ابو على يا عسل انت
حسن بضحك: تربيتى
يامن جه من ورا نورهان و همس فى ودنها
يامن: عقبالك كده
نورهان اتخضت و بصت وراها لاقيته
نورهان: فى ايه ياعم خضتنى
يامن: اتخضيتى يا بطه
نورهان: عايز ايه يا يامن
يامن: ينفع نبقى صحاب
نورهان بأبتسامه: ينفع
يامن بفرح: هاتى رقمك طب
نورهان بأبتسامه: طيب اكتب عندك
و الاتنين خدوا ارقام بعض و جت فرقه موسيقيه و بدأ الكل يعنى و يرقص الطريق ده على البحر كان مقفول بقرار من المحافظ عشان مفاجاة جاسر للين فى نهاية السهره الصواريخ ملت المكان و خدوا صوره جماعيه مع بعض كلهم
جاسر: يا جماعه خلال اسبوعين و زى النهارده هيبقى فرحنا و كتب الكتاب قبلها بيوم
لين: بس انا مش جاهزه
جاسر: متقلقيش كله هيجهز فى ثوانى
لين: ماشى
بعد كده الحفله خلصت و الكل روح و لين فضلت تلف و ترقص فى البيت و تحضن الكل و الكل كان فرحان لفرحتها
لين بفرحه: حنين كلمى ايمن بقا ينزل من لندن عشان يحضر فرحى
حنين: حاضر هكلمه دلوقتى اقوله
لين: ماشى
لين برقص: ادلعى يا عروسه انا العريس يا عروسه يا عروسه انا العريس لولولولولولولولولولى
حسن بضحك: بنتك اتجننت يا داليا
داليا: اول مره اشوفها مبسوطه كده من سنين
حسن: ربنا يكمل فرحتها على خير
لين: انا دخله اوضتى باى
الكل بضحك: باى
دخلت لين اوضتها فضلت تبص على نفسها بالفستان و تلف بيه و فضلت تتصور سلفى كتير و بعدين راحت خدت شاور و غيرت هدومها و اول ما طلعت لاقت جاسر بعتلها رساله( بحبك يا أغلى من حياتى ) ابتسمت و بعدين اتصلت بيه
لين: و انا كمان بحبك اوى
جاسر: يااااه يا لين مش مصدق ان خلاص هتبقى مراتى
لين: ولا انا مصدقه حاسه انى بحلم بس الحلم جميل لدرجة انى مش عايزاه يخلص
جاسر: يا قلبى يارب كل حياتك تبقى جميله و تبقى معايا
لين: قلبى الا صح احنا هنعيش فين
جاسر: لا دى بقا مفاجأة
لين: ايه ده يعنى مش هعرف ان هسكن فين
جاسر: مفاجأه و متقلقيش هتبقى جميله اوى البيت هيعجبك موت
لين بفرحه: بجد
جاسر: اه و الله
لين: خلاص هستنى
جاسر: ماشى
و عدت الايام و الكل بدأ ينشغل بتحضيرات الفرح و الحنه و كتب الكتاب و البنات كانوا على طول عند لين و بينزلوا يشتروا لبس و حاجات للين و اشتروا فساتين الفرح و كتب الكتاب و الفساتين الهندى بتاعت الحنه و اتفقوا مع فرقه نوبيه و فرقه نوبيه عشان الحنه و جاسر كان مشغول بتحضيرات الفيلا و القاعه و كتب الكتاب و كان بيخلص شغله عشان الاجازه بتاعت شهر العسل
و جه يوم الحنه
