# هروب
الحلقة { 2 }
الكاتبة : رودي
فتاة القمر 💜
اشرف : بوك وخوك وعيلتكم كلها يدورو فيكم؟؟!
غسان : 😳
اشرف : الوو غسسان تسمع فيا
غسان : ن نس نسمع ف فيك 😳
اشرف : رد بالك تطلع رد بالك حاطين صوركم في كل مكان
غسان : تتت تمام
اشرف : تبي حاجة كلمني
غسان : بب به... وصكر في وجهه
شروق : فتحت الباب وكيف بتطلع جي غسان يجري صكره بالقوة لين شروق وكوثر وشمس انخلعوا
غسان : مش حنطلعو اليوم
شروق : ليييش
غسان : ف ف في بنات خطفوهم اليوم قدام عمارتنا
شروق : اااه معناته مش لازم عندك الحق
غسان : اي شن تبو انتو من براا
شروق : شوية حاجات لشمس للمدرسة وحوايج ل كوثر
غسان : حاضر تو يجيبهم اشرف
شمس : كوشر تعالي نوريك العابي..وشدت في ايد كوثر ورفعتها للغرفة
شروق : هي خلي نمشي نغير حوايجي ونطيب الغدي
غسان : تمام... ورجع لغرفته
اشرف : استنى استنى عاود شن نجيب
غسان : من امبكري نعاودلك
اشرف : غر هياا
غسان : جيب 4 عبايات كيار و عبايتين متع طفلة عمرها 4 سنين و وخمارين و جيب حوايج بنات و......
اشرف : عاود تاني نبي نكتب..كلامك هلبة ره
غسان : اششششررررررففف
اشرف : غر عاود
غسان : نفذ صبره ويتكلم بسرعة... 4 عبايات متع كبار و عبايتين متع طفلة عمرها 4 سنين و وخمارين و جيب حوايج بنات داخلية وخارجية وسبيدروات واوشحة كله نبيه غالي وماركة واشري اكسسوارات وحاجات زي هادي واااه اهم حاجة نبي تليفون بشفرته ب كڤره
اشرف : شنو عاود
غسان : بصوت عالي... اشرف فكني تراا 😡
اشرف : ضحك... نبصر عليك 😂
غسان : تنفس... نبيهم توا ره
اشرف : وشنو انت تليفون بشفرن وكڤره شن تسحابني سيف ولد معمر ولا بنته عيشة ولا ولد غنيوة ولا ولد خال البقرة ولا ولد عم حفتر ولا حفيد اوباما 🙂
غسان : عارف حالتكم ملييحة جيب واني ندفعهملك
اشرف : به هي سلام خلي نبدا التسوق
غسان : ...صكر في وجهه...
اشرف : لا رسمي قلة الادب كاترة عند غسان الايام هادي
شروق : اني متأكدة ان في شي تاني غير هادا مستحيل التوتر
والارتباك على خاطر خطف خيره بدي يخبي عليا هلبة
كوثر : اهدي بالك صح وهو خايف عليكم خيرك؟
شروق : دلكت جبهتها... ممكن
شمس : شروووق
شروق : نعم
شمس : نبي نتجوج
غسان : طق وخش... مزال والله هادا مناقص تتزوجي قبلي
شروق : مصغر عقلك 😂
شمس : عادي غشان يتجوج كوشر وبعدين شروق تتجوج اشرف واني نتجوج راجلي ونعيشو هني
كوثر : وجها احمر
غسان : المهم جاي على خاطر الحوايج تلقوهم فوق الصالون كل شي مرتبه ره كل واحد وشكارته
شروق : به شكرا ☺
غسان : عفواا.. طلع
شروق : هي اطلعو خلي نجيب الحوايج
كوثر : متحشمة..... لل لا ج جيبيهم هني ءءاحسن
شروق : باستغراب.... به
شفنا الحوايج وعجبونا وخشينا نقيسو فيهم حطيت الغدي و كوثر بتموت من الحشم جابلها غسان تلفون في البداية قالت لا بعدين قعد يحلف وهي تحلف هو يحلف وهي تحلف لين قاللها تحشمي اكبر منك بااش هدت وخداته😂
جي الليل فرشنا بطاطين لوطا وسكرنا الضي وفتحنا السهارة وقعدنا نهدرزو ونضحكو على كلام شمس
لين رقدت شمس ورقدت بعدها شروق
كوثر : تهز في شروق...شرووق شرووق
شروق : راقدة.. هاا
كوثر : رقدتي بكري ره الساعة 2:00
شروق : غطت روحها....ارقدي كوثر
كوثر : واااك... وفتحت تلفونها وصكراته... كسااااد وجعانة بنمشي ندير سندوتش...طلعت من الدار لابسة بيجامة وردية وشعرها مفتوح ومشفشف ومشت للمطبخ دارت فردة بالطن والهريسة وفردة تانية فيها دحي مقلي و طماطم وجبنة شرايح وقسمت فردة الطن بين زوز وفردة الدحي بين زوز وقعمزت تاكل وفجأة تحس بريح جت من البلكونة اللي في المطبخ ناضت وفمها ملبز بجبنة كيف بتصكر البلكونة شبحت غسان كيف بيخش
كوثر : ءء اني اني..
