#هروب
{ الحلقة 4 }
للكاتبة : رودي
فتاة القمر 💜
كوثر : حي عليا كدبت عليه اهوو في تاكسي جاي... واشرت بإيدها لتاكسي وقفلها وركبت
التاكسي : وين يا اختي
كوثر : نبي طريق الشط
التاكسي : حاضر
سامية : الو
اشرف : ايوا امي
سامية : كيف حالك يا فرخ
اشرف : كيف حالك مع فرخ ميمشيش حالها
سامية : صكر فمك..شن صار في البنية ؟؟
اشرف : خشت في حالة نفسية بس مش عارفينها كيف..شوي تاني بيجي دكتور نفسي يتابع حالتها
سامية : قصدك بتخش مصحة العقلية ولا النفسية ولا مش معروف شن اسمها
اشرف : لا لا هي مش مجنونة هي خشت في حالة صدمة زي الصنم متتحركش وحتى عيونها مترمشش فيهم
سامية : تبكي.... حي تعال ارفعني تعال
اشرف : غدوا ساهل امي
سامية : تواااا تعال
اشرف : غسان مش هني منقدرش نخليها بروحها في المستشفى
سامية : به غدوا الصبح تعالالي
اشرف : حاضر حاضر
سامية : هي ردو بالكم
اشرف : ان شاء الله... وصكرت
سامية : حي عليا تعالي يا الاء
الاء : نعم ماما
سامية : عرفتيها اخت صاحب خوك هداكا غسان
الاء : اي الحلوة ولا الي مرة جتنا هني عندها اختها صغيرة لسانها طويل
سامية : تبكي... اي اي
الاء : خيرها صاحبتي هديكا؟؟
سامية : خشت في حالة نفسية متتحركش وحتى عيونها مترمشش فيهم
الاء : دموعها نزلو...يا روحي عليها شروق
سامية : غدوا قلت لخوك يرفعني
الاء : تبكي....بنمشي معاك 😭
سامية : ان شاء الله 💔
كوثر : تفضل خوي
التاكسي : شكرا... ومشي
"المطر بدت تصب" ☔💦
كوثر : اهئ يا ربي وينه الحمار هادا 😭 صققع....وبدت ادور لين لقاته راقد عالتراب قدام سيارته والمطر عليه... غسان
غسان : 💔
كوثر : غسان
غسان : شن جيبك
كوثر : دموعها نزلو.... اسفة وربي ماقصدي اني منعرفش علاش انت درت هكي بس الي نعرفه ان في مصلحتها وربي كنت خايفة عليها اني معمره كان عندي خوات طول عمري بروحي عرق الاخوة لقيته عندكم وربي يشهد عليا قداش نحبكم 💔
غسان : انتي مش عارفة كمية المصيبة الي صارت كمية القهر الي حاس بيه الشي الي كنت نحمي في شروق منه انتي زرعتيه من جديد 💔
كوثر : سامحني غسان سامحني متكونش قاسي هكي اني لو كنت نبي شروق تعرف ره قلتلها قدامك اسفة اقسم بالله اسفة منسحابش الشي هادا حيضرها اصلا منسحابش سمعتنا😭
غسان : 💔
كوثر : سامحني مش متخايلة انك زعلان مني 💔
غسان : "تلفتلها"
كوثر : سامحتني
غسان : هز براسه
كوثر : من غير وعي... كداب
غسان : قام حاجبه
كوثر : مش قصدي ره من الفرحة 😁
غسان : هز براسه
كوثر : هيا
غسان : وين
كوثر : بيجي الدكتور النفسي
غسان : ......... 💔
كوثر : ناضت بعزم وإصرار وبصوت عالي....تسمع فيا شروق بحاجتنا توا وبحاجتك انت اكتر واحد لازم نكونو جنبها لازم نساندوها هي معندها غيرك انت وشمس نوض اوقف خلي نمشولها ونوقفو معاها ونكونو جنبها ولا انت مش قدها 🤨
غسان : حس ان كوثر ردتله الروح... به ❤
كوثر : يبهي ايامك نوض اوقف "ومدتله ايدها"
غسان : "شد ايدها وناض"
كوثر : ه.....