كانوا البنات فى الفيلا اللى حسن أجرها عشان الحنه كانوا بيرسموا الحنه و بيلبسوا عشان يتصوروا سيشن مع بعض لين لبست سارى هندى كان عن جيبه نبيتى منفوشه و من فوق تيشيرت لحد البطن و بأكمام طويله لحد الكوع لونه نبيتى و عليه طرحه طويله لحد الجيبه و كلهم مطرزين تطريز باللون الدهبى و لبست مجوهرات هندى عليه و بقيت عروسه هنديه و حنين و دنيا و مياده و نورهان و نور كل واحد لبست سارى و كان لون موحد اللى هو الدهبى و طلعوا يتصوروا السيشن و بعد كده الضيوف بدأت تتجمع و لين طلعت قعدت على الكرسى المخصص ليها و بدأت مراسم الحفله و دخلت الفرقه الهنديه و فضلوا يرقصوا و قوموا لين ترقص معاهم و البنات قامت و الصواريخ ضربت فى السما و الدنيا كانت حلوه خالص و بعد كده البوفيه اتفتح للمعازيم و البنات دخلت تلبس نوبى و طلعوا و جت الفرقه النوبيه و فضلوا يغنوا و يرقصوا نوبى و اتصور باللبس النوبه و بعدين دخلت غيرت هدومها للبس اسكندرانى و رقصت بيه على اغانى اسكندرانى و بعدين دخلت لبست فستان منفوش و كب لونه كشمير و غيرت فورمة شعرها و طلعت فضلت ترقص و تغنى و صحابها دخلوا عليها بتورته فيها صورهم و بوستر صور كبير ليهم كلهم و شغلوا اغنيه اجدع صحاب و بدأت الصواريخ تضرب فى السما و حضنوا كلهم بعض
لين: ربنا يخليكوا ليا يا أحلى حاجه حصلتلى فى الدنيا
و بعد كده الحفله خلصت و كل البنات كانوا متجمعين عن لين فى البيت
دنيا: حقيقه اليوم كان تحفه اوى
نورهان: ايوه كان فظيع و رقصنا كتير اوى
مياده: بس فكرتك بتاعت التورته و الصور كانت جميله اوى
لين: هى فكرة نورهان
حنين: ايوه
نورهان: عجبتك ولا لا
لين و هى بتحضنها: عجبتنى جدا شكرا يا روحى
نورهان بفرحه: مبسوطه انها عجبتك يا قلبى
كانت لين هتتكلم بس تليفونها رن سابتهم و طلعت البلكونه
لين: ايوه يا قلبى
جاسر: عامله ايه يا روحى
لين: الحمدلله و انت
جاسر: تمام و الله اخبار الحنه
لين: كانت تحفه تحفه بجد
جاسر: ازاى احكيلى
بدأت لين تحكى الأحداث اللى حصلت فى الحنه و تحكيله قد ايه هى طايره من الفرحه
جاسر: مبسوط انك انبسطتى و فرحتى يا قلبى
لين: انا مبسوطه انى أخيرا هبقى مراتك
جاسر: و انا جدا و الله قوليلى بقا نفسك فى ايه قبل ما تدخلى عش الزوجيه
لين: اقولك بس متضحكش عليا
جاسر: قولى
لين: نفسى تيجى تاخدنى بكره بالليل و تكون راكب موتوسيكل و احكى اركب وراك و نلف بيه على البحر و ارقص انت و انت على موسيقى فى الشارع و نأكل ايس كريم
جاسر: انا قولت بردو انها هتطلع احلام متخلفه
لين بضحك: حبيبى شكرا على ثقتك الغاليه
جاسر بضحك: على الرحب و السعه
لين: ماشى شكرا شكرا مش هقولك احلامى تانى
جاسر بضحك: ياريت
لين بضحك: خلاص يا عمنا
جاسر: عمنا انتى بقيتى سرسجيه
لين: اه عاجبك ولا مش عاجبك
جاسر: لا عاجبنى و نص
لين: ايوه كده بحسب
جاسر: لا متحسبيش تانى
لين بضحك: حاضر
جاسر: هسيبك مع صحابك بقا
لين: ماشى يا حبيبى سلام
جاسر: سلام
طلعت لين للبنات و فضلت يتكلم و بعد كده ناموا
تانى يوم الصبح