غسان : انتي شنو
كوثر : ش شش شي ك كنت نن ن نبي ناكل مم.....
غسان : غر اهدي وانتي تقول شفتي جن
كوثر : في داخلها... حيي عليا يقتل يجنن بندوخ ❤
غسان : خدي البكرج القهوة يسخن فيه
كوثر : تحشمت وجت بتطلع
غسان : ضحك...خليك كملي هماعتك ومنها تهدرزي معاي😂
كوثر : بب به... وقعمزت تاكل بالشوية
غسان : عجبوك الحوايج
كوثر : اي صحيت
غسان : والتلفون ☺
كوثر : بارك الله فيك
كوثر : في داخلها... اي اكيد مزعوج من وجودي زعما نسأله
غسان : كأنك تبي تقولي حاجة
كوثر : ءء اني ق ق قصدي انتو اي انتو كيف؟؟اني قصدي ان حني يعني حاليا مام...
غسان : نزل راسه....متخافيش اني مش زاعجني وجودك وشروق فهمتني قصتك وانتي بديتي وحدة من عيلتنا وخاصتا ان شروق مهتمة بيك هلبة
كوثر : دموعها نزلو... شكرا
غسان : امسحي دموعك ماي سستر🙂
كوثر : مسحت دموعها... حاضر ماي برادر
غسان : حقااا انتي شن اسمك
كوثر : معقولة معاكم في الحوش ومتعرفش اسمي
غسان : تي انتي غر تشوفيني تتكرمشي 😒
كوثر : اسمي كوثر
غسان : عاشت الاسامي واني اسمي غسان
كوثر : نعرف
غسان : تسلمي 🙂
كوثر : ضحكت 😂
غسان : كم عمرك
كوثر : 24
غسان : اممم مليح
كوثر : وانت كم عمرك
غسان : 27 قريت قانون
كوثر : يعني محامي
غسان : اي
كوثر : به وعمرك خسرت قضية
غسان : ايي ربحت 4 قضايا وفي اخر قضية خسرت بعدين وقفت
كوثر : ليش وقفت
غسان : توتر.... ك ك كنت كنت نح.......
فششششششششششششش☕
غسان : وقف...حي القهوة فاجت
كوثر : ناضت صبتله القهوة في فنجان ومسحت الغاز... يلا اني بنمشي نرقد تصبح على خير
غسان : وانتي من اهلوو
مرو 6 ايام
غسان وشروق بدو يتعاملوا مع كوثر كأنها اختهم ومراات تجي تهدرز على غسان في الليل وتنفخله في راسه
شروق كلمتها صاحبتها وقالتلها تعالي اخدمي معاي في العيادة وشروق قالتلها نستأذن من غسان ونرد عليك
اما شمس اليوم اول يوم ليها في المدرسة ❤🤗
شمس : تلبس في شنطتها... هي بالشلامة ردو بالكم على روحكم وافطرو كويش واشربو شاهي وحليب مش شاهي بش ومتحفتوش( متفتحوش) الغاج( الغاز) هيا غشان
غسان : ضحك وطلع وطلعت وراه شمس
شروق : وووك سخنت
كوثر : حتى اني
شروق : بنخش نغسل....خشت لدار وطلعت فانيليا بيضاء نص كم وسكليز اسود( سروال لاصق ) وخشت الحمام
كوثر : قعمزت تفكر... زعما شن بيصير فيا مستحيل حنقعد هني....حمل عليهم يصرفو عليا مرات يبو راحتهم.. لازم ننتقم وناخد الورث متاعي ونعيش مستقرة لكن كييف بناخد حقي ااااه وخلاص 💔
شروق : قعمزت.....خيرك منكدة
كوثر : تعرفي نفكر في مستقبلي قلت كان نحص.اااااه هادا شنو اللي في ايدك قصدك موشمة
شروق : ضحكت... هادا حرقة من لما اني صغيرة حرقت روحي بحديدة على شكل حرف الاكس
كوثر : حسيتيها
شروق : نسيتها غسان قالي عليها
كوثر : اهاا
رودي : نبي نسرع في الاحداث مرو اسبوعين بسرعة البرق شمس مرتاحة في مدرستها لكن شيطانة والمدرسات يشكو منها لانها حركية ولسانها طويل ومرعشة الصغار 😂
كوثر حست روحها حمل عليهم فبدت تخطط كيف بتاخد حقها وتمشي
شروق استأذنت من غسان وقالتله نبي نخدم في البداية قال لا وبعدين حس روحه حرمها وافق
غسان كل يوم يفكر في خواته يبي يحميهم بأي طريقة
اشرف ينق على غسان يبيه يعزمه😂
واليوم غسان عازم اشرف على اساس 😂
شروق : تساوي في السفرة... وين غسان
كوثر : شكله في غرفته تو نمشيله
شروق : اي بسرعة
كوثر : لبست وشاحها ومشت لدار غسان وخشت... غسان قتلتلك ش....'وسكتت مصدومة' 😳
اشرف : كوثر 😳
كوثر : اشرف 😳
غسان : تعرفو بعضكم
كوثر : ######
غسان : ####😳😳😳😳
اشرف : #####😂😂😂😂
＊*•̩̩͙✩•̩̩͙*˚ ˚*•̩̩͙✩•̩̩͙*˚＊