غسان : تلفتلها وقايم حاجبه.....انتي من جابك !؟
كوثر : ءء ء جابني جابني ءء اهوا شن يقولوله
غسان : اها..منو كملي ؟
كوثر : تحك في راسها... اهوا شن شن اسمه
غسان : تتككللمميي
كوثر : ضربت ايدها على جبهتها.... تاااككسسيي نسيت اسمه امبكري 🤦♀️
غسان : وراس امك 😡
كوثر : خ خيرك
غسان : مخيرنيش تجي الطريق هادي كلها لاااااء وفي تاكسي وبروحكم 😡🤬
كوثر : خليك ريلكس يعني شن فيها
غسان : شاد اعصابه.....شن فيها ؟؟
كوثر : يعني كان مش مني ره قاعد في حالة الاكتئاب الخاصة
بيك انت بس
غسان : شدها من شعرها فوق الوشاح... تعرفي نشد نعجن امك قدام الناس
كوثر : حطت ايدها في نصها....على اساس مشديتنيش
غسان : نشلبخك كف توا 😡
كوثر : سلمه الي يستأذن
غسان : قام ايده بيضربها
كوثر : لا لا نبصر عليك
غسان : حول ايديه وساوة روحه
كوثر : ترعش... هيا
غسان : خيرك اتكتكي في سنونك
كوثر : صقع وكلني مبلولة
غسان : اركبي
كوثر : به.. وركبت هي وغسان في السيارة
غسان : خدي جاكيت من الكرسي الخلفي... شدي البسي
كوثر : شكرا
غسان : عفوا... ولع السيارة وطلع
اشرف : عطلت الفرخة كوثر خلي ننزل نشوفها... وهو كيف نازل جت امه
اشرف : بصدمة... من جابكم 😳
سامية : جينا في تاكسي وينها البنية نبي نشوفها
الاء : اي وينها
اشرف : اي وينها قصدي اهيا الغرفة
سامية : شبحت من الروشن... يا روحي عليها
الاء : تبكي... شروق ل وين وصلتي 😭
غسان : راكب وفي جنبه كوثر ويتكلمو مع بعضهم
سامية : شهقت.... كوثر 😳
الاء : فاتحة فمها... كوثر 😳
كوثر : حضنتها....خ خ خالتي س سامية
سامية : تبوس فيها... بنيتي وين كنتي وين وين وشن اديري هني
كوثر : تبكي....هربت يا خالتي هربت معش تحملت
سامية : وين هربتي شن فيك شن اديري في المستشفى
كوثر : هربت ولقيت ناس كويسة نقعد معاهم
سامية : تعيط... وينهم وينهم
اشرف : اهدي امي لقاها غسان وهي جاية عشان شروق في المستشفى
سامية : هدت شوية... شن صاير فيك يا بنتي تاكلي كويس ترقدي كويس
كوثر : ابتسمت... اي يا خالتي غسان وشروق مش منقصين عليا شي ☺
سامية : شدت اشرف من ودنه..... وانت تندري ان بنت خالتك عند صاحبك ومتبيش تقول
اشرف : تي حتى اني مكنتش نعرف امس تلاقيت اني وياها
سامية : حضنت كوثر.... استاحشتك يا بنت ❤
الاء : ماما حولي من عليها ساعة وانتي حاضنتيها"وحضنتها"
كوثر : في ودنها... كيف حال سراج
الاء : 24 ساعة يسأل فيا عليك
كوثر : سلمه يا ربي
الاء : تاخدي كف هل تبي نعطيك كف
كوثر : باهي يا بنتي فهمنا انه خطيبك
الاء : دفتها... مينفعش فيك
غسان : اشرف
اشرف : نعم
غسان : امتى وصل الدكتور
اشرف : قبلك بشوية
غسان : وقف قدام روشن غرفة شروق وشاف الدكتور كيف يتكلم معاها وهي مش معاه بكل 💔
كوثر : تلفتت شافاته
غسان : عيونه دموع
كوثر : حطت ايدها على كتفه....وعد مني يا غسان حترجع شروق زي قبل واحسن ❤☺
غسان : ابتسم
كوثر : لكن حني لازم نتحملو ونصبرو ونكونو معاها
غسان : اي ❤
دكتور رواد معالج شروق
رواد : به غر اشبحيلي
شروق : في عالم بروحها وجها بدون ملامح 💔
رواد : ياكل في العنب... قصدي انتي شن هو الي خلاك هكي
شروق : ..............
رواد : والنبي ضوقي العنب بنته زي العسل
شروق : ...............
رواد : به شوفي احم اني دكتور رواد عمري 28 سنة وانتي
شروق : .............
رواد : نعرف نعرف انتي شروق عمرك 24 صح كملتي قرايتك بكري به اسمعي مفروض عمرك 25 انتي او مفروض هادي اخر سنة تقريها صح
به تعالي نقولك شن اصعب من انك تكوني مخطوبة تسافري 3 سنين برا عشان قرايتك وانك تأمني مستقبلك مع حبيبك ولما ترجعي تلقي خطيبك متزوج وعنده بنت وولد توأم
شروق : ...............
رواد : خنقاته العبرة..... هادا هو الي صارلي سافرت عشان نعيش اني وحبيبتي بس الصدمة لما روحت لقيتها متزوجة وعندها صغار زيادة
شروق : .............
رواد : تعرفي انك تشبهيلها وربي تشبهلك 🥺
شروق : ............
رواد : ترا خلي نفحصك لان كملت اليوم
شروق : ...........
رواد : قعد يفحص فيها.... اي خلاص هكي تمام مفيك شي
طق طق طق طق
رواد : خش يا متأدب
الدكتور عمر : رواااادووو 😍
رواد : نقص صوتك يا بهيم 😂
عمر : شن صار فلم انت والمريضة
رواد : اهي متكلمتش لكن قاعد نحاول
عمر : قتلك اااه اهوا لا اله الا الله محمد رسول الله اذكرت المريضة لازم يحولوها لقسم بروحها
رواد : علاش قسم بروحها
عمر : حالتها صعبة هلبة ومش بعقلها مش معروف شن ادير في المرضى التانيين
رواد : شبحلها...........
＊*•̩̩͙✩•̩̩͙*˚ ˚*•̩̩͙✩•̩̩͙*˚＊