البنات صحيوا خدوا شاور و طلعوا يفطروا مع حسن و داليا فى جو عائلى جميل و الضحك كان مالى العماره و العماره كلها اتزينت بأنوار الفرح بعد الفطار جت الكوافيره لبست لين فستان ابيض قط رفيع و بكم طويل نازل من الكتاف و نازل بنفشه بسيطه و رقيق خالص و قررت الكوافيره تسيب شعرها مفروض و حطتلها ميكاب خفيف خالص و البنات جهزوا و بعد كده جت زفة العريس و طلع جاسر عشان ياخدها و يروحوا يتصوروا السيشن على البحر قبل ما يروحوا كتب الكتاب اول ما جاسر طلع الشقه و البنات و داليا فضلوا يزغرطوا حضن جاسر لين و اداها بوكيه ورد و بجد كده خدها و نزل و الكل وراهم و كله ركب العربيات راحوا على يخوت اللى هتنقلهم للجزيره و لين و جاسر راحوا المكان اللى هيتصوروا فيه لين اول ما وصلت عند البحر جريت عليه و فضلت تتكلم معاه فى سرها
لين فى سرها: وحشتنى اوى يا بحرى عارفه انى غبت عنك كتير بس رجعتلك بمفاجأة عارف ايه هى انا هبقى مرات جاسر أخيرا هتجوز معشوقى تعرف انا مش مصدقه نفسى حاسه انى بحلم بس حلمى جميل اوى و مش عايزه اصحى منه الفرحه مش سيعانى انا مبسوطه اوى يا بحرى عارفه انك مبسوط و فرحان بيا انا بحبك اوى يا بحرى
جاسر: لين يلا عشان هنبدأ التصوير
لين: يلا يا حبيبى
بدأوا يصوروا السيشن و اتصوروا بكذه وضعيه و بعدين المصور جاب حمامتين و اتصوروا بيهم و بعدين طايروهم و بعدين جابوا ازازتين ازاز و ورقتين و كل واحد كتب فى الورقه رساله
رسالة لين: جاسر معشوقى الاول و الاخير اخيرا حلمى اتحقق و بقيت مراتك هفضل على طول بشكر ربنا على انه رزقنى بيك و هفضل طول عمرى بحبك انتى كل ما أملك بحبك اوى
رسالة جاسر: لى لى معشوقتى و كل ما أملك بحمد ربنا اننا رجعنا لبعض و اخيرا هتبقى زوجتى اوعدك انى اخلى كل حياتك سعادة بحبك اوى
و بعد كده كل واحد حط الرساله فى الازازة و اتصوروا و هما بيرموهم فى البحر بعد ما خلص السيشن خدها جاسر و راحوا اليخت اللى هيوصلهم الجزيره و المصورين معاهم كان اليخت مزين بزهور لين المفضله و اول ما ارقب اليخت للجزيره اشتغلت اغنيه و أخيرا لتامر حسنى و لين فضلت ترقص و جاسر معاهم و نزلوا من اليخت كان معمول ليهم ممر بالورد و الشموع و بعدين دخلوا على الترابيزه و بدأت مراسم كتب الكتاب المأذون اتكلم و بعدين العريس و ابو العروسه و بعد كده المأذون قال ( بارك الله لكما و بارك عليكما و جمع بينكما فى خير ) بعد كده المأذون شال المنديل و بعدين جاسر راح خد لين فى حضنه و فضل يلف بيها و اشتغلت اغنيه اتحدى العالم و رقصوا عليهم سلوا و بعد كده اشتغلت اغنيه فرحه و بعدين اشتغلت اغانى مهرجانات و الكل رقص و هيص و الفرحه كانت ماليه وجوه الكل و بعد ساعات كله راح بيته و البنات و لين رجعوا بيته و بعد ساعه جاسر كلمها
لين: الو يا حبيبى
جاسر: عامله ايه
لين: تمام
جاسر: بصى كده من البلكونه
لين: ليه فى ايه
جاسر: بصى بس
لين: حاضر
طلعت لين البلكونه و بصت لاقت جاسر راكب موتوسيكل
لين: ايه ده يا مجنون
جاسر: كل اوامر اميرتى مجابه
لين بفرحه: انت بتتكلم بجد
جاسر: انتى اتمنيتى و انا حققت يلا البسى و انزلى
لين: ثوانى و هبقى عندك
لين طلعت تجرى على اوضتها ترقصى و تغنى
