#هروب
الحلقة { 5 }
الكاتبة : رودي
فتاة القمر 💜
رواد : شبحلها.....هادا مش شكل وحدة مجنونة
عمر : مقلتش مجنونة اني قلت هي مش في وعيها مش معروف شن ادير في المرضى
رواد : امتى بتحولوها
عمر : بعد غدوا
رواد : باهي ديرو رايكم
عمر : شن مزال انت
رواد : قام شنطه....لا كملت خلاص تبي حاجة
عمر : لا لا منبي شي
غسان : اني نازل باهي
اشرف : وين
غسان : نبي امية عطشان
اشرف : جيبلي معاك
غسان : به تبي حاجة كوثر
كوثر : لا
غسان : الاء خالتي سامية متبو شي من لوطا
الاء : لا لا
سامية : شويشة امية بس يا وليدي
غسان : حاضر..... ونزل
عمر طلع ورواد طلع وراه
اشرف : دكتور طمنا
رواد : شن بنقولك الواضح ان المريضة متعرضة لصدمة خلتها هكي هي حالة صعبة حاليا لان معرفتش كيف نتعامل معاها هي مش مجنونة ومش بوعيها هي تتنفس بس طبعا احني مش حنضغطو عليها حنخلوها براحتها ومع الايام ان شاء الله تنطلق وترجع زي قبل واحسن
اشرف : ان شاء الله
رواد : اسمع هي توا....... وقعد يفهم فيه لين خشوا في الهدرزة 😂
غسان : كيف طالع من المحل يشوف بوه وخوه شادين في ايدهم صورة يسألوا في الناس غطا راسه بالبرنوص وطلع يجري للمستشفى
ترن ترن ارن 📱
اشرف : لحظة دكتور
رواد : رواد منغير رسمية
اشرف : به لحظة رواد
رواد : به اني عطلتكم خلي نمشي
اشرف : هز راسه ورد.... نعم
غسان : رد بالك تخلي دكتور شروق يطلع بسسسرررعة متخليشي يطلع خش انت وياه في اي غرفة اني جاي
اشرف : صكر الخط.... روواااااد
رواد : تلفت.... نعم
اشرف : تعال شوية نبيك في اي غرفة بروحك
رواد : تعال في مكتبي غادي
اشرف : تمام احسن... ومشي هو و رواد ومرة مرة يتلفت
سامية : شن في يا الاء وخيره غسان جاي يجري
غسان : جي يجري.... وين اشرف
سامية : خش هو والدكتور للغرفة الي غادي
رواد : غر فهمني شن فيي
اشرف : ءء....
غسان : داهش.... السلام عليكم
رواد : وقف..... وعليكم السلام
غسان : قعمز.... دكتور اني لازم نحكيلك معندي غيرك
رواد : ان شاء الله خير بس عندي شخص قبلك "واشر ع أشرف"
اشرف : اني معاه هو......
غسان : قعمز دكتور رواد اني كلمته قلتله يخليك في الغرفة لين نوصل
رواد : قعمز
غسان : زي متعرف عندك مريضة اسمها شروق خاشة في حالة صدمة
رواد : اي
غسان : المريضة هادي اختي
رواد : كنت نستنى في حضرتك تجيني وتشرحلي الي صار معاها عشان نقدر نتاعمل معاها
غسان : تنهد.... قبل 3 سنين كنا.......
سامية : لا حول ولا قوة الا بالله شن يديرو الداخل
الاء : واااك يا امي رجالة يتكلمو شن بتخشي معاهم
سامية : صكري عليا فمك خير منلطك كف 😒
كوثر : كاتمة ضحكتها
الاء : قلبت عيونها وفتحت تلفونها 🙄
سامية : يا ربي صبرني علاش ضبح عليهم
الاء : لاهية في التلفون 📱
سامية : نكلم فيك انتي يا بهيمة
الاء : توا بش قلتيلي اسكتي هاني سكتت هني روحك وهنيني معاك خليني لاهية في الفيس
سامية : ضربتها على راسها......لسانك يبي القص انتي
الاء : به به
كوثر : تضحك بهمس
سامية : هديكا صاحبتي اي هي راضية يا راضية.... ومشت تجري
الاء : وقفت بسرعة و في نفس اللحظة خطم عمر بالقهوة وتبزعت عليهم
عمر : خيرك انتي ديري عيون
الاء : قامت حاجبها.....جيب عصا واضربني
عمر : اي نضربك ونص
الاء : خبطت ع كتفه..... برا سلم ولدي خود زلباحتك وغير شمالك ره مزال مش راجل
عمر : بصوت عالي.....مش راجل صار والل......
الاء : بصوت هادي.... اي مش راجل يا بابا الراجل ميعليش صوته ع انثى الراجل ميستقواش ع انثى الراجل ميهددش الانثى برا يا بطل هي.... وخدت شنطتها ومشت
اما عمر قعد يسحن عليها كان يلقى يقتلها لانه عصبي هلبة
