#هروب
الحلقة { 10 }
للكاتبة : رودي
فتاة القمر 💜
رواد : ش ش ش شر شروق 😨
شروق : تلفتت و رجعت قعمزت في سريرها
رواد : قعمز عالكرسي.... شروق تسمعي فيا انتي توا صح
شروق : تلفتتله
رواد : حاولي تتكلمي ترا حاولي
شروق : ..............
رواد : حاولي تحكي معاي
شروق : به شن تبي
رواد : انصدم 😳
شروق : هزت براسها ورجعت زي ماكانت سكرت عيونها ورقدت
كانت صدمة ل رواد يعني شروق هي في حالة صدمة بس تقدر تتكلم ضربه الشك عليها وعرف خيرها وشن فيها بس هز راسه يمين ويسار يبي يطلع الفكرة من دماغه وناض طلع برا يستنشق في الهواء
رواد : لازم ندير تحليل باش نتأكد من الموضوع وان شاء الله نطلع غالط
غسان : روح للحوش لقي كوثر... شديري
كوثر : بناخد شوية حوايج ل شروق حوايج المستشفى خامرين
غسان : اي احسن
كوثر : خيرك انت
غسان : شي
كوثر : ضحكت... تعرف بديت نحس في المستشفى حوشي التاني 😂
غسان : ضحك.... عندك علم حتى اني حسيت 😂
ترن ترن ترن
غسان : ايوا عمر
عمر : غسان خلي شمس تقعد عندي بنمشو نشوفو الاء وشروق وبتقعد معاي وبعدين نروحو
غسان : باهي به
عمر : هي سلامات بتجو بعدين
غسان : اي بنشوفو الاء
عمر : تم
اشرف : ها يا امي
سامية : بصوت عالي... ورحمة امي الي في قبرها ماني ماساته الحوش برا جيب عمال يقيمو الخراا هادا الي داره البلي كرم
اشرف : يام هو على مرش ودم مدايرة العار
سامية : اي بندير العار وبندير احرف منه زيادة الدم ليه اسبوعين في الوطاا برا جيب حد يقيمه وكان يقطعولي ايدي منمسه
اشرف : تنهد....به حاضر
ابتهال : تعيط..... راااااااامممممممـييييييييييي
رامي : نزل.... ها يام يعطيك بكشة
ابتهال : تلفتت.... نعم 🤨
رامي : تي نقصد بخشة متع الغدي والعشي هديكا قصدي يعطيك بخشة متع غدي..تجيك هدية من عمي الهادي هه هه 😨
ابتهال : شبحتله..... قيم عليا الخرا المخري الي مدايره في المربوعة يا إما قسما بالله نقول لبوك على ال..........
رامي : حط ايده ع فم امه.... خيرنا يما عاد من عيوني تو نقيمه 🙂
ابتهال : ماتمشو الا بالعين الحمراء 😡... ومشت للمطبخ
رامي : تي هو بوي كان يسمع صوتك يطلقك ويمشي يهج يسافر ل السودان ونخطبله اني و رواد وحدة سودانية شعرها طويل ومتعيطش زي القرودة
ابتهال : حدفت عليه الصونيه وتكصرت...قيم وانت مصكر فمك
رامي : هو صح اني مجرمة لكن متوصلش بيك انك تحدفي عليا الصونيه مرش ره بتقتليني
ابتهال : جت بتضربه رامي طلع يجري من الحوش 😂
زمرد : وووك وووك ديما يا زمرد قيمي يا زمرد حطي يا زمرك
جيبي يا زمرد ارفعي تي شن النهار المغبر هادا وووه عليا
حنان : طلعتلها بالمغرف.... تصكري فمك ولا نعجنك توا
شمس : تكنس في الدروج.... اي ريتيها خالتي حنان كيف بارية ( بايرة)
حنان : حطي المكنسة سلم بنيتي غبرة
شمس : لا لا عادي
عمر : نزل باس راس امه.... اني طالع تبو حاجة
زمرد : اني نبي
عمر : تلفت.... اؤمري
زمرد : نبي ليم قارص
حنان : علاش ان شاء الله
عمر : في ليم في التلاجة
زمرد : تي نبي ندير عصير ليمون
شمس : ااااااه عرفت بديري ليموضانة ( ليموناضة)
زمرد : اي صح 😂😂😂
عمر : به تو نجيب هيا شمس
شمس : جاية
عمر : طلع هو وشمس