البنات: فى ايه
لين: جاسر جاب موتوسيكل و هياخدنى يفسحنى بيه
نورهان: ايوه ياعم يابختك
نور: اوعدنا يارب
سابتهم لين و غيرت هدومها و نزلت تجرى على تحت
جاسر: يلا اركبى
لين: حاضر
ركبت لين ورا جاسر و حضنته من ورا و بعدين جاسر بدأ يسوق و شغلوا اغنيه حبيبى بالبنط العريض و نزلوا فضلوا يرقصوا عليها فى الشارع و بعد كده فضلوا يلفوا بالموتوسيكل و لين كانت بتضحك و مبسوطه و لحد ما وصلوا العماره و نزلوا من الموتوسيكل
لين حضنت جاسر: حقيقه شكرا ليكى اوى اوى يا جاسر
جاسر: يا قلبى انتى تحلمى و انا انفذ
لين: ربنا يخليك ليا يا حبيبى
جاسر: و يخليكى ليا يا قلبى
لين: يلا باى
طلعت لين فوق لاقت الكل نام غيرت هدومها و خدت شاور و نامت
تانى يوم الصبح
لين كانت نايمه البنات جابوا طبله و فضلوا يغنوا
البنات: يا عروسه يا عروسه انا العريس افرحى يا عروسه انا العريس
لين صحيت و غنت و رقصت معاهم و بعد كده دخلت خدت شاور و البنات جهزوا و فطروا و راحوا الاوتيل اللى هيعملوا فيه الميك وصلوا و طلعوا السويت بتاع لين و جت الكوافيره و بدأ تشتغل و جاسر و الشباب كانوا فى السويت اللى جمبهم لين لبست فستان بكم شفاف و مطرز و منفوش من عند الوسط و بديل طويل و كان مطرز تطريز بسيط و رقيق و عملت شعرها فورمه شيك و بسيطه و لبست طرحه بطول الفستان و حطت ميكاب بسيط و جميل و البنات لبسوا فساتين كلهم شبه بعض لونها ازرق سماوى و نورهان كان زيهم و الحجاب زادها جمال جه جاسر خد لين عشان يتصوروا السيشن و بعد كده طلعت اوضتها شويه و البنات نزلوا و جه حسن عشان ياخدها و يسلمها لجاسر
حسن: بسم الله ما شاء الله طول عمرك جميله و النهارده أجمل بكتير أخيرا هشوفك عروسه
لين: طلعالك يا بابى
حسن: ربنا يخليكى ليا يا حبيبة بابى و يحميكى يارب
لين: و يخليك ليا يا بابى
حسن: مستعده
لين: ايوه
خد حسن لين و نزل بيها استقبالهم شخص من الاشخاص اللى مظبطين ديكور القاعه و دخلهم من الحته اللى هيدخلوا منها القاعه جوا فى القاعه كان جاسر واقف و جمبه من اليمين دولت و من الشمال مصطفى و عند باب دخول العروسه كانت حنين واقفه من ناحيه الشمال و داليا من ناحيه اليمين و أشتغلت موسيقيه ناريه تنوه عن الاستعداد لدخول العروسه و اتفتح الباب كانت ديكورات القاعه جميله و ملوكى و دخل حسن بلين و كل الناس اللى فى القاعه بدأت تسقف قرب جاسر و معاه بوكيه الورد سلم على حسن و بعدين باس رأس لين و اداها البوكيه و انكجها و اول ما بدأوا يدخلوا اشتغلت اغنيه طولى بالابيض و مشيوا لحد الكوشه و حنين ايمن راح خدها و انكجها و حسن راح انكج داليا شويه و الديجى أعلن عن رقصة السلو مد جاسر ايده على طريقه الامراء و لين مدت ايديها على طريقه الاميرات و راحوا يرقصوا على اغنيه نشيد العاشقين زى فيلم سندريلا و بدأ الدخان حواليهم و كانت رقصتهم خرافه و بعد كده اشتغلت