ودخل ادهم وناوزلي الي غرفه المكتب ليتحدثا معا فبدات نازلي الحديث: شوف يا ادهم انا عارفه انك مش طايقني بس صدقني انا عارفه انك بتحب اخواتك كد ايه رغم انكو مش من نفس الام بس انت بتحبهم جامد ولو منفذتش اللي انا عيزاه صدقني هبعدهم عنك ومش هتشوفهم تاني ابدا
ادهم بضيق: اخلصي قولي عايزه ايه
نازلي: عايزه تكتبلي شيك بعشره مليون جنيه هاخدهم واسافر ومش هتشوفوا وشي تاني واهو تكون استريحت مني
ادهم : انا موافق بس ايه يضمنلي انك مش هتيجي البلد تاني
نازلي : متقلقش مش هنزل البلد تاني مهما حصل خلاص عيالي وبقوا مش عايزيني هعيش لنفسي وبس بعد كده ها موافق ولا لا
ادهم : موافق بس قوليلي هتمشي امتي
نازلي: بكره الصبح هكون في الطياره مش هتشوفوني
ادهم : كويس اوي
ثم اعطاها شيك بالمبلغ الذي طلبته وتركها وتوجه لغرفته لينعم بنومه هنيئه فمنذ وقت طويل وهناك الكثير من المشاكل حوله ولا يستطيع ان يستريح
بينما كان عمر قد اخبر لمياء بكل شئ والذي انهارت في البكاء كيف لامها ان تفعل بها هكذا وهي تدرك كم هي تحب احمد فاسرعت لمياء لغرفه امها لتعاتبها ولكن وجدت منها البرود فقط البرود
لمياء ببكاء: انتي ازاي ياماما تعملي فيا كده
نازلي : انا عملت كده عشان مصلحتك
لمياء: مصلحتي ايه بس عشان مصلحتي ولا عسان الفلوس ياماما مصلحتي مع احمد اللي بيحبني ويخاف عليا مش مع هيثم صاحب الفلوس
نازلي بعصبيه: بنت انا امك ازاي تعلي صوتك عليا كده
فتركتها لمياء وخرجت صافعه الباب خلفها معبره عن غضبها
وانقضي الليل وجاء الصباح وبه الكثير من الاخبار السعيده فاخيرا ابتعدت عنهم تلك العقربه التي كانت تمنع كل حبيب من الوصول لحبيبته واخذت معها ذلك المجرم فقد سافرت نازلي وسيف لخارج البلاد رغم ان سيف كان مطلوبا من قبل الشرطه الا انه استطاع ان يخدعهم ويسافر للخارج بحيله ما
في مكان آخر كانت لمياء تستعد للذهاب لبيت احمد لكي تعتذر منه وتعبر عن مدي خجلها من نفسها لانها تركته ولم تثق فيه بالدرجه الكافيه فطلبت من عمر ان يوصلها وكان ادهم ذهب الي الشركه واخبرهم بانه سوف يلحق بهم
فوصل عمر ولمياء الي منزل احمد وفتحت لهم وعد الباب فظل عمر ناظرا اليها لا يتحرك وكانت وعد خجله منه بشده فضحكت لمياء وقالت: احم احم لا اخلصوا عايزه ادخل اصالح الواد خلصوني
وعد وقد فاقت من شرودها وكذلك عمر الذي ضرب اخاه ضربه خفيفه في كتفها قائلا : منك لله بوظتي عليا مزاجي ع الصبح
ودخل الثلاثه الي المنزل واخبرتها وعد ان احمد خرج ليحضر بعض الاشياء وسيعود قريبا فطلبت لمياء من وعد ان توصلها لغرقه احمد فهي تريد ان تنتظره في غرفته كي تصنع له مفاجاه واوصلتها وعد لغرفه احمد ثم تركتها وخرجت لتجلس مع عمر ( حبيب العين والنيني دا 😂)
أنت تقرأ
عشقت آية ( الرواية الأولى ..... من سلسلة ..... العشق الابدي )
Romanceعنيده مثل امواج البحر لم يملك قلبها احد وتعتبر الحب ضعف حتي جاء هذا الادهم ليملك قلبها رغم تملكه وغيرته الذي تكرههما ليعيشا معا في عالمهما الخاص البعيد كل البعد عن هذا العالم الوحشي ❤
