#هروب
الحلقة { 12 }
للكاتبة : رودي
فتاة القمر 💜
الاء : وصلو للحوش مشت لدارها وصكرت الباب وحدفت روحها على السرير وفتحت النت لقاته ممل حدفت التلفون
تن تن " وصلتها رسالة 📩"
الاء : فتحت التلفون لقت رسالتين عالوتس و الماسنجر وفتحت الوتس ولقت عمر باعتلها 😨😳.
[لدواء مرتين في اليوم الساعة 10 الصبح و 10 في الليل]
وخشت عالرسالة الي في الماسنجر
[ ونسيت نقولك خوديه بعد الاكل ولو صارلك اي شي قوليلي]
غسان : درس قدام العمارة ونزلوا ركبو للحوش فتح غسان الباب لقي بوه وخوه مقعمزين 😳
مختار : غسان
غسان : شن دخلكم انتو هني
بسام : طقطقنا مفتحتوش نسحابو صار فيكم شي الداخل
غسان : لا لا مافينا شي هي اطلعو
بسام : تلقت لشروق.... شروق اختي
غسان : شروق مأخت حد اطلعو
مختار : غسان اسكت شوية حتى اني هادو صغاري ومن حقي نشوفهم ونرفعهم معاي
غسان : لا مش من حقك
مختار : لا من حقي
غسان : لما تبدا اي زي الناس وتحافظ على صغارك وقتها من حقك اما توا لا
مختار : طبس راسه شبح شمس.... شموسة بنيتي تعالي
شمس : خافت مشت وراء كوثر
بسام : قام حاجبه... غسان من هي هادي
غسان : مدخلكش م د خ ل ك ش مدخلكش اطلع توا
مختار : مش حنطلعو
غسان : كوثر خودي شمس وشروق وبري لدار
كوثر : حاضر... شدت شمس وشروق دخلتهم لدار
مختار : نبي نكلم اختك شروق ناديها
غسان : تبي تكلم شروق لحظة بس... خش لشروق جبدها من ايدها... هادي بنتك كلمها
مختار : حضنها.... شروق يا بنتي اني اسف سامحيني
شروق : ..................
مختار : غسان خيرها اختك
غسان : شد شروق يدغدغ فيها ويعيط ... شوف كيف متضحكش شوف اختي معش تحس اختي عندها تبلد في المشاعر تعرف شن معناه المرض هادا...بسبب الماضي بسبب الجرح الي سببتوهولها يعني كان لازم هكي يصير كنتو تقدورو تنفصلوا انت ومرتك وكل واحد يمشي لمكان ونقعدو حني في الحوش احني كبار و نعرفو نتصرفو لكن انتو اخترتو تشردونا اخترتو تبعدونا وتشتتونا وتوا لو سمحتو اطلعو منبيش شمس يصيرلها زي شروق بسببكم لأني مش حاكيلها
مختار : ءء
غسان : اطططللللعععععوووووو 😡
مختار : هيا بسام
بسام : تلفت ل غسان وطلعوا
شروق : كويس الي طلعو... وخشت
الاء : بعتت لعمر رسالة عالماسنجر
[ جو الاهتمام والحركات ميفوتش عليا ]
عمر : [ الحق فيا اني الحمار الي مقايلك، الدكتور كاتبلك الموعد غلط قلت نقولك مش على خاطرك على خاطر اشرف صاحبي والباقي ان شاء الله تموتي شن دخلني فيك] و حظرها عالماسنجر 🚫
الاء : الكلب ولد الكلب 😡... وصكرت النت ورقدت ب حوايجها 😂
مر يوم الاثنين ويوم الثلاثاء ب........
تفكير عميق يحتوي كوثر
خوف كبير يحتوي سامية من ان ترجعلهم ليلى وتبهدلهم 😨
وغضب كبير يحتوي الاء 😡
وهدوء وسلام يحتوي عمر 😌
وهم وضيق يحتوي رواد، بس ليش؟؟! 💁
وحزن يحتوي مختار 💔
ومخططات شريرة في عقل كرم وليلى 😈
و افكار ممكن تهدم الدنيا في عقل غسان 🔥