مهرجانات و الكل اتجمع و بقا يرقص و يغنوا مع لين و جاسر و الاجواء جميله و اتفتح البوفيه اول ما اتفتح البنات خدت لين و طلعوا عشان تغير الفستان لبست فستان بكم و مفتوح من عند الصدر و منفوش سنه بسيطه خالص تكاد لا تذكر مطرز تطريز شيك و فردت شعرها و لبست تاج و خدت البوكيه الجديد و جاسر غير البدله و جه خدها و نزل القاعه و بعدين حسن راح خد لين و رقصوا على اغنيه بنتى و حبيبتى و اول ما خلصت الرقصه الكل سقف و لين باست ايد حسن و اشتغلت مهرجانات تانى و الكل هيص و انبسط و جه اخر رقصه سلو فى الفرح و الديجى دعى الكابل يرقصوا مع العرسان مياده و زين حنين و ايمن دنيا و احمد حسن و داليا مصطفى و دولت صالح و هاله
يامن لنورهان: تسمحيلى بالرقصه دى
نورهان بكسوف: ماشى
الكل رقصوا على اغنيه و ماله و الكل كان بيرقص بشكل جميل و كانت عيونهم مبينه حبهم لبعض و خلص الفرح و بدأت زفة العرسان و الصواريخ ملت الشوارع هى و ضرب النار لين مكنتش تعرف اي حاجه عن بيتها الجديد لحد ما راحوا لمنطقه على البحر فيها بيت وحيد جميل اوى من بره بصت لجاسر بعدم فهم
لين: احنا جينا هنا ليه
جاسر: بيتنا الجديد
لين بصدمه: بتهزر
جاسر: لا انا حبيت بيتنا يبقى فى وش البحر عشان متبعديش عن محبوبك
لين حضنت جاسر جامد: شكرا اوى بجد
و نزلت من العربيه تشوف بيتها اللى خطفها مكنش بيفصل البيت عن البحر خير حبه صغيرين جاسر اشترى المنطقه دى من البحر و خلاه شاطئ خاص و بنى القصر ده ايام ما لين اختفت لانه كان عنده امل انه فى يوم هترجع و هيعيشوا فى القصر ده الكل لما شاف القصر انبهر من جماله و بعدين سلموا على العرسان و مشيوا اما لين بدأت تستكشف القصر
لين: الله يا جاسر الله بجد زوقك حلو اوى و احلى حاجه انى اول ما اطلع هلاقى البحر قدامى ربنا يخليك ليا يا حبيبى
جاسر: و يخليكى ليا يا قلبى يلا نطلع اوضتنا و ننام
لين: يلا بس الاول نصلى ركعتين لله
جاسر: تمام يلا
دخل كل واحد خد شاور و بعد كده جاسر و لين صلوا و ناموا و كل ابطالنا روحوا بيوتهم و ناموا و ماعدا الكابل الجديد نورهان و يامن كان يامن بيكلم نورهان فون
يامن: كنتى قمر النهارده يا نورتى
نورهان: بجد
يامن: اه و الله
نورهان: تسلملى
يامن: عايز اقابلك بكره عشان اتكلم معاكى فى موضوع
نورهان: خلاص ماشى
يامن: ماشى تصبحى على خير يا نورتى
نورهان: و انت مت اهل الخير
بعد ما يامن قفل مع نورهان نورهان فضلت تتقلب على سريرها و كانت خايف لو يامن اعترفلها بالحب هتعمل ايه و قررت تتصل بدنيا الصبح تاخد رأيها
تانى يوم الصبح
جاسر صحى من النوم خد شاور و بعدين راح عمل الفطار و حطوا على ترابيزه فى الجنينه و حط ورد و راح صحى لين
لين: صباح الخير يا حبيبى
جاسر: صباح النور يا قلبى يلا الفطار جاهز
لين: طب هاخد شاور و البس و انزل
جاسر: ماشى
خدت لين شاور و لبست فستان منفوش و فردت شعرها و نزلت لاقت جاسر فى الجنينه راحتله هناك و بدأوا الفطار
