#هروب
الحلقة { 14 }
للكاتبة : رودي
فتاة القمر 💜
حنان : ناضت تلفتت لطريق وعيطت......... ععععممممممرررر 😨
عمر & حنان & زمرد : 😨😨😨
زمرد : حطت ايدها على قلبها بعد ممشت الطانطة.... ووه طلعنا من عينها 😨
حنان : انتبه سلم وليدي قريب درنا حادث
عمر : بنتك هادي دهبتلي شيرتي
زمرد : مش حنرد عليك تكلم بروحك قاعدة راعشة 😨
عمر : لا ترا جربي ردي باش نفسدلك خليقتك 😡
حنان : صكري فمك واحترمي نفسك خوك اكبر منك 😡
زمرد : خلاص سكتت 🤐
سامية : الاء ردي بالك اطيحي المترد رزين ره
الاء : يا ماما شن نطيحه ومع.......
سامية : شدي باهي قلتلك
الاء : شاداته باهي مش حنطيح
اشرف : ياكل في العنب....هي خايفة على المترد الي شارياته بالغلي والكواء مش خايفة عليك
الاء : هههه مرزن دمك
اشرف : وراثة
الاء : حاشااااها عيلة بوي معندهمش البرادة هادي
اشرف : علا صوته باش تسمعه امه.... شن تقصدي يعني ان عيلة امي باردين ولا تقصدي ان امي دمها رزين
سامية : اشرف خيركم
اشرف : بنتك الاء قالت عيلة امي باردين وامي مرزن دمها
الاء : على اساس عندها بنت تانية " وقلدت صوته" بنتك الاء قالت تي قول بنتك وخلاص ولا قول الاء بس 😒
سامية : هادا الي واجعك
الاء : مالا شن 😒
اشرف : ماهو ضروري جملة مفيدة
سامية : تبي تربية من جديد انتي وخوك زيادة ونوضي حطي الفواكه في الصونية
طق طق طق طق طق 🚪
سامية : اشرف افتح الباب
الاء : وااااو سبحان الله صوتك كيف تغير
سامية : صكري فمك انتي وانت افتح الباب
اشرف 😒.. مشي فتح الباب.... مرحبتين بخالتي الحلوة وامي التانية و........
ابتهال : اي زيد ارغي عاد جيتنا مرة وحدة وانت شادها، شن تبي يا خالتي كلميني في اي وقت يا خالتي واعتبريني ولدك وبعدين ولا حياة لمن تنادي
اشرف : والله لهيت اقسم بالله وبع.......
سامية : دفاته... حول خلي نسلمو عالمرا اهلين كيف حالك" وسلمو على بعضهم وخشو"
اشرف : اهلين روادو تفضل
رواد : يزيد فضلك
رامي : نتفضل حتى اني ولا كيف
اشرف : خليك عالباب شوية
رامي : اااه به
اشرف : وراثة عيلتنا في قلة الادب ره
رامي : سامع بيكم قالو ميتحشموش
اشرف : ايوا بالزبط 👍
رواد : خش انت وياه
رامي واشرف ضحكو وخشو 😂
ابتهال : والله كان رواد يحكيلي اشرف غسان اشرف غسان لين قلتله عرفنا عليهم هالشباب لين جو في الحوش والله تبارك الرحمان على غسان الرزانة والعقل اما ولدي و ولدك مفهمتش خيرهم
سامية : تي باهي ولدك طلع دكتور شوفي ولدي اني
ابتهال : تسحابيها هالخدمة الباهية ره يوم يمشي وشهر لا
سامية : امالا اشرف قاعد في الحوش زي انتايا
ابتهال : اني مفهمتش كيف عمر وغسان صحابهم
سامية : اي والله
الاء : اشرف ورواد طنجرة ولقت غطاها
ابتهال : مالا ولدي الصغير حي حي منحكيلكش عاد
سامية : ربي يهديهم هالمفرخ
ابتهال : اي والله
طق طق طق طق طق 🚪
سامية : الاء نوضي افتحي حاضر
الاء : حاضر... ومشت
سامية : مالا الاء حتى هي البيارة وكل شي فيها
ابتهال : ميبانش عليها
سامية : حي حي والله منحكيلك زي خوها بالزبط
