سُلطانة الصعيد "كامله"

•الـفـصـل-الـثـالـث-والـعـشـرون.

تصويت + تعليق قبل قراءة الفصل.

اللهم صلِّ وسلم وبارك على سيدنا ونبينا وحبيبنا محمد وعلى آله الطيبين الطاهرين اجمعين وسلم تسليما كثيرا.

أستغفر الله العظيم وأتوب إليه عدد خلقه ومداد كلماته وزنة عرشه، لا حول ولا قوة إلا بالله العلي العظيم.

                                   ***
جلست غزل أمام الطبيبه تكاد تموت من الرعب بينما جلست عنان بجانبها تتناول يديها تحاول إطمئنانها.

هتفت الطبيبه بجديه وعمليه تبتسم برقه لها تحاول إطمئنانها:-

_متخفيش يا مدام غزل إن شاء الله هنبتدي من النهارده تاخدي حُقن وأدويه عشان أنتِ جسمك ضعيف وطبعًا الراحه أهم حاجه يا مدام غزل.

هتفت غزل بتساؤل وهي تطالعها بتوتر وحيره:-

_طب والحمل أتثبت يا دكتور ولا لأ أنا بقالي شهر بتابع معاكي.

هتفت الطبيبه بجديه وعمليه تنظر إلي تحاليل غزل الخاصه:-

_بُصي أنا دلوقتي مش هقدر أقولك إن كان أتثبت أو لأ لأن أهم حاجه في الفتره دي الراحه لكن أنتِ فضلتي الشهر تجهدي في نفسك فأنا مش هقدر أقولك دلوقتي تثبيت الحمل بياخد علي الأقل تلت شهور أحنا دخلنا في تاني شهر وحاولي علي قد ما تقدري ترتاحي وبعد التلت شهور هنقدر نقول إن كان الحمل أتثبت ولا فيه أحتمالية حدوث إجهاض.

أماءت غزل بهدوء بينما هتفت عنان بهدوء ورزانه:-

_طيب يا دكتور يعني لما ترتاح وتمشي علي الدوا بإنتظام إن شاء الله الحمل هيثبت.

غمغمت الطبيبه بجديه وهي تعدل نظارتها الطبيه:-

_إن شاء الله بس برضو ده في الآخر قدر وده شيء بإيد ربنا.

أماءت عنان ونهضت تساعد غزل علي النهوض وغادروا العياده النسائيه وهن يستندون علي بعضهن.

                                         ***
أندفع أدهم يستمع إلي حديث ياسين بعدم تصديق يزمجر بغضب:-

_يعني إيه يعني إيه يا ياسين نور قالت كده ليه إيه اللي حصل.

غمغم ياسين بهدوء وهو يحاول فهم موقف نور العدائي ذلك:-

_الله أعلم أنا قولتلك اللي هي قالتهولي هي لا طيقاك ولا طايقه غزل وعنان وحقيقي مش فاهم إيه اللي حصل عشان تقول كده أنتَ زعلتها يا بني ولا قولتلها حاجه تضايقها؟.