جاسر: احنا هنسافر بعد خمس ساعات
لين: هنروح فين
جاسر: مفاجأه
لين: كل حاجه مفاجأه
جاسر: ايوه يا بنتى انا ملك المفاجأت
لين: ماشى يا سيدى
عند نورهان
صحيت من النوم خدت شاور و لبست هدومها و نزلت تفطر مع اهلها
نورهان: صباح الخير
صالح و هاله: صباح النور
و قعدوا يأكلوا فى صمت
هاله: انتى خارجه النهارده يا نور
نورهان: ايوه يا ماما هكلم دنيا و اروحلها
هاله: تمام
خلصت نورهان الفطار و طلعت الجنينه اتصلت بدنيا
دنيا لاقت اتصال من نورهان ردت على طول
دنيا: الو يا قلبى عامله ايه
نورهان: تمام و انتى
دنيا: الحمدلله
نورهان: دنيا ينفع اجى اتكلم معاكى شويه
دنيا: انتى هبله ايوه طبعا ينفع
نورهان: طب شويه و هجيلك
دنيا: تمام يا قلبى اصلا مياده موجوده كمان
نورهان: طب كويس عشان اخد رأيكوا
دنيا: تمام مستنينك
و قفلوا هما الاتنين
مياده: فى ايه
دنيا: نورهان عايزه تيجى تقعد معانا
مياده: اشطا تمام
دنيا: هما زين و أحمد مشيوا
مياده: ايوه
دنيا: ماشى
نورهان طلعت خدت شنطتها من فوق و نزلت ركبت عربيتها و راحت عند دنيا وصلت و ركنت عربيتها و طلعت فوق خبطت و دنيا فتحت
دنيا: تعالى يا نور
دخلت نورهان و سلمت عليهم و قعدت و دنيا راحت عملت عصير و جابت كيكه و حاجات و قعدوا
مياده: مالك يا نور فى ايه
نورهان: انا خايفه
دنيا: من ايه
نورهان: بصوا انا حاسه ان يامن بيحبنى و اعتقد انه عايز يقابلنى النهارده عشان كده
مياده: و ايه المشكله يامن محترم و كويس جدا
نورهان بحزن: المشكله مش فيه المشكله فيا
دنيا: ازاى
نورهان: ليه ياخد واحده مش كامله
مياده: ازاى بردو
نورهان: يعنى انا مش بخلف مش هقدر اديه الطفل اللى هو هيكون بيتمناه من ربنا ليه احرمه من حاجه حلوه زى دى
دنيا: ما يمكن ليكى علاج و تقدرى تخلفى
نورهان بعياط و حزن: معرفش انا من ساعة ما سمعت كلام الدكتور و انا بموت من جوايا و بحاول اتلاشى الموضوع
مياده خدتها فى حضنها: طب بس متعيطيش و اكيد فى حل و لو فعلا يامن بيحبك عمره ما هيسيبك قوليله مشكلتك و هو يقرر بس اكيد ليكى علاج
نورهان: يارب يكون ليا علاج يارب
دنيا: المهم دلوقتى تبطلى عياط و تتكلمى مع يامن بهدوء و تسبيه يقول اللى عنده و انتى تقولى اللى عندك
نورهان بحزن: انا حبيته انا حبيته من اول ما شوفته بس مكنتش اعرف اننا هنتقابل تانى و نتكلم و لما اتكلمنا حبيته اكتر خايفه يسبنى و ارجع تانى لوحدى
دنيا: لو بيحبك عمره ما هيسيبك بس يامن فعلا شكله بيحبك و مش هيسيبك صدقينى
نورهان: بجد
مياده: ايوه انتوا هتتقبلوا امتى
نورهان: كمان ساعه
دنيا: خلاص ظبطى نفسك كده و اهدى ماشى
نورهان: ماشى
بعد ساعه نورهان مشيت عشان تقابل يامن فى الكافيه اللى قالها عليه و اتقابلوا و يامن طلب قهوة ليهم
نورهان: فى ايه بقا
يامن: بصى يا نورتى انا من ساعة ما شوفتك و انت معجب بيكى و بحبك كنت فى الاول فاقد الامل انى اشوفك و بعد كده قابلتك تانى و بعدين عرفت انك كنتى مرات جاسر بس ده مهمنيش اللى همنى انك طلعتى قريبه منى و هعرف اوصلك و قررت اقرب منك و نتكلم و قربت فعلا و طلعتى شخصيه جميله اوى و كنت فرحان لما لاقيتك لبستى الحجاب و فخور حقيقه انى بحبك
نورهان: انا كمان مش هنكر انى حبيتك من ساعة ما شوفتك و انك سكنت جوايا و فرحت لما طلعت تعرف لين حبيت كلامى معاك و قربك منى و نفسى تفضل معايا على طول بس
يامن: بس ايه
نورهان: يوم ما انقذتنى من الانتحار يوميها عرفت انى عقيمه و مبخلفش ساعتها قررت انتحر بس انت جت انقذتنى و غيرت نظرتى فى الحياة و قررت اكمل حياتى بس اغيرها لصح على فكره انا كمان بحبك بس ليه اظلمك و اخليك تتجوز واحده عقيمه مبتخلفش ليه احرمك من كلمة بابا ليه
يامن: اولا الخلفه دى حاجه بأيدينا ربنا و تبقى هبله لو مفكره انى ممكن اغير رأيى و حبى ليكى عشان الموضوع ده بالعكس انا مصمم انى افضل احبك و مصمم اننا نتجوز انا بحبك يا نورهان و عمرى ما هسيبك اعرفى كده كويس
نورهان: بجد يا يامن
يامن: بجد و بعد مش يمكن يكون ليكى علاج محدش عارف اللى هيحصل بعدين صح ولا ايه
نورهان بأبتسامه: صح
يامن: بحبك يا نورتى
نورهان: و انا كمان بحبك
عند لين
ركبت لين و جاسر الطياره الخاصه بتاعته
لين: مش ناوى تقولى هنروح فين
جاسر: ساعات و هتعرفى
لين: ماشى ياعم براحتك
جاسر: اصبرى
ساعات و الطياره وصلت للمكان المنشود نزلوا و اكتشفت لين انها جزيره فى وسط البحر بس كنت خرافه
لين: جزيره ايه دى
جاسر: دى جزيره اسمها لين اشترتها و سمتها على اسمك و احنا اول اتنين يدخلوها و الجزيره دى كلها تحت امر اميرتى
لين بصدمه و فرحه: بجد يا جاسر
جاسر: اه و الله
لين: انا بحبك اوى اوى بجد
جاسر: و انا بموت فيكى يا قلبى
و عدى شهر كامل كانوا ابطال الروايه كلهم عايشين فى سعاده مياده بطنها بدأت تكبر و تبان و زين مبسوط و دنيا و أحمد مبسوطين بعيالهم و عايشين فى سعاده نورهان عرفت يامن على صالح و هاله و انبسطوا بيه و كل يوم هى و يامن بيقربوا من بعض اكتر و حنين طلعت حامل و مبسوطه بحملها و أيمن اجل سفره و قعد معاها و الكل كان مبسوط
و جه يوم وصول لين و جاسر وصلوا الفجر و كانوا قبلها متفقين مع الكل انهم يتقابلوا عندهم بليل صحيت لين بدرى خدت من شنطتها اختبار حمل كانت جايباه و دخلت الحمام و عملته و طلعت حامل و قررت تعملها لجاسر مفاجأه خدت شاور و بعد كده نزلت حضرت الفطار ليها هى و جاسر و اتصلت بالناس اللى هتيجى تظبط مفاجأة يامن لنورهان و بعدين طلعت صحت جاسر اللى صحى خد شاور و نزل يفطر
جاسر: ها كل حاجه جاهزه
لين: ايوه الناس جت و بتشتغل بره و هيخلصوا قبل ما الكل يجى
جاسر: تمام بس انتى ليه مش بتأكلى
لين: لا انا بأكل اهو
و جه بالليل و الكل اتجمع و لين ساعتها طلبت من واحده تيجى تعملها فى الاوضه مفاجأة لجاسر
نورهان: ايه يا لى لى مش هتفرجينا على الجنينه بتاعتك
لين: حاضر يا قلبى بس شويه كده
شويه و النور قطع و لين حطت لنورهان قماشه على عينيها
نورهان: ايه ده ايه
لين: اسكتى و انتى هتعرفى بس قومى امشى معايا
نورهان: ماشى
لين مسكت نورهان و مشيت بيها و الكل وراهم و اول ما طلعوا الجنينه الصواريخ بدأت و لين شالت القماشه من عيون نورهان نورهان بصت لاقت تورته عليها صورتها و جمبها كل سنه و انتى طيبه بحبك بصت لاقت يامن واقف جمب التورته جريت عليه حضنته و الكل سقف و قالها كل سنه و انتى طيبه يا نورهان و كانت اجواء عيد ميلاد نورهان جميله جدا و بعد كده الكل روح و لين خدت جاسر و طلعوا الاوضه اول ما فتحها لاقى ورد على السرير و بلالين على الارض
جاسر: فى ايه
لين: عندى ليك مفاجأه
جاسر: بجد ايه هى
لين: انا حامل
جاسر بفرحه: بجد احلفى قولى انه بجد
لين بضحك: اه و الله حامل
جاسر خدها فى حضنه و لف بيها: مبروك يا قلبى
لين: الله يبارك فيك يا حبيبى
بعد كده اتصلوا بالكل و قالولهم و الكل فرح و انبسط
و عدت الايام و الليالى و مياده خلفت يوسف و بعدها بشهر خلفت حنين جابت آدم
و فى يوم جاسر كان نايم و لين نايمه جمبها فجأة قامت صوتت
لين بصريخ: اهااااااا الحقنى يا جااااااسر بولد
جاسر صحى مخضوض: ايه فى ايه
لين بصريخ: بولد يا بنأدم بولد اهاااااا
جاسر قام شالها و نزل بيها بسرعه على العربيه و خدها و راحوا المستشفى و فى الطريق اتصل بالكل قالهم
فى المستشفى الكل كان مستنى لين تدخل اوضة العمليات
لين بعياط: جاسر ادخل معايا متسبنيش
جاسر: هدخل معاكى متخافيش
جهزوا جاسر عشان يدخل مع لين العمليات و الكل واقف بره مستنى
لين: اهااااااا منك لله يا جاسر منك لله
و شدت ايده و عضته
جاسر: يا بنت العضاضه هو مش كان برضاكى
لين: اسكت منك لله منك لله
الدكتور: خلاص هانت اكتمى نفسك و طلعيه براحه يلا
بدأت لين تعمل كده لحد ما سمعوا صوت عياط
الدكتور: ما شاء الله بنوته زى القمر مبروك عليكوا
جاسر: الله يبارك فيك
الممرضة خدت الطفله و حطتها فى حضن لين
لين: الله شكلها قمر اوى يا جاسر
جاسر: طلعه شبهك نسخه طبق الاصل منك
بعد كده خدوا لين و البنوته و حطوهم فى الاوضه و الكل دخل بارك للين
حنين: هتسموها ايه
جاسر و لين: فيروزه
و اتعمل لفيروزه سبوع ملكى يليق بفيروزه بنت جاسر و لين
و بكده تنتهى قصتنا بأحداث سعيده و جميله و ننتقل لأحداث اخر تحمل الكثير من الاشياء
#بدايه_النهايه
#نهايه_الفصل_العشرون
الفيديو اللى فوق رقصتهم فى الفرح👆👆
أنت تقرأ
حب لا ينتهى
Romansaنبذه الحب مبينتهيش حبك الكبير لشخص مبيقلش مع مرور الايام ولا بيتنسى بتفضل فاكر كل حصلت فى علاقتكم و كلامكم و حبكم لبعض و مهم حاولت تنسى مش هتنسى لان حبك كان حقيقى و الحب الحقيقى مبيتنساش ولا بينتهى اه كل واحد راح لحاله بس بيفضل الحب معشش فى قلوبنا و...
